MG విండ్సర్ EV ధరలు పెంపు.. ఏ వేరియంట్ పై ఎంత పెరిగిందంటే?

Best Hybrid Cars Under Rs 30 Lakh: పెట్రోల్, డీజిల్ ధరలు పెరుగుతున్న నేపథ్యంలో చాలామంది కస్టమర్లు హైబ్రిడ్ కార్ల వైపు ఆసక్తి చూపిస్తున్నారు. తక్కువ ఫ్యూయల్ ఖర్చుతో పాటు మంచి మైలేజ్, సౌకర్యవంతమైన ప్రయాణాన్ని అందించడంతో వీటిని కొనుగోలు చేయాలనుకుంటున్నారు. ప్రస్తుతం భారత మార్కెట్లో SUVలు, సెడాన్లు, MPVలతో పాటు ప్లగ్-ఇన్ హైబ్రిడ్ కార్లు కూడా అందుబాటులోకి వచ్చాయి. రూ.30 లక్షల లోపు బడ్జెట్‌లో హైబ్రిడ్ కారు కొనాలనుకునే వారి కోసం కొన్ని మంచి మోడళ్లు ఉన్నాయి.

1.మారుతి విక్టోరిస్, గ్రాండ్ విటారా, టయోటా హైరైడర్

ఈ మూడు SUVల్లో దాదాపు ఒకే రకమైన స్ట్రాంగ్ హైబ్రిడ్ టెక్నాలజీ ఉంటుంది. 1.5 లీటర్ పెట్రోల్ ఇంజిన్, ఎలక్ట్రిక్ మోటార్, e-CVT గేర్‌బాక్స్‌ తో ఇవి పనిచేస్తాయి. విక్టోరిస్ క్లెయిమ్ చేసిన మైలేజ్ 28.65 కి.మీ.

విక్టోరిస్ ధర: రూ.16.43–19.99 లక్షలు.

గ్రాండ్ విటారా ధర: రూ.16.68–19.77 లక్షలు.

హైరైడర్ ధర: రూ.17.18–20.19 లక్షలు.

2.రెనాల్ట్ డస్టర్ హైబ్రిడ్

కొత్త డస్టర్ హైబ్రిడ్‌లో 1.8 లీటర్ పెట్రోల్ ఇంజిన్, ఎలక్ట్రిక్ మోటార్, 1.4kWh బ్యాటరీ ఉన్నాయి. ఇవి కలిపి 158bhp పవర్, 208Nm టార్క్‌ను అందిస్తాయి. కంపెనీ ప్రకారం ఈ కారు 29 కి.మీ మైలేజీ ఇస్తుంది. దీని ధర రూ.16.99 లక్షల నుంచి రూ.19.49 లక్షల వరకు ఉంది.

3.హోండా సిటీ e:HEV

SUV కాకుండా సెడాన్ కొనాలనుకునే వారికి హోండా సిటీ హైబ్రిడ్ మంచి ఎంపికగా ఉంటుంది. ఇందులో 1.5 లీటర్ పెట్రోల్ ఇంజిన్‌తో పాటు రెండు ఎలక్ట్రిక్ మోటార్లు ఉన్నాయి. ఇవి 125bhp పవర్, 253Nm టార్క్‌ను అందిస్తాయి. దీని ZX+ వేరియంట్ ధర రూ.21.36 లక్షలు.

4.ఎంజీ హెక్టర్ టోమాహాక్ PHEV

ఈ జాబితాలో ప్రత్యేకంగా చెప్పుకోవాల్సిన కారు ఎంజీ హెక్టర్ టోమాహాక్ PHEV. ఇందులో 20.5kWh బ్యాటరీ ఉంటుంది. ఒక్కసారి ఛార్జ్ చేస్తే 115 కిలోమీటర్లకు పైగా ఎలక్ట్రిక్ రేంజ్ ఇస్తుందని కంపెనీ చెబుతోంది. మొత్తం రేంజ్ 1,100 కిలోమీటర్లకు పైగా ఉంటుంది. దీని ధర రూ.25.69 లక్షల నుంచి రూ.27.79 లక్షల వరకు ఉంది.

5.టయోటా ఇన్నోవా హైక్రాస్, మారుతి ఇన్విక్టో

ఫ్యామిలీ అవసరాల కోసం ఎక్కువ సీట్లున్న కారు కావాలనుకునే వారికి ఈ రెండు MPVలు ఉపయోగపడతాయి. వీటిలో 2.0 లీటర్ పెట్రోల్ ఇంజిన్, ఎలక్ట్రిక్ మోటార్, e-CVT గేర్‌బాక్స్ ఉన్నాయి. ఇన్నోవా హైక్రాస్ హైబ్రిడ్ ధర రూ.26.91 లక్షల నుంచి ప్రారంభమవుతుంది. మారుతి ఇన్విక్టో ధర రూ.25.02 లక్షల నుంచి రూ.28.70 లక్షల వరకు ఉంది.