Pawan Announced balasouri mp candidate: ఎట్టకేలకు మచిలీపట్నం ఎంపీ టికెట్‌పై ఉత్కంఠ వీడింది. సీటు కోసం కూటమి నుంచి చాలామంది పోటీపడ్డారు. చివరకు జనసేన పార్టీ తరపున వల్లభనేని బాలశౌరి పేరును ఖరారు చేశారు పవన్‌కల్యాణ్.
టీడీపీ-బీజేపీ-జనసేన పొత్తులో భాగంగా ఆ పార్టీకి రెండు ఎంపీ సీట్లు, 21 అసెంబ్లీ స్థానాల్లో పోటీ చేస్తోంది జనసేన. మచిలీపట్నం సీటు కోసం పలుమార్లు సర్వే చేపట్టింది ఆ పార్టీ. తొలుత ముగ్గురి పేర్లను పరిశీలించింది. సర్వేలో బాలశౌరికి అనుకూలంగా రావడంతో ఆయనను ఫైనల్ చేసింది.
1990 నుంచి ఇప్పటివరకు జరిగిన ఎన్నికలను పరిశీలిస్తే.. నాలుగు సార్లు టీడీపీ ఎంపీ అభ్యర్థులు గెలుపొందారు. రెండుసార్లు కొనకళ్ల నారాయణ టీడీపీ నుంచి వరుసగా విజయం సాధించారు. అయితే కూటమిలో భాగంగా ఇప్పుడు ఆ సీటు జనసేనకు వెళ్లింది. వైసీపీ నుంచి డాక్టర్ సింహాద్రి చంద్రశేఖర్ బరిలో ఉన్నారు.
ఇక అసెంబ్లీ సీట్లలో అవనిగడ్డ, పాలకొండ ఆశావహులు ఎక్కువగా ఉన్నారు. దీనిపై సర్వే జరుగుతోందని వచ్చేవారంలోగా వాటిని సంబంధించి అభ్యర్థుల పేర్లను విడుదల చేయనున్నట్లు పార్టీ వర్గాలు చెబుతున్నాయి.
మచిలీపట్నం లోక్ సభ అభ్యర్థిగా శ్రీ@VBalashowry #VoteForGlass pic.twitter.com/7iYR0rLIYS
— JanaSena Party (@JanaSenaParty) March 30, 2024
Share
Joinings in Congress : కాంగ్రెస్ గూటికి కేకే కూతురు, పురాణం సతీష్.. హుజూరాబాద్‌లోనూ భారీగా చేరికలు
Retina Problems : మీ కంటిలో ఈ లక్షణాలు ఉన్నాయా.. వెంటనే వైద్యుల వద్దకు లగెత్తండి!
