Fund Manager: మీకు ఆర్థిక రంగంలో ఎక్కువగా ఆసక్తి ఉందా. మీ కెరీర్‌ను కూడా దీనిలోనే నిర్వహించుకోవాలని చూస్తున్నారా. అయితే మీకు గుడ్ న్యూస్. ఎందుకంటే ప్రస్తుతం ఈ రంగంలో ఫండ్ మేనేజర్ ఉద్యోగానికి మార్కెట్లో మంచి డిమాండ్ ఉంది. ఈ జాబ్ ద్వారా ఏడాదికి రూ.20 లక్షల నుంచి కోటి రూపాయల వరకు కూడా సంపాదించుకునే ఛాన్సుంది. మీరు ఈ జాబ్ ద్వారా కేవలం పెట్టుబడులను నిర్వహించడమే కాకుండా, సంపద సృష్టించడం, మార్కెట్ సవాళ్లను జయించడం, పెట్టుబడిదారుల ఆర్థిక కలలను సాకారం చేయడంలో కీలక పాత్ర పోషిస్తారు.
సరైన ఉద్యోగ నిర్వహణ
ఫండ్ మేనేజర్‌గా, మీరు ఆర్థిక మార్కెట్లో కీలకంగా పనిచేస్తారు. ప్రతి రోజూ కొత్త అవకాశాలు, సవాళ్లు, నిర్ణయాలతో నిండి ఉంటుంది. మీ విశ్లేషణాత్మక నైపుణ్యాలు, ఆస్తి కేటాయింపు వ్యూహాలు, మార్కెట్ ట్రెండ్‌లపై అవగాహనతో, మీరు రిస్క్‌ను తగ్గించి లాభాలను పెంచాల్సి ఉంటుంది. ఈక్విటీ, డెట్, బంగారం, లేదా రియల్ ఎస్టేట్ ఇలా మీరు ప్రతి ఆస్తి తరగతిని సమతుల్యంగా నిర్వహిస్తూ, ఒత్తిడిలో కూడా స్థిరమైన రాబడిని అందించేలా చేయాలి.
ఎందుకు ఫండ్ మేనేజర్ కావాలి?
ప్రస్తుతం స్టాక్ మార్కెట్ విధానం, దేశంలో మార్కెట్ పరిస్థితిని అధ్యయనం చేస్తూ, కొత్త వ్యూహాలను రూపొందించడం కోసం వీరి అవసరం తప్పనిసరిగా మారింది. అనేక మంది కస్టమర్ల ఆస్తుల నిర్వహణ, పెట్టుబడుల ఫండ్ పనితీరు ఆధారంగా మంచి లాభాలను పొందేలా చేయాలి. ఇటీవల కాలంలో మ్యూచువల్ ఫండ్లలో పెట్టుబడులు చేసేవారి సంఖ్య కూడా పెరిగిన నేపథ్యంలో వీరికి భారీగా డిమాండ్ ఏర్పడింది.
Read Also: Viral Video: టాబ్లెట్‌ను తొక్కి, నేలపై విసిరేసిన కేంద్ర మంత్రి.. …
సవాళ్లను స్వీకరించండి
మీ నిర్ణయాలు పెట్టుబడిదారుల ఆర్థిక లక్ష్యాలను సాధించడంలో సహాయపడతాయి, వారి భవిష్యత్తును రూపొందిస్తాయి. ఆర్థిక విధానాలు, కొత్త పెట్టుబడి సాధనాలు, మార్కెట్ ట్రెండ్‌లను నేర్చుకుంటూ మీ నైపుణ్యాలను మెరుగుపరచుకోవాలి. ఫండ్ మేనేజర్ ఉద్యోగం మరి అంత సులభమైనది కాదు. మార్కెట్ అస్థిరత, ఒత్తిడి గురించి అవగాహన కల్గి ఉండాలి. నిరంతర నిర్ణయాధికారం అవసరం. కానీ, ఈ సవాళ్లే మీలోని నిజమైన నాయకుడిని బయటకు తీసుకొస్తాయి. ఆస్తి కేటాయింపు వంటి వ్యూహాలతో, మీరు ఈక్విటీ, డెట్, బంగారం వంటి ఆస్తులలో సమతుల్యతను సాధించి, రిస్క్‌ను తగ్గించి దీర్ఘకాల లాభాలను పెంచేలా చేస్తే మీకు తిరుగు ఉండదు.
ఉదాహరణకు, ఐసిఐసిఐ ప్రుడెన్షియల్ అసెట్ అలోకేటర్ ఫండ్ (FOF) మార్చి 2025 నాటికి 5 సంవత్సరాలలో 19.04% CAGR రాబడిని అందించింది. ఇది సరైన వ్యూహాల రాబడిని చూపిస్తుందని చెప్పవచ్చు.
మీ ప్రయాణాన్ని ప్రారంభించండి
ఈ రంగంలో రాణించాలంటే, CFA, MBA (ఫైనాన్స్), లేదా CA వంటి అర్హతలు ఉన్న వారు మీ నైపుణ్యాలను మెరుగుపర్చుకుని దీనిని ప్రారంభించవచ్చు. మార్కెట్‌పై అవగాహన, ఒత్తిడిని నిర్వహించే సామర్థ్యం, నిరంతర అభ్యాసం మీ విజయానికి కీలకంగా మారతాయి. ప్రతి నిర్ణయం, ప్రతి వ్యూహం పెట్టుబడిదారుల జీవితాలను మార్చగలదు. దీనిపై మీకు కూడా ఆసక్తి ఉంచే మీలోని ఆర్థిక నైపుణ్యాలను మెరుగుపర్చుకుని ఫండ్ మేనేజర్‌గా ఉద్యోగం ప్రారంభించండి. సవాళ్లను జయించి, సంపదను సృష్టించండి.
Share
Allu arjun Sri leela: ప్రమోషన్స్ తో చిక్కులు.. అల్లు అర్జున్, శ్రీలీలపై ఫిర్యాదులు
Telugu Heroes : ఈ ముగ్గురు ఫెయిల్యూర్ హీరోలకు జూలై వరం అవుతుందా..? వీళ్ల గతి మారుస్తుందా..?
