Bigg Boss 9 Telugu Day 63 : దివ్యకు నాగార్జున మాస్ వార్నింగ్… వీడియోలతో బండారం బట్టబయలు… తనూజా చేతుల్లో ఎలిమినేషన్

Bigg Boss 9 Telugu Day 63 : బిగ్ బాస్ రియాలిటీ షోలో ప్రతి శనివారం నాగార్జున హౌస్ మేట్స్ కు వేసే మొట్టికాయలు చూసి తీరాల్సిందే అన్నట్టుగా ఉంటాయి. అందుకే సాధారణంగా మిగతా రోజుల కంటే వీకెండ్ ఎపిసోడ్ లను చూడడానికే చాలామంది ఆసక్తిని చూపిస్తుంటారు. కానీ ఈ శనివారాన్ని మాత్రం ఎప్పటిలా కాకుండా ‘శివ’ రీరిలీజ్ సెలబ్రేషన్స్ కోసం అంకితం చేశారు బిగ్ బాస్. దీంతో ఆడియన్స్ నీరస పడిపోయారు. కానీ సండే ఎపిసోడ్లోనే అసలు స్టోరీ అంతా ఉంది. డే 63 ఎపిసోడ్లో ఏం జరిగిందో ఇప్పుడు తెలుసుకుందాం.

ట్రోఫీ ఎవరిది ? ఎగ్జిట్ ఎవరికి?

నేటి ఎపిసోడ్లో ఫన్ తో పాటు ఫైర్ ను కూడా చూపించారు నాగార్జున. కొన్ని సినిమాల నుంచి క్లిప్స్ చూపించి, ఫజిల్ లాంటి ప్రశ్నలు అడిగారు నాగ్. దీని కోసం ఒక టీంకు భరణి, మరో టీంకు సాయిని టీం లీడర్లుగా పెట్టారు. ఈ టాస్క్ లో సాయి టీం విన్ అయ్యింది.

ఈ ఫన్ టాస్క్ కంటే ముందే ఈ హౌస్ లో ఉన్న హౌస్ మేట్లలో ట్రోఫీకి దగ్గరగా ఎవరు, దూరంగా ఎవరు వెళ్తున్నారు? అనేది ఒక్కొకరుగా చెప్పమన్నారు నాగార్జున. సుమన్ శెట్టి ఇమ్మాన్యుయేల్ ట్రోఫీకి దగ్గరగా, సాయి దూరంగా వెళ్తున్నాడు అని చెప్పాడు. కళ్యాణ్ తనూజాకు ట్రోఫీ, భరణికి ఎగ్జిట్ ఇచ్చాడు. భరణి ఇమ్మూకు ట్రోఫీ ఇవ్వగా, సాయికి ఎగ్జిట్ ఇచ్చాడు. సాయి భరణికి ఎగ్జిట్, తనూజాకు ట్రోఫీ ఇచ్చాడు. సంజన డెమోన్ కు ట్రోఫీ, గౌరవ్ కి ఎగ్జిట్… దివ్య గౌరవ్ కి ఎగ్జిట్ , ఇమ్మూకి ట్రోఫీ… నిఖిల్ తనూజాకు ట్రోఫీ, సాయికి ఎగ్జిట్ ఇచ్చారు. గౌరవ్, రీతూ తనూజకు, డెమోన్ ఇమ్మూకి ట్రోఫీ ఇచ్చారు.

ఇది పక్కా పర్సనల్ భయ్యా

గౌరవ్ ఊరికే చిరాకు పడుతున్నావ్ ఎందుకు? కెప్టెన్ కు కూడా ఎదురు తిరిగావు, అది మంచిదే. అయితే ఫుడ్ మీద కోపాన్ని చూపించకూడదు అంటూ నాగ్ అతనికి వార్నింగ్ ఇచ్చారు. “నీ ఆటా, మాట తీరు అద్భుతంగా ఉంది. నిన్నే పీకేసిన నీ టీమే రెబల్ అని తెలిసినా, నిబద్ధతతో ఇచ్చిన మాట కోసం వాళ్ళను బయట పెట్టకుండా కంటెండర్ ను చేశావ్. అలాంటి నిన్ను ఫైనల్ కంటెండర్ దగ్గర మోసం చేశారు కదా… ఏం అనిపించింది ?” అని కళ్యాణ్ ను అడిగారు నాగ్. “తియ్యను అని చెప్పి తీసింది దివ్య. అది కాస్త బాధ అనిపించింది” అని చెప్పాడు కళ్యాణ్.

దీంతో నీకోసం వీడియో అంటూ దివ్య భరణిని తప్పించి కళ్యాణ్ ను ఎలా బలి చేసింది? తనూజాపై పర్సనల్ గా ఎలా పగ తీర్చుకుంది ? అనే వీడియోలను ప్లే చేశారు. “టాస్క్ ఏంటి? భరణిని ఎందుకు కౌంట్ చేయలేదు? అతన్ని గేమ్ నుంచి తీసేయాల్సి వస్తుందనా?” అని దివ్యాను అడిగారు నాగ్. ఆమె సింపుల్ గా స్ట్రాటజీ అంటూ సమర్థించుకుంది. భరణి లేవగానే “ఎలాగూ నువ్వు స్టాండ్ తీసుకోవు. కూర్చో” అంటూ అంతన్ని కూర్చోబెట్టారు. “ఆట ఒకరి గెలుపు కోసం ఉండాలి గానీ ఓటమి కోసం కాదు. నీకోసం నువ్వు స్ట్రాటజీ ప్లే చేస్తే బాగుండేది. నీకోసం అవతలి వాళ్ళ సపోర్ట్ అడిగితే మంచిదా? లేక అవతలి వాళ్ళను తీయడం కరెక్టా? ఇలా చేస్తే ఎక్స్ పోజ్ అయ్యేది నువ్వే” అంటూ దివ్యకు స్ట్రాంగ్ వార్నింగ్ ఇచ్చారు నాగార్జున. అలాగే కళ్యాణ్ ను నామినేట్ చేయమని రామూ చేతిపై తనూజా రాయడం కరెక్ట్ కాదని స్వీట్ వార్నింగ్ తో సరిపెట్టేశారు.

సాయి ఎలిమినేషన్ లో తనూజా ట్విస్ట్

ఇక చివరగా నామినేషన్లలో భరణి – సాయి మిగలగా… తనూజా నీకిచ్చిన గోల్డెన్ బజర్ ను వాడతావా లేదా ? అని అడిగారు. కానీ తనూజా నేనైతే ఆ పవర్ ను వాడను. ఆడియన్స్ తీర్పును గౌరవిస్తాను అని చెప్పింది. దీంతో ఇద్దరిలో సాయి శ్రీనివాస్ ఎలిమినేట్ అయ్యాడు. ఇప్పటికే రామూ సెల్ఫ్ ఎవిక్షన్ కావడంతో సాయితో కలిపి ఈవారం డబుల్ ఎలిమినేషన్ అయ్యింది బిగ్ బాస్ హౌస్ లో.