Gold Prices: పండుగల ముంగిట్లో పసిడి ధరలు మళ్లీ పరుగులు తీస్తున్నాయి. ఫెస్టివల్‌ సీజన్‌లో నగలు కొనాలనుకున్న వారికి ధరాఘాతం చుక్కలు చూపిస్తోంది. హైదరాబాద్‌ మార్కెట్‌లో తగ్గేదే లేదంటోన్న గోల్డ్ రేట్‌ వినియోగదారుల హార్ట్ బీట్‌ పెంచుతోంది. బంగారం ధరలు మళ్లీ భగ్గుమంటున్నాయి. హైదరాబాద్‌లో పసిడి రేట్లు ఆకాశన్నంటుతున్నాయి.10 గ్రాముల 24 క్యారెట్ల బంగారం ధర లక్షా 50 వేల మార్క్‌ను టచ్‌ చేసింది. 22 క్యారెట్ల గోల్డ్ రేటు లక్షా 41 వేలను క్రాస్‌ చేసింది.
ధరాఘాతమే కాదు జువల్లెరీ కొంటే GST, మేకింగ్ ఛార్జీలు అదనం. రేటు ఎంత పెరిగినా పండగల టైమ్‌లో నగలతో దగదగలాడ్డమే గ్రేట్‌ కదా రేట్లు పెరిగినా సేల్స్‌ ఏమాత్రం తగ్గడం లేదు. ముందు ముందు ధరలు మరింత పెరగొచ్చనే అంచనాలతో చాలా మంది నగల కొనుగోలుపై ఆసక్తి చూపడంతో గోల్డ్ మార్కెట్‌ కళకళలాడుతోంది. హర్‌ ఏక్‌ దర్ద్‌ కో ఏకీ బామ్ అన్నట్టుగా యుద్ధం బూచి చూపి ధరలు పెంచేస్తున్నారు. ఏటీఎప్‌ ధరలను ఏకరవు పెడుతూ ఇండిగో సర్‌ చార్జ్‌లను పెంచేసింది. ఇన్‌ ద సేమ్‌ గోల్డ్ మార్కెట్‌లో కూడా అదే ఫార్మూలా రిఫ్లెక్ట్‌ అవుతోంది. అంతర్జాతీయ మార్కెట్‌లో బంగారం ధరలు, డాలర్ కదలికలు, ప్రపంచ ఆర్థిక పరిస్థితుల వల్ల పసిడి ధరపై ప్రభావం పడుతుందంటున్నారు.
అంతర్జాతీయ మార్కెట్‌లో పసిడికి డిమాండ్ పెరగడం ప్రపంచవ్యాప్తంగా ఆర్థిక అనిశ్చితి ఇన్వెస్టర్లు సురక్షిత పెట్టుబడిగా బంగారం వైపు మొగ్గుచూపడం డాలర్, వడ్డీ రేట్లలో మార్పులు ఇవన్నీ బంగారం ధరలపై ప్రభావం చూపుతున్నాయి. దేశీయంగా రూపాయి మారకం విలువ, దిగుమతి ఖర్చులు కూడా పసిడి ధరను ప్రభావితం చేస్తున్నాయి. ఒకప్పుడు భవితకు భరోసా అని బంగారంపై పెట్టుబడి పెట్టేవాళ్లు . ఇప్పుడు గోల్డ్ కొనాలంటే బడ్జెట్‌ సరిపోతుందా?లేదా? అని లెక్కలేసుకోవాల్సి వస్తోంది. తులం లక్షన్నర దాటడంతో సువర్ణం సామాన్యులకు దూరం అవుతోంది. గోల్డ్ బాటలోనే వెండి ధరలు కూడా మండి పోతున్నాయి. కిలో వెండి ధర కూడా లక్షల రూపాయల స్థాయికి చేరింది.
Also read: హెల్దీ అండ్ టేస్టీ ఓట్స్ మసాలా వడ..ఈవెనింగ్ స్నాక్స్‌కి పర్ఫెక్ట్!
Share
మద్యం మానాలనే కోరిక ఉన్నా వదల్లేని స్థితి.. అధ్యయనంలో బయటపడిన షాకింగ్ నిజాలు!
మహాత్మా గాంధీని అవమానించేలా రీల్.. పాపులర్ ఇన్ఫ్లుయెన్సర్ అరెస్ట్
