Cab Booking Tips| క్యాబ్ బుక్ చేసుకునే ప్రయాణికులకు కేంద్ర ప్రభుత్వం కీలక ఆదేశాలు జారీ చేసింది. రైడ్ త్వరగా కన్ఫర్మ్ అవుతుందని చెప్పి ఓలా, ఊబర్ లాంటి కంపెనీలు అదనపు డబ్బులు వసూలు చేయడాన్ని ప్రభుత్వం వ్యతిరేకించింది. రాపిడో, ఓలా, ఉబర్, ఇన్డ్రైవ్ వంటి రైడ్ – హెయిలింగ్ ప్లాట్ఫామ్లకు కొత్త సూచనలు ఇచ్చింది. బుకింగ్ సమయంలో అడ్వాన్స్ టిప్ లేదా అదనపు యాడ్ – ఆన్లు కోరే విధానాలను తొలగించాలని ఆదేశించింది.
క్యాబ్ యాప్ల బుకింగ్ స్క్రీన్లో అడ్వాన్స్ టిప్ ఆప్షన్లను తొలగించాలని రవాణా మంత్రిత్వ శాఖ సూచించింది. అలాగే అదనపు చెల్లింపులకు ప్రోత్సహించే యాడ్ – ఆన్ ఆప్షన్లను కూడా తొలగించాలి. కొన్ని యాప్లు అదనపు టిప్ ఇస్తే రైడ్ త్వరగా దొరుకుతుందని సూచిస్తున్నట్లు ఫిర్యాదులు వచ్చాయి. ఇలాంటి విధానాలు ప్రయాణికులపై అనవసరమైన ఆర్థిక ఒత్తిడి పెంచుతాయని ప్రభుత్వం భావించింది.
కొన్ని క్యాబ్ యాప్లలో “అడ్వాన్స్ టిప్”, “యాడ్ ఆన్ ఎంచుకోండి” వంటి ఆప్షన్లు కనిపించాయి. అదనపు డబ్బు చెల్లిస్తే డ్రైవర్ రైడ్ అంగీకరించే అవకాశం పెరుగుతుందని కొన్ని మెసేజెస్ సూచించాయి. మరికొన్ని ఆప్షన్లు త్వరగా క్యాబ్ లభిస్తుందని లేదా వేచి ఉండే సమయం తగ్గుతుందని సూచించాయి. ఈ విధానాలపై ప్రభుత్వం అభ్యంతరం వ్యక్తం చేసింది.
2025 మోటార్ వెహికల్ అగ్రిగేటర్ గైడ్లైన్స్లో టిప్పింగ్కు సంబంధించిన నిబంధనలను ప్రభుత్వం ప్రస్తావించింది. ప్రయాణం పూర్తైన తర్వాత డ్రైవర్కు టిప్ ఇచ్చే అవకాశం ప్రయాణికులకు ఉంటుంది. అయితే బుకింగ్ సమయంలో లేదా ప్రయాణం ప్రారంభానికి ముందు అడ్వాన్స్ టిప్కు నిబంధనల్లో అవకాశం లేదు. అందువల్ల టిప్ ఇవ్వాలా వద్దా అనేది ప్రయాణికుడి స్వచ్ఛంద నిర్ణయంగా ఉండాలి.
ప్రయాణికుడు ఇచ్చే టిప్ మొత్తాన్ని డ్రైవర్కు పూర్తిగా అందించాలి. క్యాబ్ కంపెనీలు ఆ టిప్ నుంచి ఎలాంటి కమిషన్ లేదా ఇతర మొత్తాన్ని తీసుకోకూడదు. దీంతో ప్రయాణికుడు ఇచ్చిన మొత్తం నేరుగా డ్రైవర్కు చేరుతుంది.
ప్రయాణికులను ప్రభావితం చేసే లేదా తప్పుదారి పట్టించే టిప్పింగ్ విధానాలను యాప్లు ఉపయోగించకూడదు. అలాంటి విధానాలు వినియోగదారుల రక్షణ చట్టంలోని నిబంధనలకు విరుద్ధంగా ఉండే అవకాశం ఉంది. క్యాబ్ బుకింగ్ సమయంలో వినియోగదారులకు స్పష్టమైన, పారదర్శకమైన సమాచారం అందించాలని ప్రభుత్వం కోరుతోంది.
కంపెనీలు తమ యాప్ల బుకింగ్ ఇంటర్ఫేస్లో అవసరమైన మార్పులు చేయాల్సి ఉంటుంది. అడ్వాన్స్ టిప్ ఆప్షన్లను బుకింగ్ స్క్రీన్ నుంచి తొలగించాలి. అదనపు డబ్బు చెల్లిస్తే రైడ్ త్వరగా వస్తుందని సూచించే మెసేజెస్ కూడా తొలగించాలి. అలాగే డ్రైవర్ త్వరగా కేటాయించబడతారని లేదా వేచి ఉండే సమయం తగ్గుతుందని చెప్పే ఆప్షన్లు ఉండకూడదు.
ఆదేశాలను పాటించని కంపెనీలపై అధికారులు చర్యలు తీసుకునే అవకాశం ఉంది. నిబంధనల ఉల్లంఘనకు జరిమానాలు లేదా ఇతర చర్యలు ఎదురయ్యే అవకాశం ఉంటుంది.
పీక్ అవర్స్, వర్షాలు లేదా ఎక్కువ డిమాండ్ ఉన్న సమయంలో క్యాబ్ల కోసం డిమాండ్ పెరుగుతుంది. అలాంటి సమయంలో త్వరగా రైడ్ దొరుకుతుందని కొంతమంది అదనపు డబ్బులు చెల్లించాల్సి వచ్చేది. కొత్త ఆదేశాలతో బుకింగ్ సమయంలో ఇలాంటి అదనపు చెల్లింపుల ఒత్తిడి తగ్గవచ్చు. దీంతో ప్రయాణికులు మరింత పారదర్శకమైన విధానంలో క్యాబ్లను బుక్ చేసుకునే అవకాశం ఉంటుంది.
Also Read: రూ.37వేల సాలరీ నుంచి రూ.2.2 కోట్ల ప్యాకేజీ.. టెకీ కెరీర్ స్టోరీ వైరల్
ప్రభుత్వం టిప్పింగ్ను పూర్తిగా నిషేధించలేదు. రైడ్ పూర్తైన తర్వాత డ్రైవర్ సేవలను బట్టి ప్రయాణికులు తమ ఇష్టానుసారం టిప్ ఇవ్వవచ్చు. అంటే అడ్వాన్స్ టిప్, బుకింగ్కు సంబంధించిన అదనపు చెల్లింపులపైనే ఆంక్షలు వర్తిస్తాయి.
పోస్ట్ రైడ్ టిప్పింగ్ మాత్రం కొనసాగుతుంది.
మొత్తంగా ఈ నిర్ణయం క్యాబ్ బుకింగ్ను మరింత పారదర్శకంగా మార్చే లక్ష్యంతో తీసుకున్నట్లు తెలుస్తోంది. ప్రయాణికులు అదనపు డబ్బులు చెల్లించాలనే ఒత్తిడి లేకుండా రైడ్ బుక్ చేసుకునే అవకాశం ఉంటుంది.
Share
ఐపీఎల్ ప్రారంభిస్తే, కరోనా కంటే వేగంగా టీమిండియా క్రికెటర్లు కోలుకుంటారు
10 ఏళ్లలో 55 బదిలీలు... చివరికి ముఖ్యమంత్రి కుటుంబాన్ని కూడా వదలని కానిస్టేబుల్ కథ
