Vande Bharat Sleeper: ఆధునిక రైలు ప్రయాణంలో విప్లవాత్మక మార్పులు తీసుకువస్తున్న వందే భారత్ రైళ్లకు దేశ వ్యాప్తంగా ఆదరణ కొనసాగుతోంది. వేగం, సౌకర్యం, శుభ్రత, హైటెక్ ఫెసిలిటీలతో ఈ రైళ్లు ప్రయాణికుల మన్ననలు పొందుతున్నాయి. ఇప్పటికే ఆంధ్రప్రదేశ్‌, తెలంగాణ రాష్ట్రాల్లో నడుస్తున్న వందే భారత్ ఎక్స్‌ప్రెస్ రైళ్లు సూపర్ హిట్ కావడంతో, ఇప్పుడు స్లీపర్ వర్షన్ వందే భారత్ రైళ్లపై దృష్టి పెట్టింది భారతీయ రైల్వే.
ఇప్పటికే తొలి విడతగా విజయవాడ – బెంగళూరు మార్గానికి, సికింద్రాబాద్ – న్యూ ఢిల్లీ మార్గానికి వందే భారత్ స్లీపర్ రైళ్లు కేటాయించబడ్డాయి. ఈ నిర్ణయం ద్వారా దక్షిణాది రాష్ట్రాలకు రైలు మౌలిక సదుపాయాల్లో మరింత పురోగతి లభించనుంది.
విజయవాడ నుంచి అయోధ్య, వారణాసి దిశగా?
తాజాగా రైల్వే శాఖ వర్గాల నుంచి లభిస్తున్న సమాచారం ప్రకారం, విజయవాడ నుంచి అయోధ్య, వారణాసి వరకు స్లీపర్ వందే భారత్ రైళ్లు నడిపే యోచనలో ఉన్నారు. ఇప్పటికే విజయవాడ – బెంగళూరు మార్గంలో వందే భారత్ స్లీపర్ రైలు కేటాయించబడిన నేపథ్యంలో, ఉత్తరాది పవిత్ర క్షేత్రాలైన అయోధ్య, వారణాసి లాంటి గమ్యస్థానాలకు కూడా కనెక్టివిటీ పెంచే యత్నం ఇది. ఇది కేవలం ఆధ్యాత్మిక ప్రయాణమే కాక, వ్యాపార, విద్య, ఉద్యోగ అవసరాల కోణంలోనూ ఎంతో అవసరమైన మార్గం. ఈ మార్గంలో వేలాదిమంది ప్రయాణికులు రోజూ కదలికలో ఉంటారు.
ఇప్పటికే నడుస్తున్న స్లీపర్ వందే భారత్‌లు
తాజాగా ప్రారంభం కానున్న వందే భారత్ స్లీపర్ రైళ్లలో, సికింద్రాబాద్ – ఢిల్లీ రూట్‌ అత్యంత కీలకమైంది. ఈ రైలు ఢిల్లీ నుండి రాత్రి 8:50 గంటలకు బయలుదేరి, మరుసటి రోజు రాత్రి 8:00 గంటలకు సికింద్రాబాద్ చేరుతుంది. మొత్తం 16 కోచ్‌లలో 11 థర్డ్ ఏసీ, 4 సెకండ్ ఏసీ, 1 ఫస్ట్ క్లాస్ కోచ్ ఉంటుంది. థర్డ్ ఏసీ టికెట్ రూ. 3600, సెకండ్ ఏసీ టికెట్ రూ. 4800, ఫస్ట్ క్లాస్ ఏసీ టికెట్ రూ. 6000లుగా ఇండియన్ రైల్వే నిర్ణయించింది.
Also Read: Mahanandi: మహానంది ఆలయ సీక్రెట్స్.. వెలుగులోకి ఎందుకు రాలేదో!
విజయవాడ – అయోధ్య మార్గంలో ప్రయోజనాలేంటి?
ఈ మార్గం ప్రారంభమైతే దక్షిణం నుంచి ఉత్తరాది పుణ్యక్షేత్రాలైన అయోధ్య, వారణాసికి భక్తులు ఎంతో సులభంగా చేరగలుగుతారు. రామ మందిర నిర్మాణం పూర్తయిన తరువాత అయోధ్యకు పర్యాటకుల రాక భారీగా పెరిగింది. ఈ నేపథ్యంలో విజయవాడ నుండి నేరుగా వందే భారత్ స్లీపర్ అందుబాటులో ఉండటం అనేక రకాల ప్రయోజనాలు కలిగిస్తుంది.
భక్తులకు సౌకర్యవంతమైన ఆధ్యాత్మిక ప్రయాణం అందుబాటులోకి రానుంది. తెలుగు రాష్ట్రాల నుంచి ఉత్తరాది వెళ్లే ప్రయాణికులకు వేగవంతమైన కనెక్టివిటీ, రాత్రి ప్రయాణంతో సమయాన్ని ఆదా చేసే అవకాశాలు, కుటుంబాలతో వెళ్లే వారికీ సేఫ్, హైక్లాస్ ట్రావెల్ సౌకర్యం ప్రయాణీకులకు ఈ రైలుతో చేరువ కానుంది.
విశాఖ – సికింద్రాబాద్‌కు కూడా డిమాండ్
ఇక మరోవైపు విశాఖపట్నం – సికింద్రాబాద్ మార్గంలో కూడా వందే భారత్ స్లీపర్ రైలు కోసం డిమాండ్ పెరుగుతోంది. ఇప్పటికే ఈ మార్గంలో నడుస్తున్న వందే భారత్ ఎక్స్‌ప్రెస్‌కు మంచి స్పందన వస్తుండటంతో, స్లీపర్ వర్షన్ లోనూ అదే మార్గం చేరే అవకాశాలు ఉన్నాయి. రాత్రివేళ ప్రయాణించే వారి కోసం ఇది హితమైన మార్గంగా మారుతుంది.
ఇదంతా చూస్తే, భారత రైల్వే ప్రవేశపెడుతున్న వందే భారత్ స్లీపర్ రైళ్లు ప్రయాణికులకు గేమ్‌చేంజర్ అవుతున్నట్లు చెప్పొచ్చు. త్వరలో విజయవాడ – అయోధ్య, వారణాసి మార్గాల్లో ఈ రైళ్లు పట్టాలెక్కితే, దక్షిణం – ఉత్తరం మధ్య ఒక శక్తివంతమైన ప్రయాణ దారి ఏర్పడుతుంది. భక్తులు, ఉద్యోగులు, విద్యార్థులందరికీ ఇది ఉపయోగపడుతుంది. తక్కువ సమయంలో, అధిక సౌకర్యాలతో ప్రయాణం చేసే వీలుకలుగుతుంది. తెలుగు రాష్ట్రాలకు ఇది మరో గౌరవ విశేషంగా నిలుస్తుందని చెప్పవచ్చు.
Share
ARMY PUBLIC SCHOOL: డిగ్రీ ఉంటే అప్లై చేసుకోవచ్చు.. నెలకు రూ.52,500 జీతం.. ఇంకెందుకు ఆలస్యం
Multani Mitti For Face: ముల్తానీ మిట్టితో ఫేస్ ప్యాక్.. ఇలా వాడితే అమ్మాయిలే అసూయపడే అందం
