Telugu Serials:వెండి తెరపై స్టార్ గా ఎదగాలంటే అంత ఆషామాషీ కాదు.ఎన్నో సినిమాల్లో మంచి పాత్రలు దొరికితే తప్ప నిలదొక్కుకోలేరు.కానీ టీవీ లెక్క వేరే. ఇక్కడ ఒక్క మంచి పాత్ర దొరికితే చాలు.. ప్రేక్షకులు వాళ్ళని గుండెల్లో పెట్టేసుకుంటారు.ముఖ్యంగా ప్రతీరోజు వాళ్ళని మన ఇంట్లోని టీవీల్లో, చేతుల్లోని మొబైల్స్ లో అస్తమానం చూస్తూనే ఉంటాము కాబట్టి ఒక స్పెషల్ అటాచ్ మెంట్ కూడా ఏర్పడుతుంది.అందుకే టీవీల్లో కనిపించే కొన్ని పాత్రలు చరిత్ర క్రియేట్ చేశాయి.ఆ పాత్రలు చేసిన నటీనటుల పేర్లు కంటే, వారు పోషించిన క్యారెక్టర్ల పేర్లే ఎక్కువగా గుర్తుండిపోయాయి. మరి అలా ఒక్క సీరియల్ తోనే మన ఇంటిలో ఒక మెంబర్ లా మారిపోయిన ఆ తారలెవరో,ఏ సీరియల్స్ తో పేరు తెచ్చుకున్నారో ఒకసారి చూద్దాం.
1. ప్రేమి విశ్వనాథ్ – ‘వంటలక్క’
తెలుగు బుల్లితెర హిస్టరీలో ‘కార్తీకదీపం’ సీరియల్ క్రియేట్ చేసిన సెన్సేషన్ అంతా ఇంతా కాదు.
సృష్టించిన సంచలనం గురించి ప్రత్యేకంగా చెప్పాల్సిన అవసరం లేదు. ఈ సీరియల్లో దీప పాత్రలో నటించిన ప్రేమి విశ్వనాథ్ను ప్రేక్షకులు ఆమె అసలు పేరుతో కంటే ‘వంటలక్క’గానే ఎక్కువగా పిలుస్తారు.
సాధారణ మహిళగా ఆమె పాత్రలో ఆమె చూపించిన భావోద్వేగాలు, కుటుంబం కోసం చేసే త్యాగాలు, ఎదురైన కష్టాలను ఎదుర్కొనే విధానం ప్రేక్షకులను బాగా ఆకట్టుకున్నాయి. సోషల్ మీడియాలో మీమ్స్, ఫ్యాన్ పేజీలు, ప్రత్యేక వీడియోలు అన్నీ ‘వంటలక్క’ పేరుతోనే వైరల్ అయ్యేవి. ఒక సీరియల్ ఒక నటిని ఎంత పెద్ద స్టార్గా మార్చగలదో ప్రేమి విశ్వనాథ్ నే బెస్ట్ ఎగ్జాంపుల్ గా చెప్పుకోవచ్చు
2. నిరుపమ్ పరిటాల – డాక్టర్ కార్తీక్ (డాక్టర్ బాబు)
‘కార్తీకదీపం’లో హీరోగా నటించిన నిరుపమ్ పరిటాలకు కూడా ఇదే సీరియల్ కెరీర్లో టర్నింగ్ పాయింట్ అయింది. అంతకు ముందు కొన్ని సీరియల్స్ చేసినా, కార్తీక్ పాత్రే ఆయనకు స్టార్ ఇమేజ్ తీసుకొచ్చింది.
మహిళా ప్రేక్షకుల్లో ఆయనకు విపరీతమైన అభిమానులు ఏర్పడ్డారు. సోషల్ మీడియాలో ఆయనకు సంబంధించిన ప్రతి పోస్టు వైరల్ అయ్యేది. ఆ క్రేజ్తోనే అనేక టీవీ షోలు, ఈవెంట్లకు ఆయనకు ఆహ్వానాలు వచ్చాయి.
3. నవ్య స్వామి – ‘నా పేరు మీనాక్షి’
తెలుగు ప్రేక్షకులకు నవ్య స్వామిని పరిచయం చేసిన సీరియల్ ‘నా పేరు మీనాక్షి’. అమాయకత్వం, భావోద్వేగ నటన, సహజమైన డైలాగ్ డెలివరీతో ఆమె ప్రత్యేక గుర్తింపు తెచ్చుకుంది.ఈ సీరియల్ తర్వాత వరుస అవకాశాలు వచ్చాయి. స్టార్ మా, జీ తెలుగు వంటి ప్రముఖ ఛానళ్లలో వరుస ప్రాజెక్టులు చేసే అవకాశం దక్కింది.
4. మానస్ నాగులపల్లి – ‘కోయిలమ్మ’
‘కోయిలమ్మ’ సీరియల్ మానస్కు మంచి పేరు తీసుకొచ్చింది. హీరోగా మంచి గుర్తింపు రావడంతో తర్వాత రియాలిటీ షోలలో పాల్గొనే అవకాశం కూడా దక్కింది.బిగ్బాస్లోకి వెళ్లిన తర్వాత ఆయన క్రేజ్ మరింత పెరిగింది. కానీ ఆ జర్నీకి బలమైన పునాది వేసింది మాత్రం ‘కోయిలమ్మ’ సీరియలే అని చెప్పక తప్పదు.
5. పల్లవి గౌడ – ఒక్క సీరియల్తో స్టార్ హీరోయిన్
పల్లవి గౌడ నటనలో ఒక న్యాచురాలిటీ ఉంటుంది. అందుకే ఆమె చేసిన పాత్రలు ప్రేక్షకులకు దగ్గరవుతాయి. ‘సావిత్రమ్మ గారి అబ్బాయి’ సీరియల్ ఆమెకు మంచి గుర్తింపు తీసుకొచ్చింది.ఆ తర్వాత వరుసగా ప్రధాన పాత్రల్లో అవకాశాలు రావడంతో బుల్లితెరలో తనకంటూ ప్రత్యేక స్థానం సంపాదించుకుంది.
6. అర్చన అనంత్ – ‘త్రినయని’
ఫాంటసీ, సస్పెన్స్, కుటుంబ కథ కాంబినేషన్ లో వచ్చిన ‘త్రినయని’ ప్రేక్షకులను ఎంతగానో ఆకట్టుకుంది. ఇందులో అర్చన అనంత్ నటనకు మంచి ప్రశంసలు దక్కాయి.ఈ ఒక్క సీరియల్తోనే ఆమెకు ప్రత్యేకమైన ఫ్యాన్ బేస్ ఏర్పడింది.
7. అమూల్య గౌడ – ఆకట్టుకున్న స్టార్
‘గుండె నిండా గుడిగంటలు’ ద్వారా అమూల్య గౌడ తెలుగు ప్రేక్షకులకు మరింత దగ్గరైంది. ఎక్కువ గ్లామర్ కంటే నటనతోనే అభిమానులను సంపాదించింది.ప్రతి ఎపిసోడ్లో ఆమె చూపించిన ఎమోషన్స్ ప్రేక్షకులను కట్టిపడేశాయి.
8. యష్మి గౌడ – బుల్లితెర నుంచి సోషల్ మీడియా స్టార్
సీరియల్ ద్వారా గుర్తింపు వచ్చిన తర్వాత యష్మి గౌడ సోషల్ మీడియాలో కూడా భారీ ఫాలోయింగ్ సంపాదించింది.టీవీ ప్రేక్షకుల అభిమానాన్ని డిజిటల్ ప్రపంచంలోకి తీసుకెళ్లిన నటీమణుల్లో ఆమె ఒకరు.
9. కీర్తి భట్ – సీరియల్తో మొదలై మరింత పాపులర్
‘మనసిచ్చి చూడు’ సీరియల్ కీర్తి భట్కు మంచి పేరు తీసుకొచ్చింది. తర్వాత రియాలిటీ షోలు, టీవీ ఈవెంట్లు, ఇంటర్వ్యూలతో మరింత గుర్తింపు పొందింది.
ఆమె వ్యక్తిగత జీవితంలో ఎదురైన కష్టాలను ధైర్యంగా ఎదుర్కొనడం కూడా అభిమానులను మరింత దగ్గర చేసిందనే చెప్పాలి.
10. మేఘనా లోకేష్ – ‘శశిరేఖా పరిణయం’తో ఇంటింటి పేరు
‘శశిరేఖా పరిణయం’ సీరియల్ మేఘనా లోకేష్కు ప్రత్యేకమైన గుర్తింపు తీసుకొచ్చింది. ఆమె నటన, స్క్రీన్ ప్రెజెన్స్ ప్రేక్షకులను బాగా ఆకట్టుకున్నాయి.ఆ తర్వాత వరుస సీరియల్స్లో ప్రధాన పాత్రలు చేస్తూ బుల్లితెరలో స్టార్ హీరోయిన్గా ఎదిగింది.
మొత్తంగా ఒక్క హిట్ సీరియల్… జీవితాన్నే మార్చేస్తుందని వీరిని చూస్తేనే అర్థమవుతుంది.
Share
బాస్కెట్ బాల్ అసోసియేషన్ సెక్రటరీపై పోక్సో కేసు నమోదు
గ్లాడియేటర్ స్టార్ రస్సెల్ క్రో కొత్త మూవీ 'బీస్ట్'... తెలుగు డబ్బింగ్తో ఓటీటీలో స్ట్రీమింగ్
