Love Crime: ఆమె వద్దన్నది.. అతడు చావు చూపించాడు. అర్ధరాత్రి ఓ ఆటో డ్రైవర్ యువతి ప్రాణాలు తీశాడు. ఇంటి గేటు ముందు మాటువేసి.. తండ్రి ఎదుటే కత్తితో దాడి చేశాడు. పశ్చిమగోదావరి జిల్లాలో జరిగిన ఈ ఘటన.. ప్రేమోన్మాదం ఎంత క్రూరమైనదో మరోసారి చాటి చెప్పింది.
ఆమె ప్రేమనుకుంది.. సన్నిహితంగా మెలిగింది.. మోసగాడని అర్థమై దూరం పెట్టింది. తాడేరు గ్రామానికి చెందిన 32 ఏళ్ల అనంతవాణి.. సాఫ్ట్వేర్ ఎంప్లాయ్‌. పెళ్లి కాలేదు. కొర్రపాడు గ్రామానికి చెందిన ఆటో డ్రైవర్ శ్యాంబాబుతో ఐదేళ్లుగా పరిచయం ఉంది. శ్యాంబాబుకు భార్య, ఇద్దరు పిల్లలు ఉన్నా.. ఇద్దరి మధ్య సన్నిహిత సంబంధం కొనసాగింది. ఆర్థికంగానూ అనంతవాణి అతడికి అండగా నిలిచింది. అన్నీ తానై చూసుకునేది.
Also read: Kaleshwaram: కేటీఆర్ సవాల్‌కు సర్కార్ కౌంటర్.. కాళేశ్వరం చుట్టూ తిరుగుతున్న తెలంగాణ హీట్ పాలిటిక్స్!
కానీ, ఆరు నెలల క్రితం నుంచి కథ మారిపోయింది. శ్యాంబాబును అనంతవాణి పూర్తిగా దూరం పెట్టింది. అదే అతడికి కక్షగా మారింది. అర్ధరాత్రి ఒంటి గంట సమయంలో అనంతవాణి ఇంటికి వెళ్లి శ్యాంబాబు పెద్ద పెద్ద కేకలు వేశాడు. తండ్రితో కలిసి ఆమె బయటకు వచ్చింది. ఒక్కసారిగా తండ్రిని పక్కకు నెట్టేసి.. వెంట తెచ్చుకున్న కత్తితో అనంతవాణిపై దాడికి దిగాడు. పొత్తికడుపులో తీవ్రంగా పొడిచి.. అక్కడి నుంచి పరారయ్యాడు.
రక్తం దారలా కారుతుండగానే కుటుంబ సభ్యులు భీమవరం ప్రభుత్వాస్పత్రికి తరలించగా.. అప్పటికే చనిపోయింది. తండ్రి పోలీసులకు కంప్లైంట్ చేయగా.. దుండగుడి కోసం సెర్చ్ చేస్తున్నారు. ఒక తప్పుడు నిర్ణయం.. ఒక కక్ష.. చివరికి ఓ యువతి ప్రాణాన్ని బలితీసుకున్న ఘటన రెండు కుటుంబాలను విషాదంలోకి నెట్టింది.
Also read: Prashant Kishor: మళ్లీ ఎన్నికల బరిలోకి ప్రశాంత్ కిషోర్.. బంకీపూర్‌లో వ్యూహకర్త నయా స్కెచ్ ఇదే!
Share
Prashant Kishor: మళ్లీ ఎన్నికల బరిలోకి ప్రశాంత్ కిషోర్.. బంకీపూర్‌లో వ్యూహకర్త నయా స్కెచ్ ఇదే!
Suicide Harassment: నాతో ఎఫైర్ కంటిన్యూ చేయాల్సిందే.. వేధింపులు తట్టుకోలేక యువకుడు ఆత్మహత్య!
