2024 Jawa Perak: ప్రముఖ బైక్ తయారీదారు జావా భారత మార్కెట్లో పెరాక్ బైక్ను అందుబాటులో ఉంచింది. ఈ బైక్ ఇటీవలే అప్డేట్ చేయబడింది. కంపెనీ సమాచారం ప్రకారం.. కంపెనీ ఈ బైక్ ఇంజిన్లో కొన్ని మార్పులు చేసింది. దీంతో ఈ బైక్ గతంలో కంటే ఇప్పుడు మెరుగ్గా మారినట్లు కంపెనీ తెలిపింది. 2024 జావా పెరాక్ ఇంజిన్లో ఎలాంటి మార్పులు చేశారో ఇప్పుడు తెలుసుకుందాం.
2024 జావా పెరాక్లో మార్పులు:
2024 జావా పెరాక్ ఇంజిన్లో కొన్ని మార్పులు చేయబడ్డాయి. ఈ మార్పుల తర్వాత బైక్ నడిపే అనుభవం మెరుగుపడింది. కంపెనీ ముఖ్యంగా ఇంజిన్ సౌండ్, వైబ్రేషన్, కఠినత్వంపై పని చేసింది. దాని NVH (Noise, vibration and harshness) స్థాయి తగ్గించబడింది.
కొత్త గేర్బాక్స్.. ఈ కవర్ బైక్ గేర్బాక్స్ సౌండ్ని గణనీయంగా తగ్గించింది. బైక్లోని కొత్త క్రాంక్షాఫ్ట్తో ఇంజిన్ ఒత్తిడి స్థాయిని కూడా తగ్గించే ప్రయత్నం చేసింది. దీని ద్వారా బైక్ను డ్రైవ్ చేస్తున్నప్పుడు చాలా ప్రయోజనకరంగా అనుభూతిని అందిస్తుంది.
Also Read: ఓ మాస్టారు ఇది విన్నారా.. ఈ బైక్కి క్లచ్ ఉండదంటా!
కస్టమర్లు ఈ బైక్ అప్డేటెడ్ ఇంజిన్తో మెరుగైన గేర్ నిష్పత్తులు, థొరెటల్ మ్యాపింగ్తో మెరుగైన ప్రయాణాన్ని ఆశించవచ్చు. జావా పెరాక్ 2024లో గేర్ రేషియో, థొరెటల్ మ్యాపింగ్పై కూడా పనిచేసింది. ఈ బైక్లో కంపెనీ 334 సిసి సింగిల్ సిలిండర్ ఫోర్ స్ట్రోక్ లిక్విడ్ కూల్డ్ ఇంజన్ను అందిస్తుంది.
ఇది 29.9 PS, 30 న్యూటన్ మీటర్ టార్క్ ఇస్తుంది. కాగా ఈ బైక్ ఆరు-స్పీడ్ గేర్బాక్స్తో మార్కెట్లోకి వచ్చింది. అంతేకాకుండా ఈ జావా పెరాక్ బైక్లో మరికొన్ని మార్పులు కూడా చేయబడ్డాయి. బైక్కు కొత్త ఫ్యూయల్ ఫిల్లర్ క్యాప్, కొత్త బ్యాడ్జ్, కొత్త సీటును కూడా అమర్చారు.
అయితే దీని ధర ఎంత ఉంటుందని అంతా చర్చించుకుంటున్నారు. కాబట్టి దీని ధర విషయానికొస్తే.. 2024 జావా పెరాక్ బైక్ రూ.2.13 లక్షల ఎక్స్-షోరూమ్ ధరగా మార్కెట్లో అందుబాటులో ఉంది. ఈ బైక్ను కంపెనీ అధికారిక వెబ్సైట్, డీలర్షిప్లో రూ.999కి బుక్ చేసుకొని ఇంటికి పట్టుకెళ్లొచ్చు.