Karthika Deepam 2 serial today Episode: జ్యోత్స్న పెళ్లి గురించి మాట్లాడుకుంటూ దశరథ, సుమిత్ర ఎమోషనల్‌ అవుతారు. తాము జ్యోత్స్న పెళ్లికి బంగారు నగలు పెట్టకపోవచ్చు కానీ మంచి చీరైనా కొనివ్వాలని అనుకుంటారు. అంతా చాటు నుంచి జ్యోత్స్న, దీప వింటుంటారు. వాళ్ల మాటలు పూర్తిగా విన్న జ్యోత్స్న ఏడుస్తూ తన రూంలోకి వెళ్తుంది. వెక్కివెక్కి ఏడుస్తుంది. వెనకాలే వెళ్లిన దీప.. జ్యోత్స్న ఏడ్వడం చూసి ఓదారుస్తుంది.
జ్యోత్స్న మాత్రం తాను మొదటి నుంచి ఎంత కఠినంగా ఉన్నది తలుచుకుని ఏడుస్తూనే ఉంటుంది. ఎప్పుడూ తాను ఆస్థి కోసమే బతికానని.. కార్తీక్‌ను పెళ్లి చేసుకోవాలనుకోవడం కూడా ఆస్థి కోసమేనని చెప్పి ఏడేస్తుంది జ్యోత్స్న. దీప ఓదారుస్తూ.. ఆ జ్యోత్స్న ఎప్పుడో చచ్చిపోయింది. ఇప్పుడున్న జ్యోత్స్న దశరథ, సుమిత్రల కూతురు మనిషిగా మారిపోయిన జ్యోత్స్న అంటుంది. అమ్మానాన్నల కోసమైనా ఆ జాబ్‌ మానేయవచ్చు కదా అని దీప చెప్తుంది. వాళ్ల రుణం తీర్చుకునే అవకాశం వచ్చిందని ఇప్పుడు కూడా నేను జాబ్‌ చేయకుండా వాళ్ల మీదే ఆధారపడితే ఎలా దీప అంటూ ప్రశ్నిస్తుంది జ్యోత్స్న. వాళ్లిద్దరి మాటలు విన్న కార్తీక్ వచ్చి ఎమోషనల్‌ అవుతాడు.
జ్యోత్స్నను కలవాలని ఫోన్‌ చేసిన సూరజ్ దగ్గరకు జ్యోత్స్న వెళ్తుంది. ఎందుకు రమ్మన్నారు అని అడుగుతుంది. సూరజ్ కోపంగా చూస్తూ.. టిఫిన్‌ బండి దగ్గర గిన్నెలు కడగడం మానేయ్‌ అంటాడు. నేను గిన్నెలు కడిగితే మీకేంటి కష్టం అని జ్యోత్స్న అడిగితే.. నువ్వు గిన్నెలు కడిగిన వీడియో మా తాత చూశారు. అదంతా నా వల్లే అంటూ బాధపడ్డారు.. అంటూ సూరజ్ చెబితే.. మీ తాత బాధపడ్డాడు.. మీ అమ్మ చెప్పింది అని కాకుండా నీ మనసులో ఏముందో చెప్పు అంటూ జ్యోత్స్న అడిగితే.. నేను ఫోటోలు పెడితే వాటికి లవ్‌ సింబల్స్‌ రిప్లై ఇచ్చావేంటి అని సూరజ్ అడుగుతాడు. అవి శౌర్య ఇచ్చిందని చెప్తుంది జ్యోత్స్న. నేను డిలీట్‌ చేసిన ఫోటోలు ఎందుకు స్ర్కీన్‌ షాట్‌ తీసి పెట్టుకున్నావు అని జ్యోత్స్న ప్రశ్నిస్తుంది. ఇక తమరు వెళ్లొచ్చు అంటూ సూరజ్ అంటే మీరు నా బాస్‌.. నేను మీకు పీఏను మీరు ఎక్కడుంటే నేను అక్కడే ఉండాలి అంటుంది జ్యోత్స్న. అయితే కారు ఎక్కు అంటాడు సూరజ్.
శివనారాయణ ఫ్రెండ్‌ ఇచ్చిన ఆర్డర్‌ కోసం వంటలు చేస్తుంటారు. దీప అక్కడకు వెళ్లి క్వాలిటీ చెక్‌ చేస్తుంది. నేను చెప్పింది ఏంటి మీరు చేస్తుందేంటి..? అంటూ వంటలు మొత్తం ఆపేయమని చెప్తుంది దీప. అప్పుడే అక్కడకు వెళ్లిన సూరజ్ విషయం తెలుసుకుని దీపను తిడుతాడు. మీరేం చేస్తారో నాకు తెలియదు సమస్య సాల్వ్‌ కావాలని చెప్తాడు. దీపకు ఏం చేయాలో అర్థం కాక కార్తీక్‌ను అడుగుతుంది. ఏం చేయాలో చెప్పడానికి కార్తీక్ ఆలోచిస్తుంటాడు.
మాలిని దగ్గరకు వెళ్లిన మేనేజర్‌.. దీపకు నిజం తెలిసిపోయిందని వంటలు మొత్తం ఆపేసిందని సూరజ్ కూడా అక్కడు ఉన్నారని చెప్తాడు. అందుకు మాలిని అది మరీ మంచిది. ఈ సాకుతో ఆ దీపను ఆఫీసులోంచి తరిమేయవచ్చు.. చూస్తూ ఉండండి దీప ఏం చేస్తుందో.. అంతా అయిపోయాక కస్టమర్‌ వంటల కోసం వచ్చినప్పుడు మనం ఎంట్రీ ఇద్దాం అంటుంది. మేనేజర్‌ సరే అంటూ వెళ్లిపోతాడు. ఇంతలో ఇవాళ్టీ కార్తీకదీపం2 ఏపిసోడ్‌ అయిపోతుంది.
Share
భార్య ప్రేమ కోసం తెగించాడు.. దొంగగా మారి కారుని కొట్టేసిన భర్త, మధ్యప్రదేశ్‌లో ఘటన
Illu Illalu Pillalu Today Episodes: అంజలికి టెన్షన్.. ప్రేమ దెబ్బకు ఫ్యూజుల్ అవుట్.. వల్లికి ఘోర అవమానం..
