Tirumala Que: తిరుమలలో పెరిగిన భక్తుల రద్దీ.. రేపు, ఎల్లుండి క్యూలైన్స్ ఫుల్?

Tirumala Que: వేసవి సెలవులు ముగిసే సమయం ఆసన్నం కావడంతో తిరుమలలో భక్తుల రద్దీ రోజురోజుకు పెరిగిపోతోంది. దేశం నలుమూలల నుండి భక్తులు వేలాదిగా శ్రీవారిని దర్శించుకునేందుకు తిరుమలకు తరలివస్తున్నారు. వేసవిలో స్కూల్ సెలవులు, పండుగల సీజన్, కుటుంబాలతో కలిసి యాత్రకు అనుకూల సమయం కావడంతో ఈ భారీ రద్దీ నెలకొంది.

ప్రతి ఏడాది వేసవి కాలంలో తిరుమలలో భక్తుల సంఖ్య పెరగడం సాధారణమే అయినా, ఈసారి రద్దీ ఊహించని రీతిలో పెరిగినట్టు టీటీడీ అధికారులు వెల్లడించారు. ఇందుకు ప్రధాన కారణం, ఈ వేసవి సీజన్‌లో చాలామంది ముందుగానే తమ యాత్రలను ప్లాన్ చేసుకోవడమే. గత వారం రోజులుగా రోజుకు సగటున 70,000 మందికి పైగా భక్తులు శ్రీవారిని దర్శించుకుంటున్నారు.

ప్రత్యేకంగా దర్శన సమయంలో తగ్గుదల ఉండే అవకాశముండేది. ఉదయం తిరుప్పావడ సేవ, సాయంత్రం పూలంగి సేవలు నిర్వహించబడుతున్నందున భక్తులకు సాధారణంగా దర్శన సమయం రెండు మూడు గంటల వరకు తగ్గుతుంది. అయితే ఈసారి టిటిడి ఈఓ జె. శ్యామలారావు తిరుమలలోని సహజ శిలా తోరణం మరియు చక్ర తీర్థాన్ని శుక్రవారం ఆకస్మిక తనిఖీ చేశారు. అలాగే అదనపు ఈవో సిహెచ్ వెంకయ్య చౌదరి నేతృత్వంలో తిరుమలలోని అన్ని విభాగాల మధ్య సమన్వయం బాగా కుదిరింది. ఈ కృషి ఫలితంగా, తాజాగా 72,579 మంది భక్తులు శ్రీవారిని దర్శించుకున్నారు. ఇది గత రికార్డులను అధిగమించిన గణాంకంగా అధికారులు చెబుతున్నారు.

ఈ సందర్బంగా ఈవో, అదనపు ఈవో మాట్లాడుతూ, భక్తులకు ఇబ్బందులు లేకుండా దర్శనాన్ని కొనసాగించేందుకు టీటీడీ విభాగాలు నిరంతరం పనిచేశాయని, అన్ని సిబ్బందికి ప్రత్యేక ధన్యవాదాలు తెలిపారు. రద్దీ ఉన్న సమయంలో భక్తులకు సురక్షిత దర్శనాన్ని కల్పించడం తమ ముఖ్య బాధ్యతగా చెప్పారు. ఈ తరహా భారీ రద్దీకి తగిన చర్యలు తీసుకోవాల్సిన అవసరం ఎంతైనా ఉంది.

భక్తులు తీసుకోవాల్సిన జాగ్రత్తలు..
ముందుగా దర్శన టికెట్లు మరియు వసతి బుకింగ్‌లను TTD అధికారిక వెబ్‌సైట్ లేదా అప్లికేషన్ ద్వారానే చేసుకోవాలి. మోసపూరిత వెబ్‌సైట్లు, మధ్యం దళాల వద్ద టికెట్లను కొనుగోలు చేయకండి. క్యూలైన్లలో ఎక్కువ సమయం ఉండవలసి రావచ్చు. అందుకే తగినంత నీరు, తేలికపాటి ఆహారం (బిస్కెట్లు, ఫలాలు) వెంట తీసుకెళ్లడం మంచిది. చిన్నపిల్లలు, వృద్ధులు, గర్భిణీలు రద్దీ సమయంలో ప్రత్యేక జాగ్రత్తలు తీసుకోవాలి.

వీరికి ప్రత్యేక క్యూలైన్లు, వైద్య సౌకర్యాలు ఉన్నాయి. తిరుమల పవిత్ర ప్రదేశం కావడంతో శుభ్రత పాటించడం ప్రతి భక్తుడి బాధ్యత. చెత్త వేయకుండా, ప్లాస్టిక్ వినియోగాన్ని నివారించాలి. అవసరమైనప్పుడు TTD హెల్ప్‌లైన్ 1800 425 4141 ని సంప్రదించవచ్చు. వైద్య సహాయం, అన్నప్రసాద వితరణ, వసతి మార్గదర్శనం వంటి సేవలు అందుబాటులో ఉంటాయి.

Also Read: Mysore Pak Renamed: పాక్ డిలీట్.. శ్రీ ఎంటర్.. ఓ వ్యాపారి ఐడియా అదుర్స్!

తిరుమలలోని పోలీసులు, వాలంటీర్లు అందించే సూచనలు తప్పకుండా పాటించాలి. భద్రతా నియమాలు ఉల్లంఘించకండి. ఎక్కువ కాలం నిలబడి ఉండే సందర్భంలో తగిన పాదరక్షలు ధరించడం, సౌకర్యవంతమైన దుస్తులు ధరించడం ఉత్తమం. తిరుమలలో భక్తులకు మరింత సులభంగా, భక్తిశ్రద్ధలతో కూడిన దర్శనాన్ని కల్పించేందుకు టీటీడీ అధికారుల చర్యలు ప్రశంసనీయం. అయితే భక్తుల భాగస్వామ్యం లేకుండా ఈ ప్రక్రియ విజయవంతం కావడం సాధ్యం కాదు. ప్రతి ఒక్క భక్తుడు క్రమశిక్షణతో, నిబంధనలతో కలిసి నడిచినప్పుడు మాత్రమే సమర్థమైన దర్శనం సాధ్యమవుతుంది.

ఈ వేసవి కాలంలో తిరుమల యాత్రలో పాల్గొనదలచుకున్న వారు ముందస్తుగా యాత్ర ప్రణాళిక సిద్ధం చేసుకోవాలి. దర్శన, వసతి టికెట్లు బుక్ చేసుకోవడం, తిరుమలలో ఉండే సౌకర్యాల గురించి అవగాహన కలిగి ఉండడం వల్ల అనవసర ఇబ్బందులు తలెత్తవు. భక్తుల సహకారంతో తిరుమల దర్శనం మరింత పవిత్రంగా, శ్రద్ధగా సాగుతుంది. అయితే శనివారం, ఆదివారం మరింతగా భక్తుల రద్దీ పెరిగే అవకాశం ఉండడంతో, టీటీడీ ఛైర్మన్ బీఆర్ నాయుడు అధ్వర్యంలో టీటీడీ అప్రమత్తమైంది.

Share

• 
• 
• 
• 
• 
•