Google Layoffs: గూగుల్ షాకింగ్ నిర్ణయం.. మరోసారి ఉద్యోగుల తొలగింపు!

Google Lay Off’s more Employees: టెక్ దిగ్గజం గూగుల్ మరో సారి ఉద్యోగులపై వేటుకు రంగం సిద్ధం చేసింది. ఆర్థిక కారణాల దృష్ట్యా ఉద్యోగులను తొలగించేందుకు నిర్ణయం తీసుకున్నట్లు కంపెనీ అధికార ప్రతినిధి తెలిపారు. తొలగింపు ఈ ఏడాది అంతా కొనసాగనున్నట్లు తెలుస్తోంది.

అయితే ఇప్పటికే పలు మార్లు ఉద్యోగులను తొలగించిన గూగుల్ ప్రస్తుతం ఎంతమందిని తొలగిస్తుందనే అంశంపై క్లారిటీ ఇవ్వలేదు. ఈ తొలగింపులు అన్ని చోట్ల ఉండవని తెలుస్తోంది. కానీ కంపెనీలోని ప్రభావిత ఉద్యోగులు అంతర్గత రోల్స్ కోసం దరఖాస్తు చేసుకునేందుకు అవకాశం కల్పించింది గూగుల్.

ప్రభావిత ఉద్యోగుల్లో కొంతమందిని మాత్రం ఇండియా, చికాగో, అట్లాంటా, డబ్లిన్‌కు పంపనున్నట్లు అధికారి తెలిపారు. కంపెనీలో ఆయాదేశాలు పెట్టుబడులు పెడుతుండగా ఉద్యోగులను అక్కడకు పంపేందుకు గూగుల్ సిద్ధమైనట్లు సమాచారం. రెండేళ్లలో పెద్ద సంఖ్యలో ఉద్యోగులను తొలగించింది గూగుల్. ఈ ఏడాది ప్రారంభంలోనే సుందర్ పిచాయ్ మరింత మందిని తొలగిస్తామని తెలిపారు. ఆయన చెప్పినట్లుగానే లేఆఫ్ ల పర్వానికి తెరలేపింది గూగుల్ .

Also Read: Imran Khan Warns: ఆమెని వదలను.. ఆర్మీ చీఫ్‌కు ఇమ్రాన్ వార్నింగ్

కంపెనీ కార్యకలాపాలు మెరుగుపరచడానికి పలు మార్పులు చేస్తున్నట్లు ప్రతినిధి తెలిపారు. ఆర్టిఫిషియల్ ఇంటెలిజెన్స్‌లో పెట్టుబడులు పెంచిన గూగుల్ ఈ ఏడాది మొదట్లోనే ఇంజినీరింగ్, హార్డ్‌వేర్, అసిస్టెంట్ టీమ్‌లతో సహా వందలాది మంది ఉద్యోగులను తొలగించింది. గూగుల్‌లో ఉద్యోగుల తొలగింపు ఈ ఏడు భారీగానే ఉండనున్నట్లు సమాచారం.

Join WhatsApp Channel

Share

• 
• 
• 
• 
• 
•