Dethadi Alekhya Harika:ఈ మధ్యకాలంలో సెలబ్రిటీలు సినిమాల కంటే కూడా సోషల్ మీడియా ద్వారానే భారీగా సంపాదిస్తున్నారనే వార్త వినిపిస్తోంది. ముఖ్యంగా బుల్లితెరపై షోలలో సందడి చేసిన ఎంతోమంది ఇప్పుడు అవకాశాలు రాకపోయినా నిరుత్సాహపడకుండా అటు ఇంస్టాగ్రామ్ సబ్స్క్రిప్షన్ ఇటు యూట్యూబ్ ఛానల్ ద్వారా భారీగా సంపాదిస్తున్నారు. ముఖ్యంగా సినిమాలో వచ్చే ఆదాయం కంటే కూడా వీరికి ఇలా సోషల్ మీడియా ద్వారా వచ్చే ఆదాయమే మరింత ఎక్కువగా ఉంది అనే వార్తలు కూడా వినిపిస్తున్నాయి. ఇక అలాంటి జాబితాలోకి బిగ్ బాస్ బ్యూటీ దేత్తడి అలేఖ్య హారిక (Dethadi Alekhya Harika) కూడా చేరిపోయింది. సినిమాలలో అవకాశాలు రాకపోయినా ఈమె నెల సంపాదన లక్షల్లో ఉందని తెలిసి అభిమానులు సైతం ఆశ్చర్యపోతున్నారు.
దేత్తడి హారిక ఇండస్ట్రీలోకి రాకముందు అమెజాన్ లో ఉద్యోగం చేసేది. కానీ సినిమాల మీద ఆసక్తితో ఆ ఉద్యోగాన్ని కూడా వదిలేసిన ఈమె.. ఇటు సోషల్ మీడియా , సినిమాలు, ఆల్బమ్ సాంగ్స్ పై ఎక్కువగా దృష్టి పెట్టింది. బిగ్ బాస్ సీజన్ 4 హౌస్ లోకి అవకాశం రావడంతో అక్కడికి వెళ్లి మంచి ప్రజాదారణ సొంతం చేసుకున్న ఈమె.. హౌస్ నుంచి వచ్చిన తర్వాత తన క్రేజ్ ను ఉపయోగించుకొని మరిన్ని అవకాశాలు అందుకుంది.
అయితే ఇప్పుడు ఆల్బమ్ సాంగ్స్, సోషల్ మీడియాపై దృష్టి పెట్టిన ఈమె నెలకు సుమారుగా రూ.8 లక్షలకు పైగా సంపాదిస్తున్నారనే ప్రచారం సోషల్ మీడియాలో చర్చనీయాంశంగా మారింది. ఏది ఏమైనా సినిమాల ద్వారా సంపాదించలేని మొత్తాన్ని.. ఈమె కేవలం సోషల్ మీడియా, ఆల్బమ్ సాంగ్స్ ద్వారా నెలకు ఈ రేంజ్ లో సంపాదించడం అంటే నిజంగా ఆశ్చర్యకరం అనే చెప్పాలి.
యూట్యూబ్ ఛానల్ దేత్తడి ద్వారా విపరీతమైన ప్రజాదారణ సొంతం చేసుకున్న హారిక.. తెలంగాణ యాసలో చేసిన స్కెచ్ లు , అందరికీ సులభంగా అర్థమయ్యే కామెడీ కంటెంట్ రిలీజ్ చేస్తూ.. వందల మిలియన్ల వ్యూస్ సంపాదించుకుంటూ మరింత పాపులారిటీ సంపాదించుకుంది. 2019లో వచ్చిన ఆదిత్య వర్మ అనే చిత్రంలో నర్సు పాత్రతో తెలుగు, తమిళ్ చిత్ర పరిశ్రమలో అరంగేట్రం చేసిన ఈమె.. 2021లో శ్రీకారం, 2022లో మీట్ క్యూట్ వంటి ప్రాజెక్టులతో ప్రేక్షకులను ఆకట్టుకుంది.
ALSO READ:RC 17కి ముహూర్తం ఫిక్స్.. ఆ రోజే గ్రాండ్ ఓపెనింగ్!
అలా సినిమాల ద్వారా వచ్చిన గుర్తింపుతో బిగ్ బాస్ తెలుగు సీజన్ 4లో కంటెస్టెంట్గా అడుగుపెట్టిన ఈమె.. 2020లో ప్రసారమైన ఈ షోలో టాప్ ఫైవ్ లో ఒకరిగా నిలిచింది.. ప్రస్తుతం డిజిటల్ ఇన్ఫ్లు యెన్సర్ గా కొనసాగుతున్న ఈమె.. అటు ఆల్బమ్ సాంగ్స్ తో ఇటు సినిమాలతో, మ్యూజిక్ వీడియోలతో మరింత పాపులారిటీ సంపాదించుకుంది. ఇకపోతే ఈమె విద్య విషయానికి వస్తే.. మెహదీపట్నంలోని సెయింట్ ఆన్స్ కాలేజీ నుండి బ్యాచిలర్ ఆఫ్ బిజినెస్ అడ్మినిస్ట్రేషన్ లో డిగ్రీ పట్టా అందుకుంది.
Share
బిగ్బాస్ బ్యూటీ ఆయేషా ఖాన్ కొత్త లుక్.. చీరలో ఇంత అందంగా ఉందేంటి!
స్కూల్ టాయిలెట్లో గ్యాంగ్స్టర్ను బంధించే బుడ్డోడు… విజయ్ సేతుపతి క్రేజీ కామెడీ తెలుగులోనూ స్ట్రీమింగ్
