Credit Card Overlimit| అత్యవసర పరిస్థితుల్లో చేతిలో డబ్బులు సరిపోకపోతే క్రెడిట్ కార్డు ఉపయోగపడుతుంది. అయితే, కార్డుపై ఉన్న ఖర్చు పరిమితి కూడా దాటిపోతే ఏం చేయాలి? ఇలాంటి సందర్భాల్లో క్రెడిట్ కార్డు ఓవర్‌లిమిట్ సదుపాయం కొంత వెసులుబాటు కల్పించవచ్చు. కానీ, ఈ సదుపాయాన్ని ఉపయోగించడానికి అదనపు ఛార్జీలు, జీఎస్టీ చెల్లించాల్సి రావచ్చు. అందుకే ఈ సదుపాయం ఎలా పనిచేస్తుంది, దాని వల్ల కలిగే ప్రయోజనాలు ఏమిటి? ఖర్చులు పెరగకుండా ఎలా జాగ్రత్తపడాలి? అనే విషయాలు తెలుసుకోవడం ముఖ్యం.
ప్రతి క్రెడిట్ కార్డుకు బ్యాంకు లేదా కార్డు జారీ చేసే సంస్థ ఒక ఖర్చు పరిమితి నిర్ణయిస్తుంది. ఈ పరిమితి ఆధారంగా కార్డుదారులు కొనుగోళ్లు, ఇతర చెల్లింపులు చేయవచ్చు. ఓవర్‌లిమిట్ సదుపాయం ఉంటే, నిర్ణయించిన లిమిట్‌కి మించి ఖర్చు చేసే అవకాశం లభించవచ్చు. ఉదాహరణకు, మీ క్రెడిట్ కార్డు పరిమితి రూ.50,000 అనుకుందాం. ఓవర్‌లిమిట్ సదుపాయం అనుమతిస్తే, ఈ మొత్తానికి మించి లావాదేవీ చేయవచ్చు. అయితే, ప్రతి లావాదేవీకి బ్యాంకు అనుమతి ఇస్తుందని హామీ లేదు.
క్రెడిట్ కార్డు తీసుకున్న ప్రతి ఒక్కరికీ ఓవర్‌లిమిట్ సదుపాయం ఆటోమేటిక్‌గా అందుబాటులో ఉండదు. సాధారణంగా.. కార్డుదారులు దీనికి తమ స్పష్టమైన సమ్మతి ఇవ్వాల్సి ఉంటుంది. బ్యాంకులు తమ నిబంధనలు, అర్హతలు, రిస్క్ అంచనాల ఆధారంగా లావాదేవీలను అనుమతించవచ్చు లేదా తిరస్కరించవచ్చు. అందువల్ల, ఈ సదుపాయాన్ని ఉపయోగించే ముందు మీ కార్డుకు ఇది వర్తిస్తుందో లేదో తెలుసుకోండి.
బ్యాంకు, క్రెడిట్ కార్డు రకం, నిబంధనలను బట్టి ఓవర్‌లిమిట్ ఛార్జీలు మారుతాయి. కొన్ని కార్డులపై పరిమితికి మించి ఖర్చు చేసిన మొత్తంలో సుమారు 2.5 శాతం వరకు ఛార్జీ ఉండవచ్చు. కనీస ఛార్జీగా రూ.500 నుంచి రూ.600 వరకు వసూలు చేసే సందర్భాలు కూడా ఉన్నాయి. దీనికి అదనంగా జీఎస్టీ వర్తిస్తుంది. ఉదాహరణకు.. పరిమితికి మించి ఖర్చు చేసిన రూ.10,000పై 2.5 శాతం ఛార్జీ వర్తిస్తే, రూ.250 చెల్లించాల్సి ఉంటుంది. అయితే, కనీస ఛార్జీ ఎక్కువగా ఉంటే బ్యాంకు ఆ మొత్తాన్ని వసూలు చేస్తుంది. ఇవి ఉదాహరణలు మాత్రమే. మీ కార్డుకు వర్తించే కచ్చితమైన ఛార్జీలను బ్యాంకు నిబంధనల్లో పరిశీలించాలి.
Also Read: 10వ తరగతి తరువాత కమర్షియల్ పైలట్ కావాలంటే ఏం చేయాలి? లైసెన్స్ ఎలా పొందాలి?
అత్యవసర వైద్య ఖర్చులు లేదా ఊహించని చెల్లింపుల సమయంలో ఈ సదుపాయం ఉపయోగపడవచ్చు. అయితే, అదనపు ఛార్జీలు, జీఎస్టీ వల్ల బకాయి మొత్తం పెరుగుతుంది. సమయానికి చెల్లించకపోతే వడ్డీతోపాటు ఇతర ఛార్జీలు కూడా పడవచ్చు.
Also Read: టీనేజ్ పిల్లలకు తల్లిదండ్రులు చెప్పే మంచి మాటలు ఎందుకు నచ్చవు? అసలు కారణం ఇదే
బ్యాంకు అధికారిక వెబ్‌సైట్‌లో తాజా నిబంధనలు పరిశీలించండి. ఓవర్‌లిమిట్ ఛార్జీలు, కనీస రుసుము, జీఎస్టీ వివరాలు తెలుసుకోండి. మీ కార్డుకు ఈ సదుపాయం వర్తిస్తుందో లేదో నిర్ధారించుకోండి.
సందేహాలుంటే కస్టమర్ కేర్‌ను సంప్రదించండి. బకాయి మొత్తాన్ని తిరిగి చెల్లించే సామర్థ్యాన్ని అంచనా వేసుకోండి. వీలైతే పొదుపు లేదా తక్కువ ఖర్చుతో కూడిన ప్రత్యామ్నాయాలు ఎంచుకోండి.
ఓవర్‌లిమిట్ సదుపాయం అత్యవసర సమయంలో ఆర్థిక వెసులుబాటు కల్పించవచ్చు. అయితే, దీన్ని తరచుగా ఉపయోగించడం కంటే ఖర్చులను ముందుగానే ప్లాన్ చేసుకోవడం మంచిది. నిబంధనలు, ఛార్జీలు పూర్తిగా తెలుసుకున్న తర్వాతే ఈ సదుపాయాన్ని ఉపయోగించండి.
Share
నేను బ్రతికున్నంత వరకు నీ ఆత్మ నరకం అనుభవించాలి - తనుశ్రీ
తిరుపతికి చంద్రబాబు భారీ వరాలు.. రూ.3,222 కోట్ల అభివృద్ధి పనులకు శ్రీకారం!
