పల్నాడులో ఘోర రోడ్డు ప్రమాదాలు.. నలుగురు యువకులు మృతి!

Palnadu Accidents: పల్నాడు జిల్లా పెదకూరపాడు మండలంలో మంగళవారం చోటుచేసుకున్న రెండు వేర్వేరు రోడ్డు ప్రమాదాలు తీవ్ర విషాదాన్ని నింపాయి. రెప్పపాటులో జరిగిన ఈ ఘటనల్లో నలుగురు విగతజీవులుగా మారడంతో వారి కుటుంబాల్లో కన్నీటి సముద్రం అలుముకుంది.

గుర్తుతెలియని వాహనం కాటేసింది..

పెదకూరపాడు నుండి గుంటూరు వెళ్లే రహదారిపై ద్విచక్ర వాహనంపై వెళ్తున్న ఇద్దరు యువకులను ఒక గుర్తుతెలియని వాహనం వెనుక నుంచి వేగంగా వచ్చి బలంగా ఢీకొట్టింది. ఈ ప్రమాదంలో పెదకూరపాడుకు చెందిన కొరగంటి విజయ్, గుడిపూడి గౌతమ్ తీవ్ర గాయాలపాలై అక్కడికక్కడే ప్రాణాలు కోల్పోయారు. సమాచారం అందుకున్న పోలీసులు వెంటనే సంఘటనా స్థలానికి చేరుకుని పరిశీలించారు.

రోడ్డు ప్రమాదం.. ఇద్దరు మృతి

పల్నాడు జిల్లా పెదకూరపాడు మండలంలో ఘోర రోడ్డు ప్రమాదం జరిగింది. పెదకూరపాడులోని గుంటూరు రహదారిపై బైక్‌ను గుర్తుతెలియని వాహనం ఢీకొట్టింది. ఈ ప్రమాదంలో ఇద్దరు యువకులు అక్కడికక్కడే మృతి చెందారు.#RoadAccident #Palnadu #Pedakurapadu #accidentnews #bigtv pic.twitter.com/2MSmxQ0zKE

— BIG TV Breaking News (@bigtvtelugu) November 3, 2026

75 తాళ్లూరు వద్ద మరో దారుణం..

ఈ ఘోరం జరిగి కొన్ని గంటలైనా కాకముందే, మండలంలోని 75 తాళ్లూరు 11 కేవీ విద్యుత్ సబ్స్టేషన్ వద్ద మరో భయానక ప్రమాదం జరిగింది. వేగంగా వచ్చిన ఒక టిప్పర్ లారీ బైక్‌ను ఢీకొనడంతో బలుసుపాడు గ్రామానికి చెందిన చిన్నం నాగేంద్రబాబు, తాళ్లూరి తిరుపతిరావులు అక్కడికక్కడే దుర్మరణం చెందారు.

తీవ్ర విషాదంలో గ్రామాలు..

ఒకే రోజు మండలంలో ఇద్దరు వేర్వేరు చోట్ల నలుగురు ఉత్సాహవంతులైన యువకులు మృతి చెందడంతో పెదకూరపాడు, బలుసుపాడు గ్రామాల్లో తీవ్ర శోకసంద్రం నెలకొంది. సమాచారం అందుకున్న పోలీసులు సంఘటనా స్థలాలను పరిశీలించి, మృతదేహాలను పోస్టుమార్టం నిమిత్తం ప్రభుత్వ ఆసుపత్రికి తరలించారు. ఈ ఘటనలపై కేసులు నమోదు చేసి, ప్రమాదాలకు కారణమైన వాహనాలను గుర్తించేందుకు విచారణ జరుపుతున్నారు.

Also Read: క్రిప్టో ప్రపంచంలో భారీ హ్యాకింగ్ కలకలం.. ఒక్క ల్యాప్‌టాప్‌తో వేల కోట్ల ముప్పు?

Join WhatsApp Channel

Share

• 
• 
• 
• 
• 
•