Kalyani Amma:గాజులు గలగల అంటూ ఏ ముహూర్తాన రాధమ్మ కూతురు ఆలియాస్ దివ్య నెట్టింట వైరల్ అయిందో కానీ అప్పటినుంచి ప్రశంసలతో పాటు వివాదాలు కూడా ఆమెని చుట్టుముట్టాయి. ముఖ్యంగా రాధమ్మ కూతురిని కళ్యాణి అమ్మ అనే ఆవిడ మొట్టమొదటి సారిగా కామెంట్ చేయడంతో ఈ వివాదం మొదలైంది.
టార్గెట్ చేసి వీడియోలు పెట్టాలన్న ఉద్దేశం లేదు
అయితే తాజాగా ఒక ఇంటర్వ్యూలో పాల్గొన్న కళ్యాణి అమ్మ తన గురించి, తానెందుకు వీడియోలు తీస్తాను అనే విషయాల గురించి,అలాగే తాను ఎందుకు ఆ వీడియో చేయాల్సి వచ్చింది అంటూ అసలు విషయం ఇలా చెప్పుకొచ్చింది. తనకు రాధమ్మ కూతురు అసలు ఎప్పుడు పరిచయం లేదని ఆమెని టార్గెట్ చేసి వీడియోలు పెట్టాలన్న ఉద్దేశం తనకి అసలే లేదని స్పష్టం చేసింది.
ఈ సందర్భంగా సోషల్ మీడియాలోకి కళ్యాణి అమ్మ వచ్చిన బ్యాగ్రౌండ్ గురించి ఇలా చెప్పుకొచ్చింది. మొదట్లో తను ఊర్లోనే ఉంటూ వ్యవసాయ పనులు చేసేదాన్ని, తనకి పశువులు కూడా ఉన్నాయని తెలిపింది.అయితే ఆరోగ్యం సరిగా లేకపోవడంతో కొంతకాలం ఆసుపత్రుల చుట్టూ తిరిగానని చెప్పింది. మల్లా రెడ్డి హాస్పిటల్ తో పాటు నిమ్స్ లాంటి హాస్పిటల్స్ కూడా వెళ్లాల్సి వచ్చిందని అదే సమయంలో తన కొడుకు దగ్గర ఉండాల్సి వచ్చిందని తెలిపింది.
తన కొడుకు తనకి మొబైల్ కొనియడంతో
ఇక అదే సమయంలో తన కొడుకు తనకి మొబైల్ కొనియడంతో ఫోన్ అలవాటైందని, అలా సెల్ ఫోన్ చూస్తూ సొసైటీలో జరుగుతున్న విషయాలని ఖండిస్తూ తన ఇంట్లోనే వీడియోలు చేస్తూ చెప్పేదాన్ని గుర్తుచేసుకోండి. ఇక తను చెప్పే మాటలు బాగా ఉన్నాయని తన కొడుకు గుర్తించి అలాగే వాటిని పదిమందికి చెబితే బాగుంటుందని సూచించాడని తెలిపింది.ఇక తన కొడుకే తనని మొదటగా కృష్ణకాంత్ పార్క్ దగ్గరికి తీసికెళ్ళి వీడియోలు చేయడం ప్రారంభించాడని తెలిపింది .అలా చేసిన ప్రయాణమే క్రమంగా కళ్యాణి టాక్స్ గా మారిందని వివరించింది.
ALSO READ :గాజులు గల గల కంటే ముందే రాధమ్మ కూతురు చేసిన పాట ఇదే!
తన వల్ల ఒకరు అయినా మారితే సంతోషం
ఇక తనకి చదువు పెద్దగా రాదని మీడియా, ప్రమోషన్స్ ,ఫాలోవర్స్,లైక్స్ ,వ్యూస్ తెలీదని చెప్పుకొచ్చింది. వాటికి సంబంధించిన విషయాలన్నీ తన కొడుకే చూసుకుంటాడని తనకు మాత్రం తెలిసిన విషయాలను పదిమందికి చెప్పడం ఒకటి తెలుసని తెలిపింది. తన వల్ల ఒకరు అయినా మారితే సంతోషమని, తన వల్ల ఎవరు చెడిపోకూడదని సమాజానికి మంచి విషయాలనే చెప్పాలని తన ఆలోచన అని చెప్పుకొచ్చింది.ఇక చిన్నప్పుడు ఎన్నో కష్టాలు పడ్డానని తక్కువ స్థాయి నుంచి తన లైఫ్ ని మొదలుపెట్టానని డబ్బు ఉన్నప్పుడు కూడా డబ్బులు లేనప్పుడు మరొక్కలా బంధువులు ఉంటారని తెలిపింది.
మాలని ధరిస్తే మంచిది
రాధమ్మ కూతురు విషయానికి వస్తే తను చేసిన రీల్ చూసిన తర్వాత తాను రియాక్ట్ అయ్యాను అని చెప్పింది .ముఖ్యంగా అమ్మాయిలు మాల వేసుకుంటున్నప్పుడు పెద్దవాళ్లుగా మనం దానికి సంబంధించిన పద్ధతులు, నియమాలు తెలియజేయాల్సిన బాధ్యత తనకు ఉందని అనిపించిందని చెప్పింది. ఇక భక్తి అనేది సోషల్ మీడియాలో షో చేసుకునేది కాదని ,అది నమ్మకానికి సంబంధించిన విషయం అని అందులో ఒక ఆచారం, ఆధ్యాత్మిక భావన ఉంటాయని తెలిపింది .ఏదైనా కష్టం వస్తే దేవుడి దగ్గరికి వెళ్లి మనసులోని బాధని చెప్పుకొని మాలని ధరిస్తే మంచిదని ఈ విషయంలో తనకు తెలిసిన సాంప్రదాయాల ప్రకారం మాట్లాడానని కుండలు బద్దలు కొట్టేసింది.
ALSO READ :బాయిలోనే బల్లిపలికే పాటతో సెన్సేషన్.. నాగవ్వ ఒక్కో పాటకు ఎంత తీసుకుంటుందో తెలుసా?
Share
ఏపీలో రాజమహేంద్రవరం, కాకినాడ, మంగళగిరి కార్పొరేషన్లకు రిజర్వేషన్లు ఖరారు!
ఎంత కష్టపడి పనిచేసినా ఆర్థిక ఇబ్బందులు పీడిస్తున్నాయా? దీనికి కారణం వాస్తు దోషమేనా?
