Pulivendula: రాష్ట్రంలో స్థానిక సంస్థల ఎన్నికల నామినేషన్ల ప్రక్రియ రాజకీయ వేడిని రాజేసింది. పలు ప్రాంతాల్లో అధికార, ప్రతిపక్ష వర్గాల మధ్య మొదలైన మాటల యుద్ధం కాస్తా ఘర్షణలకు దారితీసింది. కడప జిల్లా పులివెందుల, ప్రకాశం జిల్లా దర్శి నియోజకవర్గాల్లో జరిగిన దాడులు, తోపులాటలతో స్థానికంగా తీవ్ర ఉద్రిక్త వాతావరణం నెలకొంది.
పులివెందులలో రాళ్ల దాడి.. పలువురికి గాయాలు
పులివెందుల నియోజకవర్గ పరిధిలోని పలు మండలాల్లో నామినేషన్ల వేళ హై టెన్షన్ వాతావరణం ఏర్పడింది. ముఖ్యంగా చక్రాయపేట మండలం నాగులగుట్టపల్లెలో వైసీపీ, టీడీపీ వర్గాల మధ్య తలెత్తిన వివాదం ముదిరి పరస్పరం రాళ్ల దాడికి దారితీసింది. ఈ ఘటనలో ఇరువర్గాలకు చెందిన పలువురికి తీవ్ర గాయాలయ్యాయి. మరోవైపు, వేంపల్లి మండలం అలవలపాడు క్లస్టర్ పరిధిలో తమ అభ్యర్థులు, మహిళలు, సానుభూతిపరులను నామినేషన్లు వేయకుండా పోలీసులు, టీడీపీ శ్రేణులు అడ్డుకుని దాడులకు పాల్పడ్డాయని వైసీపీ నేతలు తీవ్ర ఆరోపణలు చేశారు. పరిస్థితి అదుపుతప్పుతుండటంతో పోలీసులు రంగంలోకి దిగి ఇరువర్గాలను చెదరగొట్టారు.
దర్శిలో తోపులాట.. అప్రమత్తమైన పోలీసులు
అటు ప్రకాశం జిల్లా దర్శి నియోజకవర్గంలోనూ ఇదే తరహా ఉద్రిక్తత చోటుచేసుకుంది. దర్శి మండలం తూర్పు చౌటపాలెం గ్రామంలోని నామినేషన్ కేంద్రం వద్ద టీడీపీ, వైసీపీ నేతలు, కార్యకర్తలు ఎదురుపడటంతో తొలుత తీవ్ర వాగ్వాదం జరిగింది. మాటామాటా పెరగడంతో ఇరువర్గాల మధ్య తోపులాట జరిగి అక్కడ ఆందోళనకర పరిస్థితులు ఏర్పడ్డాయి. సమాచారం అందుకున్న పోలీసులు వెంటనే అప్రమత్తమై, ఇరువర్గాలను అక్కడి నుంచి చెదరగొట్టి పరిస్థితిని అదుపులోకి తెచ్చారు. ప్రస్తుతం ఆయా గ్రామాల్లో ఎలాంటి అవాంఛనీయ ఘటనలు జరగకుండా పోలీసులు భారీ బందోబస్తు ఏర్పాటు చేశారు.
వైసీపీ, టీడీపీ వర్గాల మధ్య ఘర్షణ..రాళ్లతో దాడి చేసుకున్న ఇరువర్గాలు
కడప జిల్లా పులివెందుల నియోజకవర్గ పరిధిలోని పలు మండలాల్లో స్థానిక ఎన్నికల నామినేషన్ల వేళ తీవ్ర ఉద్రిక్తత నెలకొంది. వేంపల్లి మండలం అలవలపాడు క్లస్టర్ పరిధిలో తమ అభ్యర్థులు, మహిళలు, సానుభూతిపరులను నామినేషన్లు… pic.twitter.com/h8waT3mbUg
— BIG TV Breaking News (@bigtvtelugu) November 18, 2026
నామినేషన్ కేంద్రం వద్ద ఉద్రిక్తత
ప్రకాశం జిల్లా దర్శి నియోజకవర్గం దర్శి మండలం తూర్పు చౌటపాలెం గ్రామంలోని నామినేషన్ కేంద్రం వద్ద తీవ్ర ఉద్రిక్తత నెలకొంది. స్థానిక ఎన్నికల నామినేషన్ల ప్రక్రియ సందర్భంగా టీడీపీ, వైసీపీ నేతలు, కార్యకర్తల మధ్య వాగ్వాదం జరిగి ఘర్షణకు దారితీసింది. ఈ… pic.twitter.com/MxFrn2Z5rt
— BIG TV Breaking News (@bigtvtelugu) November 18, 2026
Also Read: ఉన్న సిటీకే దిక్కులేదు.. ఫ్యూచర్ సిటీ ఎందుకు?: రాజగోపాల్ రెడ్డి సంచలన వ్యాఖ్యలు