Viveka Murder Case updates(Today’s state news): మాజీ మంత్రి వైఎస్‌ వివేకానందరెడ్డి హత్య కేసులో ఎర్ర గంగిరెడ్డి బెయిల్ పిటిషన్ పై సుప్రీంకోర్టు కీలక ఆదేశాలు ఇచ్చింది. ఈ కేసులో గంగిరెడ్డికి వెంటనే బెయిల్ మంజూరు చేయాలని కోరుతూ అతడి తరఫు న్యాయవాది వాదనలు వినిపించారు. ఈ సమయంలో ఆ న్యాయవాదిపై ధర్మాసనం ఆగ్రహం వ్యక్తం చేసింది. ఇది హత్య కేసు అని స్పష్టం చేసింది. బెయిల్ వ్యవహారాలు ఆచితూచి ఉంటాయని తేల్చిచెప్పింది. వివేకా హత్య కేసులో చాలా సాక్ష్యాలు ఉన్నాయని పేర్కొంది. బెయిల్ కోసం వేచి చూడాల్సిందేనని సుప్రీంకోర్టు స్పష్టం చేసింది.
మరోవైపు కడప ఎంపీ అవినాష్‌ రెడ్డి బెయిల్ రద్దు పిటిషన్ పై సుప్రీంకోర్టు కీలక ఆదేశాలు ఇచ్చింది. గంగిరెడ్డి బెయిల్ పిటిషన్‌ను అవినాష్‌ బెయిల్ రద్దు పిటిషన్‌తో జతచేయొద్దని గంగిరెడ్డి తరఫు న్యాయవాది విజ్ఞప్తి చేశారు. కానీ ఆ విజ్ఞప్తిని సుప్రీంకోర్టు తోసిపుచ్చింది. గంగిరెడ్డికి బెయిల్ ఇవ్వాలని తెలంగాణ హైకోర్టు ఇచ్చిన ఆదేశాలపై గతంలోనే సుప్రీంకోర్టు స్టే విధించింది. ఇప్పుడు ఆ ఆదేశాలు కొనసాగుతాయని స్పష్టం చేసింది.
ఎర్ర గంగిరెడ్డి పిటిషన్‌ను అవినాష్‌ బెయిల్ రద్దు పిటిషన్‌కు జత చేస్తూ సెప్టెంబర్‌ రెండో వారంలో విచారణ చేపడతామని సుప్రీంకోర్టు తెలిపింది. అవినాష్‌ బెయిల్ రద్దు పిటిషన్‌పై కౌంటర్‌ దాఖలు చేయడంతోపాటు వివేకా హత్య కేసు వివరాలు, డైరీ సీల్డ్‌ కవర్‌లో అందించాలని సీబీఐను అత్యున్నత న్యాయస్థానం ఆదేశించింది. జూన్‌ 30న దాఖలు చేసిన ఛార్జిషీట్‌ను సీల్డ్‌ కవర్‌లో అందించాలని సుప్రీంకోర్టు కోరింది.
Share
Rahul Gandhi : పరువు నష్టం కేసు.. రాహుల్ పిటిషన్ పై విచారణకు సుప్రీంకోర్టు గ్రీన్ సిగ్నల్..
NDA: యూపీఏకి ధీటుగా ఎన్డీయే భేటీ.. తెలుగు పార్టీల్లో అలజడి!
