ద్వారకా తిరుమలలో మహిళా ఉద్యోగిపై.. సీఎం చంద్రబాబు ప్రశంసల జల్లు!

Dwaraka Tirumala: శభాష్ గాయత్రీ.. అంటూ ఓ మహిళను ఆంధ్రప్రదేశ్ ముఖ్యమంత్రి నారా చంద్రబాబు నాయుడు కొనియాడారు. ఇక విషయంలోకి వెలితే.. ద్వారకా తిరుమల నిత్యాన్నదాన కేంద్రంలో చేతులు లేని ఓ దివ్యాంగ భక్తుడికి అన్నం తినిపించి ఆకలి తీర్చింది గాయత్రీ అనే మహిళ. అయితే ఈ సంఘటనను సోషల్ మీడియాలో పోస్ట్ చేసారు. దీంతో అది వైరల్ గా మారింది.

సీఎం ప్రశంసలు..

దీన్ని చూసిన సీఎం చంద్రబాబు అన్నం తినిపించిన మీ సహృదయానికి వందనాలు అంటూ.. “మానవ సేవే మాధవ సేవ” అని చాటి చెప్పిన మీ స్ఫూర్తి అభినందనీయం అని సీఎం చంద్రబాబు ఆ మహిళను కొనియాడారు. దీంతో అటు సోషల్ మీడియాలో సైతం ప్రజలు ప్రశంసలు కురిపిస్తున్నారు. ఈ వీడియో చూసిన ప్రతి ఓక్కరు ఆమేను ప్రశంసిస్తున్నారు.

చిన్న తిరుపతి..

ఆంద్రప్రదేశ్‌లో ప్రసిద్ధ పుణ్యక్షేత్రమైన ఏలూరు జిల్లాలో ఉన్న ద్వారకా తిరుమల.. దీన్ని చిన్న తిరపతి అనికూడా పిలుస్తారు. శ్రీ వెంకటేశ్వర స్వామివారి ఆలయ నిత్యాన్నదాన సముదాయంలో ఈ సంఘటన జరిగింది. చేతులు లేని ఓ దివ్యాంగ భక్తుడికి అన్నం తినిపించింది. గాయత్రీ అనే మహిళా ఉద్యోగి ఉదారత, సహృదయం ఈ సంఘటనతో నెటిజన్లతో పాటు భక్తులనుండి కూడా మనసు గెలుచుకుంది.

శభాష్ గాయత్రీ.! ద్వారకా తిరుమల నిత్యాన్నదాన కేంద్రంలో చేతులు లేని దివ్యాంగ భక్తుడికి అన్నం తినిపించి ఆకలి తీర్చిన మీ సహృదయానికి వందనాలు. “మానవ సేవే మాధవ సేవ” అని చాటి చెప్పిన మీ స్ఫూర్తి అభినందనీయం. https://t.co/Wr6ax837ED

— N Chandrababu Naidu (@ncbn) October 6, 2026

Also read: తెలంగాణ..రాయలసీమ.. ఉత్తరాంధ్ర..సినిమాలకి ఇదేం లెక్క? నరేష్ ఫైర్!