BYJUS: ఉద్యోగులకు జీతాలు ఎందుకు చెల్లించలేపోతున్నామో కారణం చెప్పిన బైజూస్ వ్వవస్తాపకుడు..

BYJUS Founder Raveendran: కొంతమంది పెట్టుబడిదారులతో చట్టపరమైన వివాదం కారణంగా ఇటీవల రైట్స్ ఇష్యూ ద్వారా సేకరించిన నిధులు అందుబాటులో లేనందున కంపెనీ ఉద్యోగులకు జీతాలు చెల్లించలేమని బైజూస్ వ్యవస్థాపకుడు బైజు రవీంద్రన్ శనివారం తెలిపారు.

నెల రోజుల క్రితం ప్రారంభించిన రైట్స్ ఇష్యూ విజయవంతంగా ముగిసిందని రవీంద్రన్ సిబ్బందికి రాసిన లేఖలో తెలిపారు.

“ఇది సంతోషకరమైన విషయం. అన్నింటికంటే, మన స్వల్పకాలిక అవసరాలను తీర్చడానికి, మా బాధ్యతలను క్లియర్ చేయడానికి ఇప్పుడు మాకు నిధులు ఉన్నాయి. అయినప్పటికీ, మేము ఇప్పటికీ మీ జీతాలను ప్రాసెస్ చేయలేమని మీకు తెలియజేయడానికి చింతిస్తున్నాను,” అని రవీంద్రన్ స్పష్టం చేశారు.

మార్చి 10లోగా జీతాలు చెల్లించేలా కంపెనీ ఇంకా కృషి చేస్తోందని లేఖలో రవీంద్రన్ పేర్కొన్నారు.

“చట్టం అనుమతించిన మరుక్షణమే మేము ఈ చెల్లింపులను చేస్తాము,” అని రవీంద్రన్ స్పష్టం చేశారు.

ఇంకా, రవీంద్రన్ మాట్లాడుతూ, గత నెలలో, కంపెనీ మూలధన కొరత కారణంగా సవాళ్లను ఎదుర్కొంది. ఇప్పుడు నిధులు ఉన్నప్పటికీ జాప్యం తప్పట్లేదని అన్నారు.

“దురదృష్టవశాత్తూ, కొందరు పెట్టుబడిదారులు హృదయం లేని స్థాయికి దిగజారారు, మీరు కష్టపడి సంపాదించిన జీతాలను చెల్లించడానికి మేము సేకరించిన నిధులను ఉపయోగించుకోలేకపోతున్నాము” అని రవీంద్రన్ చెప్పారు.

Read More: మనీలాండరింగ్ నిబంధనల ఉల్లంఘన.. పేటీఎం పేమెంట్స్ బ్యాంక్‌కు రూ. 5.49 కోట్ల జరిమానా..

“వారి కోరిక మేరకు, రైట్స్ ఇష్యూ ద్వారా సేకరించిన మొత్తం ప్రస్తుతం ప్రత్యేక ఖాతాలో లాక్ చేశారు,” అని రవీంద్రన్ పేర్కొన్నారు.

ఈ పెట్టుబడిదారులు బైజూస్‌లో పెట్టుబడి ద్వారా గణనీయమైన లాభాలను పొందినప్పటికీ, ఇతరుల జీవితాలను, జీవనోపాధిని పట్టించుకోవడం లేదని రవీంద్రన్ ఆరోపించారు.

“ఈ పెట్టుబడిదారులలో కొందరు ఇప్పటికే గణనీయమైన లాభాలను పొందారనేది వేదన కలిగించే వాస్తవం – వాస్తవానికి, వారిలో ఒకరు BYJU’S లో వారి ప్రారంభ పెట్టుబడి కంటే ఎనిమిది రెట్లు సంపాదించారు. అయినప్పటికీ, వారి చర్యలు మన జీవితాలు, జీవనోపాధి పట్ల నిర్లక్ష్యాన్ని తెలియజేస్తాయి, “అని లేఖలో పేర్కొన్నాడు.

Share

• 
• 
• 
• 
• 
•