Gold Price Today: బంగారం-వెండి ధరలు మార్కెట్లో హెచ్చుతగ్గులకు లోనవుతున్నాయి. చమురు‌లో ధరలు పెరుగుతున్న ప్రతీ‌సారి బంగారం ధరలు పతనమయ్యాయి. ఈసారి అలాంటి సంకేతాలు కనిపించడంతో బులియన్ మార్కెట్లో కాసింత స్తబ్దుగా ఉంది. మంగళవారం మార్కెట్లో కాస్త హెచ్చుతగ్గులకు లోనవుతోంది.
ఈ వారం ప్రారంభం నుంచి బంగారం, వెండి ధరలు హెచ్చుతగ్గులకు లోనవుతున్నాయి. అక్టోబర్ 5 అనగా సోమవారం మార్కెట్ ప్రారంభమైనప్పుడు వెండి ధర పెరగగా, బంగారం ధర తగ్గింది. మార్కెట్లో జరుగుతున్న పరిణామాలతో వెండి ధరలు వేగంగా పడిపోయాయి. ఒక్కమాటలో చెప్పాలంటే మార్కెట్లో ధరల అస్థిరత కొనసాగుతోంది. ఈ అస్థిరత నేపథ్యంలో మంగళవారం నాటి ధరలను పరిశీలిద్దాం.
పసిడి ధరలపై అమెరికా ఫెడ్ వడ్డీ రేట్లు ప్రభావం కనిపిస్తోంది. ఈసారి ఫెడ్ వడ్డీ రేటు పెంపు ఉండకపోవచ్చని నిపుణులు చెబుతున్నారు. అదే జరిగితే గోల్డ్ ధరలు మళ్లీ పెరిగే అవకాశం ఉందనే ప్రచారం అప్పుడే మొదలైంది. మంగళవారం అంతర్జాతీయ బులియన్ మార్కెట్ కామెక్స్‌లో బంగారం-వెండి ధరలు తగ్గాయి. కామెక్స్ డేటా ప్రకారం.. ఈ వార్త రాసే సమయానికి బంగారం ధర 0.07 శాతం తగ్గి ఔన్సుకు 4153.80 కి చేరుకుంది. అదే సమయంలో వెండి ధరలు 0.43 శాతం తగ్గి ఔన్సుకు 61 డాలర్ల వద్ద ట్రేడింగ్ జరుగుతోంది.
గుడ్ రిటర్న్స్ వెబ్‌సైట్ ప్రకారం.. మంగళవారం ఉదయం 6.30 గంటలకు హైదరాబాద్, విజయవాడ, విశాఖపట్నం బులియన్ మార్కెట్లో ధరలు ఈ విధంగా ఉన్నాయి. 24 క్యారెట్ల 10 గ్రాముల బంగారం ధర గతంలో పోల్చితే రూ.160 తగ్గి రూ.1,49,170 వద్ద ఉంది. 22 క్యారెట్ల పసిడి ధర 10 గ్రాములకు రూ.150 తగ్గి రూ.1,36,740 వద్ద కొనసాగుతోంది. వెండి ధరలు కూడా కిలోగ్రాముకు సుమారు రూ.2.25 లక్షల వద్ద ట్రేడింగ్ లావాదేవీలు జరుగుతున్నాయి. మార్కెట్లో జరుగుతున్న హెచ్చుతగ్గులపై కొందరు పెరుగుతుందని చెబుతుంటే, మరికొందరు మాత్రం తగ్గడం ఖాయమని అంటున్నారు.
ALSO READ: 20 ఏళ్లు ఉద్యోగం చేస్తే మీ EPS పెన్షన్ ఎంత వస్తుంది? ఇలా లెక్కించాలి
మెట్రో నగరాల్లో బంగారం-వెండి ధరలను ఒక్కసారి పరిశీలిద్దాం. న్యూఢిల్లీ 10 గ్రాముల మేలిమి పసిడి ధర రూ. 148,320 కాగా, 22 క్యారెట్ల ధర రూ. 137,960 వద్ద కొనసాగుతోంది. ముంబై, బెంగుళూరు, కోల్‌కత్తా నగరాల్లో రూ. 200 అటు ఇటుగా కొనసాగుతోంది. చెన్నై మాత్రం దాదాపు ఢిల్లీ స్థాయి ధరకు అటు ఇటు ట్రేడింగ్ నడుస్తోంది. దేశంలో వెండి ధర కిలో సుమారు రూ. 2,25,860 లక్షల వద్ద ట్రేడ్ అవుతోంది. మార్కెట్ మొదలైన తర్వాత ధరల్లో హెచ్చుతగ్గులు ఉంటాయి.
Share
సామీ.. జీతాలు చెల్లించండి! GHMC అధికారులను నిలదీసిన బీఎంఎస్ నేతలు
హోంగార్డు ఉద్యోగాల పేరుతో రూ.6.95 లక్షలు స్వాహా.. కేటుగాడు అరెస్ట్!
