రూ.9 లక్షల నుంచే లగ్జరీ ఫీచర్.. వెంటిలేటెడ్ సీట్లతో వచ్చే చీప్ అండ్ బెస్ట్ కార్లు ఇవే!

Affordable Ventilated Seat Cars in India: ఒకప్పుడు వెంటిలేటెడ్ సీట్లు అనేవి ఖరీదైన లగ్జరీ కార్లలో మాత్రమే కనిపించే ఫీచర్. కానీ, ఇప్పుడు పరిస్థితి పూర్తిగా మారింది. భారత మార్కెట్లో రూ.9 లక్షల నుంచే ప్రారంభ ధరతోనే ఈ సౌకర్యం ఉన్న కార్లు అందుబాటులోకి వచ్చాయి. సమ్మర్ లో ఎక్కువ సేపు డ్రైవ్ చేసే వారికి, ట్రాఫిక్‌ లో ఎక్కువ టైమ్ ఉండేవారికి ఈ ఫీచర్ ఎంతో ఉపయోగపడుతుంది. వెంటిలేటెడ్ సీట్లలో చిన్న ఫ్యాన్లు, ప్రత్యేక ఎయిర్ రూట్స్ ఉంటాయి. ఇవి సీటు లోపల నుంచి గాలి వచ్చేలా చేసి వేడి, చెమటను తగ్గిస్తాయి. దీంతో ప్రయాణం మరింత సౌకర్యంగా ఉంటుంది. ప్రస్తుతం దేశంలో వెంటిలేటెడ్ ఫ్రంట్ సీట్లు అందిస్తున్న కొన్ని సరసమైన కార్ల గురించి ఇప్పుడు తెలుసుకుందాం..

1.రెనాల్ట్ కైగర్

ఈ లిస్టులో అత్యంత చవకైన కారు ఇదే. ఎమోషన్ వేరియంట్ నుంచి వెంటిలేటెడ్ సీట్లు అందుబాటులో ఉన్నాయి. ఇందులో 8-అంగుళాల టచ్‌ స్క్రీన్, వైర్‌ లెస్ ఆండ్రాయిడ్ ఆటో, ఆపిల్ కార్‌ ప్లే, ఆటో క్లైమేట్ కంట్రోల్ లాంటి ఫీచర్లు ఉన్నాయి. దీని ధర రూ.8.45 లక్షల నుంచి అందుబాటులో ఉంటుంది.

2.కియా సోనెట్

HTX వేరియంట్ నుంచి వెంటిలేటెడ్ సీట్లు ఉన్నాయి. సన్‌ రూఫ్, కనెక్టెడ్ కార్ టెక్నాలజీ, 360 డిగ్రీ కెమెరా, ADAS లాంటి ఆధునిక ఫీచర్లు కూడా అందుబాటులో ఉంటాయి. దీని ధర రూ.11.32 లక్షల నుంచి ప్రారంభం అవుతుంది.

3.స్కోడా కైలాక్

యూరోపియన్ డిజైన్‌తో వచ్చిన ఈ కాంపాక్ట్ SUVలో ప్రెస్టీజ్ వేరియంట్ నుంచి వెంటిలేటెడ్ సీట్లు ఉంటాయి. 10.1 అంగుళాల టచ్‌ స్క్రీన్, డిజిటల్ డ్రైవర్ డిస్‌ ప్లే లాంటి ఫీచర్లు కూడా ఉన్నాయి. దీని ధర రూ.11.75 లక్షల నుంచి ప్రారంభం అవుతుంది.

4.హ్యుందాయ్ వెన్యూ

HX8 వేరియంట్ నుంచి వెంటి లేటెడ్ సీట్లు అందిస్తోంది. సన్‌ రూఫ్, ఆటో క్లైమేట్ కంట్రోల్, క్రూయిజ్ కంట్రోల్ లాంటి ఫీచర్లు ఇందులో ఉన్నాయి. దీని ధర రూ.11.91 లక్షల నుంచి లభిస్తుంది.

5.టాటా నెక్సాన్

ఫియర్‌ లెస్ ప్లస్ వేరియంట్ నుంచి ఈ ఫీచర్ లభిస్తుంది. పెట్రోల్, డీజిల్, సీఎన్‌జీ, ఎలక్ట్రిక్ వెర్షన్లలో అందుబాటులో ఉండటం దీని ప్రత్యేకత. దీని ధర రూ.12.27 లక్షల నుంచి ప్రారంభం అవుతుంది.

6.సిట్రోయెన్ బసాల్ట్

మ్యాక్స్ టర్బో X వేరియంట్‌ లో వెంటిలేటెడ్ సీట్లు, ఆటో క్లైమేట్ కంట్రోల్, టచ్‌ స్క్రీన్ ఇన్ఫోటైన్‌ మెంట్ సిస్టమ్ అందుబాటులో ఉన్నాయి. దీని ధర రూ.12.47 లక్షల నుంచి ప్రారంభం అవుతుంది.

7.టాటా పంచ్ EV

ఎంపవర్డ్ ప్లస్ వేరియంట్‌ లో వెంటిలేటెడ్ సీట్లు, 360 డిగ్రీ కెమెరా, సన్‌ రూఫ్, కనెక్టెడ్ కార్ టెక్నాలజీ లాంటి ఫీచర్లు ఉన్నాయి. దీని ధర రూ.12.59 లక్షల నుంచి ప్రారంభం అవుతుంది

8.సిట్రోయెన్ ఎయిర్‌క్రాస్

మ్యాక్స్ టర్బో వేరియంట్ నుంచి వెంటిలేటెడ్ సీట్లు లభిస్తాయి. ఐదు, ఏడు సీట్ల ఆప్షన్లతో కుటుంబాలకు బెస్ట్ ఆప్షన్ గా చెప్పుకోవచ్చు. దీని ధర రూ.12.82 లక్షల నుంచి అందబాటులో ఉంటుంది.

9.మారుతి సుజుకి XL6

ఆల్ఫా ప్లస్ వేరియంట్‌ లో వెంటిలేటెడ్ ఫ్రంట్ సీట్లు, కెప్టెన్ సీట్లు, మైల్డ్ హైబ్రిడ్ ఇంజిన్ లాంటి ఫీచర్లు ఉన్నాయి.
దీని ధర రూ.13.18 లక్షల నుంచి ప్రారంభం అవుతుంది.

10 హ్యుందాయ్ వెర్నా

ఈ లిస్టులో ఉన్న ఏకైక సెడాన్ ఇది. HX6 ప్లస్ వేరియంట్ నుంచి వెంటిలేటెడ్ సీట్లు అందిస్తోంది. టర్బో పెట్రోల్ ఇంజిన్, పెద్ద ఇన్ఫోటైన్‌ మెంట్ స్క్రీన్, ADAS లాంటి ఫీచర్లు కూడా లభిస్తాయి. దీని ధర రూ.13.82 లక్షల నుంచి ప్రారంభం అవుతుంది.