DSC Notification Released In AP(AP latest news): ఏపీలో నిరుద్యోగులు ఎన్నాళ్లనుంచో ఎదురు చూస్తున్న డీఎస్సీ నోటిఫికేషన్ ఎట్టకేలకు విడుదలైంది. ఎన్నికలు సమీపిస్తున్న తరుణంలో విద్యాశాఖ మంత్రి బొత్స సత్యనారాయణ బుధవారం ఈ నోటిఫికేషన్‌ను విడుదల చేశారు. మొత్తం 6,100 పోస్టులకుగాను ఎస్జీటి పోస్టులు 2,280 ఉండగా.. స్కూల్‌ అసిస్టెంట్‌ 2,299; టీజీటీ 1,264, పీజీటీ 215, ప్రిన్సిపల్‌ 42 ఉద్యోగాలు చొప్పున భర్తీ చేయనున్నారు.
డీఎస్సీకి ఫిబ్రవరి 12 నుంచి 22 వరకు ఆన్లైన్ దరఖాస్తులు స్వీకరించనున్నారు. ఫిబ్రవరి 21 వరకు ఫీజు చెల్లింపునకు గడువు ఇచ్చారు. మార్చి 5 నుంచి హాల్‌టికెట్లు అందుబాటులోకి వచ్చే అవకాశం ఉంది. ఆన్లైన్ పరీక్షలు మార్చి 15 నుంచి 30 వరకు జరగనున్నాయి.
Read More: తెలంగాణ నిరుద్యోగులకు గుడ్‌న్యూస్‌.. వయోపరిమితిపై నోటిఫికేషన్‌కు జీఓ
ఉదయం 9.30 నుంచి మధ్యాహ్నం 12 గంటలవరకు సెషన్ 1 నిర్వహించనున్నారు. సెషన్ 2 మధ్యాహ్నం 2.30గంటల నుంచి సాయంత్రం 5గంటల వరకు జరగనుంది.
డీఎస్సీ ప్రాథమిక కీని మార్చి 31న విడుదల చేయనున్నారు. ప్రాథమిక కీపై అభ్యంతరాలను ఏప్రిల్ 1 వరకు స్వీకరించనున్నారు. ఏప్రిల్ 2న తుది కీ విడుదల చేసి.. ఏప్రిల్ 7న ఫలితాలు వెళ్లడించనున్నారు.
ఈ నేపథ్యంలో 2018 సిలబస్‌ ప్రకారమే డీఎస్సీ పరీక్షలు జరగనునట్లు తెలిపారు. పూర్తి వివరాలు apdsc.apcfss.in వెబ్‌సైట్‌లో ఉంచారు. జనరల్‌ కేటగిరి అభ్యర్థులకు గరిష్ట వయోపరిమితి 44 ఏళ్లు ఉండాలి. రిజర్వ్‌ కేటగిరి అభ్యర్థులకు మాత్రం మరో ఐదేళ్లు పెంచారు.
Share
Richard Branson : బిలియనీర్ రిచర్డ్ బ్రాన్సన్‌కు ప్రమాదం..!
Nara Lokesh Speech: బాబు సూపర్ సిక్స్ హామీలను జనంలో తీసుకెళ్లండి.. శ్రీకాకుళం శంఖారావంలో లోకేశ్ పిలుపు..
