TTD Laddus Kiosk Machines: ప్రసిద్ధ ఆధ్యాత్మిక క్షేత్రం తిరుమలలో లడ్డూ ప్రసాదాన్ని ఇకపై మరింత ఈజీగా కొనుగోలు చేసేలా టీటీడీ కీలక చర్యలు చేపట్టింది. భక్తులు కౌంటర్లలో వెయిట్ చేయకుండా ఉండేలా కియోస్క్ ల ద్వారా లడ్డూలు కొనుగోలు చేసేలా ఏర్పాట్లు చేసింది. తాజాగా ఈ విధానం అందుబాటులోకి వచ్చింది. నిజానికి అదనపు లడ్డూ ప్రసాదాన్ని పొందాలనుకునే భక్తులు, లడ్డూ విక్రయ కేంద్రాల్లో డబ్బులు చెల్లించి కొనుగోలు చేయాల్సి ఉంటుంది. ఇలా చేయడం వల్ల ఎక్కువ సమయం పట్టే అవకాశం ఉంటుంది.
కియోస్క్ ల ద్వారా లడ్డూలు ఎలా కొనుగోలు చేయాలి?
కియోస్క్ ల ద్వారా లడ్డూలను ఈజీగా కొనుగోలు చేసే అవకాశం ఉంటుంది. భక్తులు దర్శనం అనంతరం, తమ దర్శన టికెట్ నంబర్ ను కియోస్క్ లో ఎంటర్ చేయాలి. తమకు కావాల్సిన లడ్డూల సంఖ్యను ఎంటర్ చేయాలి. ఆ తర్వాత యూపీఐ ద్వారా డబ్బులు చెల్లించాలి. ఆ తర్వాత వచ్చిన రిసీప్ట్ ను లడ్డూ కౌంటర్ లో ఇవ్వాలి. కౌంటర్ లోని వాళ్లు వెంటనే లడ్డూలను అందిస్తారు. ఒకవేళ దర్శనం టికెట్లు లేకుంటే, తమ ఆధార్ నెంబర్ ను ఎంటర్ చేయడం ద్వారా 2 లడ్డూలను కొనుగోలు చేయవచ్చు.
ఇలా చేయండి..
⦿ ముందుగా లడ్డూ కౌంటర్ల దగ్గర ఏర్పాటు చేసిన కియోస్క్ మిషన్ దగ్గరికి వెళ్లాలి.
⦿ దర్శనం టికెట్ ఉంటే ఓ ఆప్షన్, లేకుంటే మరో ఆప్షన్ సెలెక్ట్ చేసుకోవాలి.
⦿ ఒకవేళ దర్శనం టికెట్ ఉంటే, టికెట్ వివరాలను అందులో ఎంటర్ చేయాలి.
⦿ టికెట్‌లో ఉన్న వ్యక్తుల సంఖ్య ఆధారంగా ప్రతి ఒక్కరికీ రెండు అదనపు లడ్డూల వరకు అనుమతిస్తుంది.
⦿ దర్శన టికెట్ లేనివారు ఆధార్ నంబర్ ఎంటర్ చేయాలి. ఈ ఆప్షన్ ప్రకారం ప్రతి వ్యక్తికి 2 లడ్డూల వరకు కొనుగోలు చేసుకోవచ్చు.
⦿ సరైన ఆప్షన్ ఎంచుకున్న తర్వాత యూపీఐ ద్వారా పేమెంట్ చేయాలి. లావాదేవీలు పూర్తి అయిన తర్వాత రసీదు వస్తుంది.
⦿ ఆ రసీదును తీసుకెళ్లి లడ్డూ కౌంటర్ లో ఇస్తే, వాళ్లు లడ్డూలు అందిస్తారు.
Read Also: వందే భారత్ లో విండో సీట్ కోసం ఇన్ని నాటకాలా? మీకు ఇలా జరిగిందా?
మున్ముందు 4 లడ్డూలకు పెంపు
ప్రస్తుతం కియోస్క్ యంత్రాల ద్వారా 2 లడ్డూలను పొందే అవకాశం ఉండగా, మున్ముందు ఆ సంఖ్య 4కు పెంచాలని టీటీడీ భావిస్తోంది. ప్రస్తుతం లడ్డూ విక్రయ కేంద్రాల్లో 5 యంత్రాలను ఏర్పాటు చేశారు. వీఐపీ బ్రేక్‌ దర్శన టికెట్లు పొందే ఎంబీసీ ఎంక్వయిరీ కేంద్ర దగ్గర మరో 3 ఏర్పాటు చేశారు. మున్ముందు తిరుమల వ్యాప్తంగా వీటిని ఏర్పాటు చేయాలని టీటీడీ భావిస్తోంది.
Read Also: ఇండియన్ బుల్లెట్ రైలుకు.. చైనా రెడ్ సిగ్నల్.. అవి ఇవ్వలేమంటూ పేచీ!
Share
Team India: ఆ ముగ్గురు హీరోయిన్లతో బరితెగించి తిరిగిన టీమిండియా ప్లేయర్...?
HVF Recruitment: అద్భుత అవకాశం.. టెన్త్, ఐటీఐతో 1850 ఉద్యోగాలకు నోటిఫికేషన్ రిలీజ్..
