Singanamala: శింగనమల రాజకీయాల్లో ఇప్పుడు ఒక సామాన్య కార్యకర్త వర్సెస్ ఎమ్మెల్యే వ్యవహారం హాట్ టాపిక్ అయింది. సాధారణంగా పార్టీలో ఎమ్మెల్యే మాటే శాసనం అని అందరూ అనుకుంటారు. కానీ, అనంతపురం జిల్లా శింగనమల నియోజకవర్గంలో మాత్రం సీన్ రివర్స్ అయింది. సొంత పార్టీ ఎమ్మెల్యే బండారు శ్రావణి తీరుపై గార్లదిన్నె మండలం కనుంపల్లికి చెందిన ప్రసాద్ అనే దళిత టీడీపీ కార్యకర్త గళం ఎత్తడం ఇప్పుడు సంచలనంగా మారింది.
ప్రసాద్ విడుదల చేసిన సెల్ఫీ వీడియోను చూస్తే, ఒక కార్యకర్త ఎంతలా ఆవేదన చెందుతున్నాడో అర్థమవుతుంది. ఎమ్మెల్యే శ్రావణి అవినీతికి పాల్పడుతున్నారని, డబ్బు కోసం సొంత పార్టీ నేతలను, కార్యకర్తలను అణచివేస్తున్నారని ఆయన నేరుగా ఆరోపించారు. పార్టీ కోసం కష్టపడిన వారిని కాదని, స్వార్థ ప్రయోజనాల కోసం ఎమ్మెల్యే అరాచకాలకు పాల్పడుతున్నారని మండిపడ్డారు. ఇక్కడితో ఆగకుండా, ‘మీరు చేసిన అక్రమాలపై బహిరంగ చర్చకు సిద్ధమా?’ అంటూ ఎమ్మెల్యేకు సవాల్ విసరడం నియోజకవర్గంలో చర్చనీయాంశమైంది.
అయితే ఈ గొడవకు అసలు కారణం ఇటీవల ఎమ్మెల్యే కనుంపల్లి గ్రామానికి వెళ్లినప్పుడు జరిగిన సంఘటన. తన గోడు చెప్పుకుందామని వెళ్లిన ప్రసాద్ను, అతని కుటుంబ సభ్యులను పోలీసులు ఈడ్చుకెళ్లడం కార్యకర్తల్లో తీవ్ర ఆగ్రహాన్ని కలిగించింది. ఒక పార్టీని నమ్ముకుని ఉన్న కార్యకర్తలను ఇలా అవమానించడం ఏంటనే ప్రశ్నలు వస్తున్నాయి. ప్రస్తుతం ఈ సెల్ఫీ వీడియో సోషల్ మీడియాలో విపరీతంగా వైరల్ అవుతోంది. పార్టీ అధిష్టానం ఈ విషయంలో జోక్యం చేసుకుంటుందా? లేదా ఎమ్మెల్యే ఈ సవాల్ను ఎలా ఎదుర్కొంటారు? అనేది ఇప్పుడు ఆసక్తికరంగా మారింది. పచ్చ చొక్కా వేసుకున్న కార్యకర్తే ఎమ్మెల్యేపై ఇలా తిరుగుబాటు చేయడం శ్రావణికి రాజకీయంగా పెద్ద తలనొప్పిగా మారేలా కనిపిస్తోంది.
Also Read:నువ్వు మొగోడివైతే చర్చకు రా.. బండి సంజయ్కి కౌశిక్ రెడ్డి బహిరంగ సవాల్
శింగనమల టీడీపీ ఎమ్మెల్యే బండారు శ్రావణ పై ఓ కార్యకర్త తిరుగుబాటు
డబ్బు కు కక్కుర్తిపడి శింగనమల నియోజకవర్గం లో టీడీపీ నేతలు, కార్యకర్తలను స్వయంగా ఎమ్మెల్యే బండారు శ్రావణి అణచివేస్తున్నారని ఆవేదన
సెల్ఫీ విడియో విడుదల చేసిన శింగనమల నియోజకవర్గం గార్లదిన్నె మండలం కనుంపల్లి… pic.twitter.com/LEMHaxhzep
— ChotaNews App (@ChotaNewsApp) May 7, 2026
Share
తల్లిదండ్రులు ఈ తప్పులు అసలు చేయకూడదు.. పిల్లలు మనసులో ద్వేష భావన కలుగుతుంది
Rakul Preet Singh: వైట్ డ్రెస్ లో రకుల్ కొత్త అందాలు.. అదరహో అనిపించింది మావా!
