Hyderabad Accident: హైదరాబాద్ లోని జూబ్లీహిల్స్ ప్రాంతంలో ఫెరారీ కారు బీభత్సం సృష్టించిన సంగతి తెలిసిందే. ఆదివారం జరిగిన ఈ ఘటనలో ఐదుగురు గాయపడ్డారు. అయితే ఈ ప్రమాదానికి సంబంధించిన దృశ్యాలు తాజాగా బయటకొచ్చాయి. ప్రమాదం జరిగిన తీరును సమీపంలోని సీసీటీవీ ఫుటేజీ రికార్డు చేసింది. ఈ దృశ్యాలు ప్రతీ ఒక్కరినీ షాక్ కు గురిచేస్తున్నాయి.
ఫిబ్రవరి 22వ తేదీ (ఆదివారం) ఉదయం జూబ్లీహిల్స్ రోడ్ నెంబర్ 45లో ఈ యాక్సిడెంట్ చోటుచేసుకుంది. వేగంగా ప్రయాణిస్తున్న లగ్జరీ స్పోర్ట్స్ కారు.. ఒక్కసారిగా అదుపుతప్పి.. పక్కరోడ్డులోకి దూసుకొచ్చింది. ఈ క్రమంలో అటుగా వస్తున్న ఓ కారును బలంగా ఢీకొట్టింది. ఆ సమయంలో వాహనాల రద్దీ ఎక్కువగా ఉండటంతో వెనుక వైపు వచ్చిన వాహనాలు సైతం కారును బలంగా ఢీకొట్టింది. సడెన్ బ్రేక్ కారణంగా పలు వాహనాలు ఒకదానికొకటి ఢీకొనడంతో వీడియో చూడవచ్చు. ఈ ఘటనలో ఐదుగురు గాయపడగా.. ఎలాంటి ప్రాణాపాయం జరగలేదు.
జూబ్లీహిల్స్ లో పెరారీ కారు బీభత్సం
రోడ్డు నెంబర్ 45లో అదుపుతప్పి డివైడర్ పై నుంచి దూసుకెళ్లి ఇతర వాహనాలను ఢీకొట్టిన ఫెరారీ కారు
ఆదివారం జరిగిన ప్రమాదం.. ఆలస్యంగా వెలుగులోకి
Ferrari car accident in Jubilee Hills pic.twitter.com/W4u695rggI
— BIG TV Breaking News (@bigtvtelugu) February 25, 2026
ప్రమాదం అనంతరం స్థానికంగా భీతావాహ పరిస్థితి తలెత్తినట్లు సీసీటీవీ దృశ్యాలను బట్టి స్పష్టమవుతోంది. ప్రమాదం జరిగిన తీరు చూసి అటుగా వెళ్తున్న వాహనదారులు ఒక్కసారిగా షాక్ కు గురయ్యారు. రోడ్డుపై చెల్లాచెదురుగా పడ్డ వాహనాల విడిభాగాలు, ధ్వంసమైన కార్లు, గాయపడ్డ వ్యక్తులను చూసి కలవరానికి లోనయ్యారు. వెంటనే తెరుకొని పోలీసులకు సమాధానం ఇచ్చారు. అనంతరం గాయపడ్డ వారిని సమీపంలోని ఆస్పత్రికి తరలించారు.
ప్రమాదానికి కారణమైన వ్యక్తిని నగరానికి చెందిన యువ వ్యాపారి క్రాంతిరెడ్డి (30)గా పోలీసులు గుర్తించారు. ఫెరారీ కారులో తలెత్తిన సాంకేతిక లోపం కారణంగా ఈ యాక్సిడెంట్ చోటుచేసుకున్నట్లు భావిస్తున్నారు. సమయానికి బ్రేక్స్ సరిగా పనిచేయలేదని.. దీనిపై దర్యాప్తు చేస్తున్నట్లు అధికారులు చెబుతున్నారు. కాగా కారు ఢీకొట్టిన వేగానికి అక్కడే ఉన్న విద్యుత్ స్తంభం సైతం నేలకొరిగింది. ఈ ఘటనలో రెండు కార్లు, మూడు ద్విచక్ర వాహనాలు దెబ్బతిన్నాయి.
Also Read: Urvasi Rautela: 31వ బర్తడే కి.. 251 మంది అమ్మాయిలకు పెళ్లిళ్ల జరిపిన బాలకృష్ణ హీరోయిన్..!
Share
Virosh wedding: విరోష్ వెడ్డింగ్ ఉదయ్ పూర్ లో ల్యాండ్ అయిన వేద పండితులు..
AI+ Smartwatch Pulse 2 Phone: మార్కెట్లోకి క్రేజీ గాడ్జెట్స్.. 6000mAh బ్యాటరీ పవర్ఫుల్ ఫోన్, రూ.699కే ఇయర్బడ్స్!
