National Award: జాతీయ సినిమా అవార్డుల ప్రకటనపై సరికొత్త వివాదం మొదలైంది. అల్లు అర్జున్‌కు జాతీయ ఉత్తమ నటుడి అవార్డు ప్రకటించడంపై పెద్ద దుమారమే రేగుతోంది. అడవిలో రెడ్ శాండల్ స్మగ్లింగ్ చేసే క్యారెక్టర్‌కి జాతీయ అవార్డు ఇవ్వడమేంటంటూ ఒక వర్గం ఆగ్రహం వ్యక్తం చేస్తోంది. దళిత బిడ్డకు న్యాయం చేసిన జై భీమ్ లాంటి సినిమాకు అవార్డ్ ఇవ్వకపోవడంపై మండిపడుతోంది.
జాతీయ ఉత్తమ నటుడి అవార్డుకు సూర్య అసలైన అర్హుడని అంటున్నారు ఆయన ఫ్యాన్స్. అడవిని దోచేసే వాడికి అవార్డ్ ఇచ్చారు కానీ.. అడవి బిడ్డకు న్యాయం చేసిన వారికి ఇవ్వరా? అంటూ సోషల్ మీడియాలో పోస్టులు పెడుతున్నారు.
ఇక, హీరో నాని తన స్టేటస్‌లో జై భీమ్ అంటూ పోస్ట్ చేయడం కలకలం రేపుతోంది. ఆ పోస్టులో జై భీమ్ పక్కన పగిలిన గుండె సింబల్‌ను పెట్టడం మరింత చర్చనీయాంశంగా మారింది.
మరోవైపు.. స్మగ్లర్‌కు ఉన్న విలువ.. రాజ్యాంగం విలువ తెలిసిన లాయర్‌కు లేకపోవడం శోచనీయం అంటూ డాక్టర్ నూరి పరి.. పోస్ట్ పెట్టారు. జై భీమ్ కంటే పుష్పలో ఏం ఉందని ఆయన ప్రశ్నించారు. వీళ్లే కాదు ఇంకా చాలా మంది జై భీమ్‌ను కాదని పుష్ప సినిమాలో స్మగ్లర్ క్యారెక్టర్‌ చేసిన అల్లు అర్జున్‌కు జాతీయ ఉత్తమ నటుడి అవార్డు ఇవ్వడంపై తీవ్ర విమర్శలు చేస్తున్నారు.
Share
Mynampally Audio: కేసీఆర్కు భయపడేదేలే.. మైనంపల్లి ఆడియో వైరల్..
PM Modi: చంద్రుడిపై 'శివశక్తి'.. స్పేస్ డేగా ఆగస్ట్ 23.. సైంటిస్టులకు మోదీ కితాబు..
