విలాసవంతమైన కార్లు, బైకుల తయారీ సంస్థ మరో అదిరిపోయే టైవీలర్ ను అందుబాటులోకి తీసుకొచ్చింది. గతంలో మాదిరిగానే లగ్జరీ బైక్ ను వినియోగదారులకు పరిచయం చేసింది. S 1000 R పేరుతో విడుదలైన ఈ బైక్ ధరను రూ. 19.90 లక్షలుగా ఫిక్స్ చేసింది. ఇది ఎక్స్ షోరూమ్ ధర కాగా, ఆన్ రోడ్ వచ్చే సరికి మరికొంత ధర పెరిగే అవకాశం ఉంటుంది. గత బైకులతో పోల్చితే ఇందులో సరికొత్త ఫీచర్లను పరిచయం చేసింది.
S 1000 R బైక్ 999cc, లిక్విడ్-కూల్డ్, నాలుగు-సిలిండర్ ఇంజిన్‌తో పనిచేస్తుంది. ఇది 11,000rpm దగ్గర 170bhp, 9,250rpm దగ్గర 114Nm టార్క్‌ ను ప్రొడ్యూస్ చేస్తుంది. ఈ కొత్త బైక్ కేవలం 3.2 సెకన్లలో 0-100kmph వేగాన్ని అందుకుంటుంది. ఈ వాహన గరిష్ట వేగాన్ని 250kmphకి పరిమితం చేసినట్లు BMW సంస్థ వెల్లడించింది.
S 1000 R బైక్ ఫీచర్ల విషయానికొస్తే, ఈ బైక్‌లో డేటైమ్ రైడింగ్ లైట్లు, M క్విక్ యాక్షన్ థ్రోటిల్, రైడింగ్ మోడ్‌లు, ABS ప్రో, డైనమిక్ ట్రాక్షన్ కంట్రోల్ తో పాటు కనెక్టివిటీ, నావిగేషన్‌ తో కూడిన 6.5-అంగుళాల TFT డిస్‌ప్లేతో కూడిన హెడ్‌ లైట్ ప్రో లభిస్తుంది. దీనితో పాటు, ఈ బైక్ లో BMW ఇంటెలిజెంట్ ఎమర్జెన్సీ కాల్ ఫీచర్ E-కాల్, సీటు కింద USB టైప్-C ఛార్జర్ ఉన్నాయి.
S 1000 R బైక్ డిజైన్ మరింత స్టైలిష్ గా ఉంటుంది. ఈ బైక్ లో ఫ్యూయెల్ ట్యాంక్ ఆకారం ఉన్న విధానం, షార్ప్ ట్యాంక్ పొడిగింపులు, బయట కనిపించే సబ్‌ ఫ్రేమ్ మరింత ఆకట్టుకుంటుంది.
S 1000 R బైక్ రైడర్లు డైనమిక్, కంఫర్ట్, M స్పోర్ట్ లాంటి ఆప్షనల్ ప్యాకేజీల నుంచి ఎంచుకోవచ్చు, వీటిలో క్రూయిజ్ కంట్రోల్, హీటెడ్ గ్రిప్స్, షిఫ్ట్ అసిస్టెంట్, M లైట్‌వెయిట్ బ్యాటరీ, ఫోర్జ్డ్ వీల్స్ లాంటి అధునాతన భాగాలు ఉంటాయి. S 1000 R మూడు రంగు ఎంపికలలో వస్తుంది. వాటిలో ఒకటి బ్లాక్‌ స్టార్మ్ మెటాలిక్, రెండు స్టైల్ స్పోర్ట్ తో బ్లూఫైర్/ఎల్లో, మూడోది M ప్యాకేజీతో లైట్‌వైట్ యూని/ఎం మోటార్ స్పోర్ట్ బైక్. అన్ని వర్గాల రైడర్లకు ఈ బైక్ మరింత అనుకూలంగా ఉంటుందని కంపెనీ వెల్లడించింది.
Read Also: ప్రొడక్ట్స్, బ్రాండ్ల పేరు మీద ఉండే TM, R సింబల్స్‌ కు అర్థం ఇదే.. మీరు అస్సలు ఊహించలేరు!
Share
Tollywood: తల్లి కాబోతున్న వెంకటేష్ హీరోయిన్.. ఈ ఏడాదే మొదటి బిడ్డకు ఆహ్వానం!
Flipkart Offers 2025: ఫ్లిప్‌కార్ట్ బిగ్ బిలియన్ డేస్ 2025.. షాపింగ్ పండుగకు సిద్ధమా?
