Schemes for Women: కేంద్ర ప్రభుత్వం కొన్ని అద్భుతమైన స్కీంలను మహిళలకు తీసుకువచ్చింది. ఈ స్కీముల్లో మహిళలు పెట్టుబడులు పెట్టి లక్షలు సంపాదించుకోవచ్చు. మహిళలను సంపన్నులు చేయడానికి, ఆర్థికంగా సాధికారులను చేసే ఉద్దేశ్యంతో ప్రభుత్వం ఈ పథకాలను ప్రవేశపెట్టింది. కేంద్ర ప్రభుత్వం తీసుకువచ్చిన ఇలాంటి రెండు స్కీంలను ఇక్కడ మీకు వివరిస్తాం. ఆ స్కీంలో చేరాలంటే అవసరమైన అర్హతలు, స్కీం వల్లే కలిగే ప్రయోజనాలను కూడా తెలుసుకుందాం. ఈ పథకాల్లో పెట్టుబడులు పెట్టి ఆర్థిక సాధికారిత సాధించుకోండి.
మహిళా సమ్మాన్ సేవింగ్స్ సర్టిఫికేట్:
దేశవ్యాప్తంగా ఉన్న మహిళల కోసం కేంద్ర ప్రభుత్వం మహిళా సమ్మాన్ సేవింగ్స్ సర్టిఫికేట్ స్కీం తెచ్చింది. ఈ స్కీంను కేంద్ర ప్రభుత్వం 2023లో ప్రవేశపెట్టింది. మన దేశంలో మహిళల్లో పొదుపు అలవాటును పెంచే ఉద్దేశ్యంతో ఈ స్కీం తీసుకువచ్చింది. మన దేశంలోని మహిళలందరూ ఈ పథకానికి అర్హులే. ఈ పథకం రెండేళ్లు మాత్రమే ఉంటుంది. ఈ కాలంలో ఏడాదికి 7.5 శాతం వడ్డీరేటును కేంద్ర ప్రభుత్వం మీ పొదుపుపై చెల్లిస్తుంది. ఈ పథకం కింద గరిష్టంగా రూ. 2 లక్షల వరకు ఇన్వెస్ట్ చేయవచ్చు.
అర్హతలు:
మన దేశంలో నివసించే ప్రతి మహిళా ఈ స్కీంకు అర్హురాలే. మైనర్లకు వారి తల్లిదండ్రులు లేదా.. లీగల్ గార్డియన్ల ద్వారా ఈ పథకం ప్రయోజనాలు కల్పించవచ్చు. ఆ బాలిక పేరు మీద వీరు ఈ స్కీం కోసం బ్యాంకు ఖాతా తెరవాల్సి ఉంటుంది.
Also Read: MB University: కలెక్షన్ కింగ్.. ఫీజులేమైనా కలెక్షన్లా? మోహన్‌ బాబు బాగోతం బట్టబయలు!
సుకన్య సమృద్ధి యోజనా:
ఆడపిల్లలకు బంగారు భవిష్యత్ అందించే లక్ష్యంతో కేంద్ర ప్రభుత్వం సుకన్య సమృద్ధి యోజనా పథకాన్ని తెచ్చింది. ఈ పథకం కింద వార్షిక వడ్డీ రేటు 8.2 శాతాన్ని ప్రభుత్వం అందిస్తుంది. అంతేకాదు, ఈ మొత్తంపై మీరు ఇన్‌కమ్ ట్యాక్స్2లో సెక్షన్ 80సీ కింద పన్ను మినహాయింపు కూడా పొందవచ్చు.
అర్హతలు, నిబంధనలు ఇవే
– ఈ స్కీం వర్తించాలంటే సదరు బాలికకు పదేళ్ల నిండకూడదు. ఈ స్కీం కోసం పదేళ్లలోపు ఉన్న ఆడపిల్ల పేరు మీద ఖాతా ఓపెన్ చేయాలి.
– తల్లిదండ్రులులేదా లీగల్ గార్డియన్ ఈ ఖాతా తెరవాల్సి ఉంటుంది.
– ఈ స్కీం నిబంధనల ప్రకారం ఒక బాలిక పేరు మీద ఒక ఖాతానే తెరవడానికి అవకాశం ఉంటుంది. తల్లిదండ్రులు లేదా లీగల్ గార్డియన్లకు గరిష్టంగా ఇద్దరు ఆడపిల్లల కోసం రెండు ఖాతాలు మాత్రమే ఓపెన్ చేయడానికి అవకాశం ఉంది.
– ఖాతాదారులు ఈ స్కీం కింద ఏడాదికి కనిష్టంగా కనీసం రూ. 250 రూపాయలు గరిష్టంగా రూ. 1,50,000 ఆ ఖాతాలో జమ చేయాల్సి ఉంటుంది.
– ఒక వేళ ఏడాదిలో కనీస మొత్తం రూ. 250 జమ చేయకుంటే పెనాల్టీగా రూ. 50 పడుతుంది.
– ఖాతా తెరిచినప్పటి నుంచి 14 ఏళ్ల వరకు ఈ ఖాతాలో డబ్బులు జమ చేయాల్సి ఉంటుంది.
– సుకన్య సమృద్ధి యోజనా పథకం మెచ్యూరటీ కావడానికి సదరు బాలికకు 21 ఏళ్లు నిండాలి.
Share
Priyanka Chopra: ప్రియాంక చోప్రా లేటెస్ట్ ఫొటోలు చూశారా..?
Congress Vs BRS: పీఏసీ పదవిపై కాంగ్రెస్, బీఆర్ఎస్ మధ్య రాజకీయ రగడ
