Make In India Metro: వేగంగా తయారవుతున్న మెట్రో కోచ్‌లు.. విలువ కోట్లలో.. ఏ రాష్ట్రానికో తెలుసా?

Make In India Metro: వేగంగా తయారవుతున్న మెట్రో కోచ్‌లు.. ఒక్కోటి విలువ కోటిన్నర దాటి వెళ్తోంది. మొత్తం వేల కోట్లు.. కానీ ఇవన్నీ తయారవుతున్న రాష్ట్రం మీ ఊహకు దూరంగా ఉంటుంది. దేశీయ నిర్మాణ శక్తిని చూపించేలా, ఆ రాష్ట్రంలోని ఓ పట్టణం ఇప్పుడు నేషనల్ హెడ్లైన్స్‌లోకి వచ్చేస్తోంది. ఏ మెట్రో ప్రాజెక్టు కోసం..? ఎవరు తయారు చేస్తున్నారు..? అసలు సంగతులు తెలియాలంటే.. ఈ కథనం పూర్తిగా చదవండి.

దేశీయ రైలు తయారీ రంగంలో మరో గర్వకారణమైన విజయాన్ని సాధించింది టిటాగఢ్ రైల్ సిస్టమ్స్ లిమిటెడ్ (TRSL). తాజాగా ఈ సంస్థకు రూ.1,598.55 కోట్ల విలువైన భారీ కాంట్రాక్ట్ లభించింది. ముంబయి మెట్రో లైన్ 6 కోసం 108 మెట్రో కోచ్‌లు తయారీకి ఈ ఒప్పందం కుదిరింది. టిటాగఢ్ సంస్థ ప్రతినిధి తాజాగా ఈ ప్రాజెక్ట్ వివరాలను వెల్లడించారు.

ఈ కాంట్రాక్ట్‌లో భాగంగా ముంబయి మెట్రో లైన్ 6 (స్వామి సమర్థ్ నగర్ నుంచి విక్రోలీ ఈస్టర్న్ ఎక్స్‌ప్రెస్ హైవే వరకు)కి అవసరమైన కోచ్‌ల రూపకల్పన, తయారీ, సరఫరా, ఇన్‌స్టాలేషన్, టెస్టింగ్, కమిషనింగ్ తదితర పనులను TRSL నిర్వహించనుంది. అంతేకాదు, కోచ్‌ల డెలివరీ తర్వాత 2 సంవత్సరాల డిఫెక్ట్ లయబిలిటీ పీరియడ్, అనంతరం 5 సంవత్సరాల పాటు కంప్రెహెన్సివ్ మెయింటెనెన్స్ బాధ్యతను కూడా ఈ సంస్థ చేపట్టనుంది.

ఈ ఆర్డర్‌ను ముంబయి మెట్రో ప్రాజెక్టును నిర్మిస్తున్న ఎన్‌సీసీ లిమిటెడ్ (NCC Ltd) అనే సంస్థ అందించింది. ఈ సంస్థ ముంబయి మెట్రో రీజియన్ డెవలప్‌మెంట్ అథారిటీ (MMRDA) తరఫున ప్రాజెక్టును అమలు చేస్తోంది.

ఒక్కో కోచ్ ఖర్చు దాదాపు రూ.10 నుండి11 కోట్లు
ప్రస్తుతం ఒక్కో మెట్రో కోచ్ తయారీకి సగటున రూ.10 నుంచి రూ.11 కోట్లు ఖర్చవుతోంది. ఇది కస్టమర్ అవసరాలు, ఫీచర్లు ఆధారంగా మారుతూ ఉంటుంది. TRSL ఉప నిర్వహణాధికారి ప్రితీష్ చౌధరీ వెల్లడించిన వివరాల ప్రకారం, ఈ ప్రాజెక్టు ద్వారా కంపెనీకి లభించే మార్జిన్ సుమారుగా 9–10 శాతం మధ్య ఉంటుందని, అయితే తయారీ సామర్థ్యాన్ని ఇంకా పెంచిన తర్వాత మార్జిన్ రేటు మెరుగవుతుందని తెలిపారు. ప్రస్తుతం బ్యాక్‌వర్డ్ ఇంటిగ్రేషన్ ప్రక్రియ సాగుతుండటంతో సంస్థ లాభదాయకత మరింతగా మెరుగుపడనుంది.

Also Read: Special Train Service: ఏపీ ప్రయాణికులకు శుభవార్త.. ఆ స్పెషల్ రైలు కొనసాగింపు.. ఏయే స్టేషన్లలో ఆగుతుందంటే?

ఈ కాంట్రాక్ట్ కింద TRSL మొత్తం 18 రైలు సెట్లు (train sets) తయారు చేయనుంది. ఒక్కో సెట్లో 6 కోచ్‌లు ఉంటాయి. డిజైన్ నుండి డెలివరీ వరకు పూర్తయ్యే ఈ ఫేజ్‌కి 104 వారాల గడువు ఉంది. తర్వాత మెయింటెనెన్స్ ఫేజ్ మొదలవుతుంది.

ఉత్పత్తి కేంద్రం ఉత్తరపారాలో.. పశ్చిమ బెంగాల్ గర్వం
టిటాగఢ్ రైల్ సిస్టమ్స్ లిమిటెడ్‌కు పశ్చిమ బెంగాల్ రాష్ట్రంలోని హూఘ్లీ జిల్లా ఉత్తరపారాలో ఒక సమగ్ర తయారీ కేంద్రం ఉంది. ఈ కేంద్రం దేశీయంగా అత్యాధునిక వాహనాల తయారీలో ప్రముఖంగా మారింది. ఇప్పటికే ట్రైన్ కోచ్‌లు, మెట్రో రైళ్ల తయారీతో పాటు పలు అంతర్జాతీయ ఆర్డర్లను కూడా ఈ సంస్థ విజయవంతంగా పూర్తి చేసింది.

ఈ ఆర్డర్ TRSL సంస్థను భారత్‌లోని అర్బన్ ట్రాన్సిట్ రంగంలో మరింత బలంగా నిలబెడుతోంది. భారత ప్రభుత్వ ‘మేక్ ఇన్ ఇండియా’, ‘ఆత్మనిర్భర్ భారత్’ లక్ష్యాలకు అనుగుణంగా దేశీయంగా అత్యాధునిక మెట్రో కోచ్‌లు రూపొందించి సరఫరా చేయడం గొప్ప పురోగతిగా భావించవచ్చు.

ముంబయి మెట్రో.. భవిష్యత్తు ప్రణాళికల్లో టిటాగఢ్‌
ముంబయి మెట్రో లైన్ 6 ప్రాజెక్టు ద్వారా నగరంలోని ఈస్ట్ – వెస్ట్ కనెక్టివిటీ మెరుగుపడనుంది. రోజూ లక్షలాది మంది ప్రయాణికులకు ఇది గొప్ప ఉపశమనం ఇవ్వనుంది. ఇక టిటాగఢ్ సంస్థ చేతుల్లో ఉండటం వల్ల దేశీయ పరిశ్రమకే అగ్రతేజాన్ని కలిగించనుంది. భవిష్యత్తులో ఇతర మెట్రో ప్రాజెక్టుల్లో కూడా ఈ సంస్థ కీలక పాత్ర పోషించనున్నట్లు సమాచారం.

మొత్తంగా చెప్పాలంటే, ఈ భారీ ఒప్పందం TRSL‌కు మాత్రమే కాకుండా, భారతీయ రైలు తయారీ రంగానికి పెద్ద బూస్ట్‌గా నిలవనుంది. విదేశీ దిగుమతులను తగ్గించడంలో ఇదొక మెరుగైన అడుగు. సమయపాలన, నాణ్యత, సాంకేతికతలో TRSL ఇప్పటికే ప్రూవ్ అయింది. ఇప్పుడు ఈ మెట్రో ప్రాజెక్టు వారి సామర్థ్యాన్ని మరోసారి నిరూపించే అవకాశం.