యూకేలో విచిత్రం.. మగాళ్ళ నుంచి పాలు.. నెట్టింట వైరల్ అవుతున్నస్టోరీ

Gammon Milk: ఈ మధ్య సోషల్ మీడియాలో ఒక క్రేజీ న్యూస్ తెగ హల్చల్ చేస్తోంది. సాధారణంగా మనం బాదం, సోయా, ఓట్స్ లేదా కొబ్బరి పాలను డైరీ-ఫ్రీ ఆల్టర్నేట్ గా చూస్తుంటాం. కానీ యూకేలో సరికొత్తగా వెలిసిన ఒక విచిత్రమైన ఫామ్ గురించిన చర్చ ఇప్పుడు నెట్టింట వైరల్‌గా మారింది. బ్రిటన్‌లోనే మొట్టమొదటిసారిగా ఏర్పాటైన ‘గామన్ ఫామ్’ (Gammon Farm) ఇది. ఇక్కడ వింత ఏమిటంటే, మధ్య వయస్కులైన పురుషుల (మిడిల్ ఏజ్డ్ మెన్) నుండి పాలను సేకరిస్తున్నారట.

దీనిని మార్కెట్లో ‘ది బెస్ట్ ఆల్టర్నేటివ్ టు ఆల్టర్నేటివ్ మిల్క్’ అని పిలుస్తుండటం విశేషం. వినడానికి చాలా విడ్డూరంగా, కాస్త నవ్వు తెప్పించేలా ఉన్నా, ఈ వార్త మాత్రం ప్రపంచవ్యాప్తంగా నెటిజన్లను విపరీతంగా ఆకర్షిస్తోంది.

అసలు ఈ ‘గామన్ మిల్క్’ వెనుక ఉన్న కథ ఏంటంటే, ఇది బ్రిటీష్ సంస్కృతి మరియు అక్కడి రాజకీయ, సామాజిక పరిస్థితులపై వచ్చిన ఒక సెటైర్ అని అర్థమవుతుంది. యూకేలో ‘గామన్’ అనే పదాన్ని సాధారణంగా ఒక నిర్దిష్టమైన భావజాలం, కోప స్వభావం కలిగిన మధ్య వయస్కులైన పురుషులను ఎగతాళి చేయడానికి వాడుతుంటారు. ఈ నేపథ్యంలో, వారిని ఒక ఫామ్‌లో ఉంచి, వారి నుంచి పాలు పితుకుతున్నట్లు ఒక కాన్సెప్ట్‌ను సృష్టించి వదిలారు.

‘గామన్ మిల్క్’ మార్కెట్లోకి వస్తే ఎలా ఉంటుందో

ఈ కల్పిత డైరీ ఫ్రీ మిల్క్ వెనుక ఉన్న తయారీ విధానాన్ని వివరిస్తూ సోషల్ మీడియాలో షేర్ అవుతున్న వీడియోలు, పోస్ట్‌లు చూస్తే ఎవరైనా సరే నిజమేనేమో అని పొరబడేలా డిజైన్ చేశారు. ప్లాంట్ బేస్డ్ పాలు ఆరోగ్యానికి మంచివని భావించే నేటి తరం వినియోగదారులను టార్గెట్ చేస్తూ, ఈ విచిత్రమైన ‘గామన్ మిల్క్’ మార్కెట్లోకి వస్తే ఎలా ఉంటుందో ఊహిస్తూ క్రేజీగా స్టోరీలు అల్లుకుపోతున్నారు నెటిజన్లు.

also read :బన్నీ-లోకేశ్ కాంబో.. షూటింగ్ మొదలవ్వకుండానే పూనకాలు తెప్పిస్తున్న క్రేజీ అప్‌డేట్!

ఆధునిక ప్రపంచంలో వీగన్ డైట్, ఆర్గానిక్ లైఫ్‌స్టైల్‌కు డిమాండ్ పెరుగుతున్న సమయంలో, ఇలాంటి ఒక ప్రత్యామ్నాయ పాలు అందుబాటులోకి రావడం వెనుక ఉన్న క్రియేటివిటీ నెటిజన్లకు ఫుల్ ఎంటర్‌టైన్‌మెంట్ ఇస్తోంది. ఈ ఫామ్‌లోని పురుషుల నుండి సేకరించే పాలలో విభిన్నమైన రుచి, పోషకాలు ఉంటాయని, సాంప్రదాయ పాల ఉత్పత్తులకు ఇది గట్టి పోటీ ఇస్తుందని ఆ పోస్ట్‌లలో సరదాగా పేర్కొంటున్నారు. వీగన్ పాలు తాగే వారు సైతం ఈ కొత్త రకం పాలను చూసి ముక్కున వేలేసుకుంటున్నారు.

సోషల్ సెటైర్ కాస్తా గ్లోబల్ ట్రెండ్‌

సాంప్రదాయ పద్ధతులకు భిన్నంగా సరికొత్త పంథాలో ఆలోచించే వారి కోసం ఈ ‘గామన్ మిల్క్’ ఒక విప్లవాత్మక మార్పు అంటూ నెటిజన్లు కామెంట్ల వర్షం కురిపిస్తున్నారు.మొత్తంగా ఈ క్రేజీ మరియు కాంట్రవర్షియల్ వీడియో ఇంటర్నెట్‌లో తెగ వైరల్ అవుతుంది.ఎక్కడో యూకేలో జరిగిన ఒక సోషల్ సెటైర్ కాస్తా, ఇప్పుడు గ్లోబల్ ట్రెండ్‌గా మారిపోయింది.

also read :‘హీరోయిన్లు గ్లామర్ డాల్స్ కాదు’.. మిల్కీ బ్యూటీ తమన్నా బోల్డ్ కామెంట్స్ వైరల్!