Janasena Candidate Divya: పరిషత్ ఎన్నికల్లో ఓటర్లు ఆమెను నమ్మి గెలిపించారు. కానీ ఆ విజయోత్సవాన్ని కళ్లారా చూసుకోకుండానే విధి ఆమెను అనంత లోకాలకు తీసుకెళ్లిపోయింది. తూర్పు గోదావరి జిల్లా దేవరపల్లి మండలం ధుమంతునిగూడెంలో చోటుచేసుకున్న ఈ ఘటన స్థానికులను తీవ్ర శోకసంద్రంలో ముంచెత్తింది.
ఓటర్ల తీర్పు.. విధి విచిత్రం
ధుమంతునిగూడెం ఎంపీటీసీ స్థానానికి జనసేన అభ్యర్థిగా పోటీ చేసిన 28 ఏళ్ల గారపాటి దివ్య, తన వైసిపి ప్రత్యర్థిపై 352 ఓట్ల భారీ మెజారిటీతో ఘన విజయం సాధించారు. అయితే, కౌంటింగ్ రోజున ఫలితాలు వెలువడి ఆమె గెలిచినట్లు ప్రకటించే సమయానికి దివ్య ఈ లోకంలో లేరు. కౌంటింగ్‌కు ఒక్క రోజు ముందే ఆమె తీవ్రమైన గుండెపోటుతో అకస్మాత్తుగా మరణించారు.
తీరని శోకంలో కుటుంబం
దివ్యది ప్రేమ వివాహం. ఆమెకు 5 ఏళ్లు, 3 నెలల వయసున్న ఇద్దరు పసిమొగ్గలాంటి కుమారులు ఉన్నారు. ఓ వైపు ఊరంతా ఆమె సాధించిన విజయాన్ని తలచుకుంటూ ఉంటే, మరోవైపు పసిపిల్లలను వదిలి అంత చిన్న వయసులోనే ఆమె కన్నుమూయడం చూసి గ్రామస్థులు కంటతడి పెట్టుకుంటున్నారు. ప్రజల గుండెల్లో గెలిచిన దివ్య, విధి ఆడిన వింత నాటకంలో ఓడిపోవడం అందరినీ కలచివేస్తోంది.
Also Read: శామీర్‌పేటలో ఘోర రోడ్డు ప్రమాదం.. ఇద్దరు మృతి, డ్రైవర్ అరెస్ట్
Share
అందరి కోసం సినిమా తీయలేను.. మౌళి బోల్డ్ కామెంట్స్!
ఇసుకను చీల్చుకుంటూ బయటకు వస్తున్న భారీ చెయ్యి.. ప్రపంచాన్ని ఆకట్టుకుంటున్న వింత శిల్పం!
