అప్పుడు రాజకీయాలు వద్దన్నావ్.. ఇప్పుడెందుకు వచ్చావ్? విజయసాయి రెడ్డిపై కేఏ పాల్ ఫైర్

KA Paul: రాజకీయాల నుంచి తప్పుకుంటున్నానని చెప్పి.. మళ్లీ కొత్త పార్టీ పెట్టడమేంటని విజయసాయి రెడ్డిపై ప్రజాశాంతి పార్టీ అధ్యక్షుడు కేఏ పాల్ తీవ్ర స్థాయిలో విరుచుకుపడ్డారు. ముందు సాయిరెడ్డి తన వైఖరిని మార్చుకోవాలని, అసలు రాజకీయాల్లోకి మళ్లీ ఎందుకు రావాల్సి వచ్చిందో ప్రజలకు సమాధానం చెప్పాలని డిమాండ్ చేశారు.

రూ. 3 లక్షల కోట్ల దోపిడీ ఆరోపణలు

విజయసాయి రెడ్డి రూ. 3 లక్షల కోట్లు దోచుకున్నారని కేఏ పాల్ సంచలన ఆరోపణలు చేశారు. శ్రీకాకుళం నుంచి రాయలసీమ వరకు లెక్కలేనన్ని భూములు సంపాదించారని.. ఇంత పెద్ద ఎత్తున అక్రమాలు జరిగినా సీబీఐ ఎందుకు విచారణ జరపడం లేదని ప్రశ్నించారు. దోచుకున్నది, దాచుకున్నది చాలక మళ్లీ దోచుకోవడానికే పార్టీ పెడుతున్నారని మండిపడ్డారు.

బీజేపీ ఏజెంట్.. జగన్ కాళ్లపై పడాలి!

సాయిరెడ్డిని బీజేపీ పంపిన ఏజెంట్‌గా కేఏ పాల్ అభివర్ణించారు. కేవలం జగన్ మోహన్ రెడ్డి ఓట్లను చీల్చడానికే ఆయనను రంగంలోకి దించారని వ్యాఖ్యానించారు. ‘నువ్వు ఎవరు వదిలిన బాణానివి? బుద్ధి ఉన్నవాడెవరూ నీకు ఓటు వేయరు. వెళ్లి జగన్ కాళ్ల మీద పడి, ఆయన దయతో సంపాదించిన లక్షల కోట్లను ప్రజలకు పంచు’ అని ఘాటుగా హితవు పలికారు.

రాజకీయాల్లో ఉండనని చెప్పి మళ్లీ పార్టీ పెట్టడమేంటి: కేఏ పాల్

విజయసాయి రెడ్డి కొత్త పార్టీ ఏర్పాటుపై ప్రజాశాంతి పార్టీ అధ్యక్షుడు కేఏ పాల్ తీవ్ర స్థాయిలో విరుచుకుపడ్డారు. ముందు సాయిరెడ్డిలో పరివర్తన రావాలని, రాజకీయాల్లో ఉండనని చెప్పి మళ్లీ పార్టీ పెట్టడమేంటని ఆయన ప్రశ్నించారు.… pic.twitter.com/Q1diu3uhKx

— BIG TV Breaking News (@bigtvtelugu) November 11, 2026

మీ రెడ్లే ఏలాలా.. మాకు చేతకాదా?

రాష్ట్రంలో దాదాపు 80 ఏళ్లుగా 12 మంది రెడ్లే ఏలారని, 60 శాతం ఉన్న బీసీలకు, 27 శాతం ఉన్న కాపులకు కాంగ్రెస్ సహా ఇతర పార్టీలు సీఎం పీఠం ఎందుకు ఇవ్వలేదని కేఏ పాల్ ప్రశ్నించారు. పాలించడం మాకు చేతకాదా అని నిలదీశారు. బహుజనులందరం ఏకమై ఈ కుల, కుటుంబ పార్టీల పాలనకు అంతం పలకాలని ఆయన పిలుపునిచ్చారు.

Also Read: చనిపోయిన చోట కూడా చౌకబారు రాజకీయాలా..? హరీష్ రావుపై అద్దంకి ఆగ్రహం