Bed Light Alarm: ఇప్పుడున్న ఈ బిజీ లైఫ్‌లో వేళకు నిద్రపోవడం,నిద్ర లేవడం క్లిష్టంగా మారింది. ఉదయం లేవాలంటే అలారం మోగలేదనో లేజీగా ఉందనో ఏవేవో కారణాలు చెబుతుంటాం. అయితే ఇక ఆ సాకులు చెప్పకుండా ఈ ‘వేకప్ లైట్’ను వాడొచ్చు. ఇది వేళకు నిద్రపుచ్చడమే కాదు వేళకు అలారం పెట్టి మరీ మనల్ని లేపుతుంది.
ఇది ఉత్త బెడ్‌లైట్ మాత్రమే కాదు. మంచి అలారం కూడా! ఇందులోని 6 వాట్ల బ్లూటూత్ స్పీకర్ సిస్టమ్ మరో అదనపు సౌకర్యం. పడుకునే సమయంలో ఈ బెడ్లైట్ను ఆన్ చేసుకుని, స్మార్ట్‌ఫోన్‌లో డౌన్‌లోడ్ చేసుకున్న దీని యాప్ సాయంతో కోరుకున్న సంగీతాన్ని వింటూ హాయిగా నిద్రలోకి జారుకోవచ్చు. ఇది అలెక్సా సాయంతో పని చేస్తుంది.
మన కళ్లకు ఇబ్బంది లేకుండా దీని కాంతిని కోరుకున్న స్థాయిలో, కోరుకున్న రంగుల్లో సర్దుబాటు చేసుకునే వెసులుబాటు కూడా ఉంది. పడుకునే ముందు పొద్దున్నే నిద్ర లేవాల్సిన సమయాన్ని అలారంలో సెట్ చేసుకుంటే చాలు. వేళకు ఠంచనుగా నిద్రలేపుతుంది. అమెరికన్ కంపెనీ డబ్ల్యూఐఐఎం ఈ అలారం బెడ్లైట్ను ‘వేకప్ లైట్’ పేరుతో మార్కెట్లోకి తెచ్చింది. మీకూ నచ్చితే కొనేయండి మరి.
Share
Bollywood actors Ring sentiment : ఆ ఉంగరాలతో లక్.. బాలీవుడ్ తారల సెంటిమెంట్..
Mini Switzerland: మినీ స్విట్జర్ల్యాండ్.. ఖజ్జియార్.. ఎక్కడుందో తెలుసా?
