skills to become indispensable at work| ఒకే ఉద్యోగం.. ఒకే రకమైన పని.. ఒకే నైపుణ్యాలు ఉంటే కెరీర్‌లో ప్రత్యేకంగా గుర్తింపు పొందడం కష్టమే. ముఖ్యంగా ఆర్టిఫిషియల్ ఇంటెలిజెన్స్ (AI) వేగంగా అభివృద్ధి చెందుతున్న ఈ రోజుల్లో ఉద్యోగుల ముందున్న సవాళ్లు పెరుగుతున్నాయి. చాలా కంపెనీలు వందలు, వేల సంఖ్యలో ఉద్యోగులను తొలగిస్తున్నారు. కేవలం డిగ్రీలు, అనుభవం ఉంటే సరిపోదు. ఇతరుల కంటే భిన్నంగా ఆలోచించడం, కొత్త నైపుణ్యాలు నేర్చుకోవడం కూడా అవసరం. అయితే ఉద్యోగంలో మీ స్థానాన్ని మరింత బలపరుచుకోవాలంటే ఏం చేయాలి? దీనికి వ్యాపారవేత్త, కంటెంట్ క్రియేటర్ అంకుర్ వారికూ మూడు ముఖ్యమైన నైపుణ్యాలను సూచించారు.
అంకుర్ వారికూ తన లింక్డ్‌ఇన్ పోస్టులో మూడు రకాల నైపుణ్యాల గురించి వివరించారు. ఈ మూడింటినీ కలిపి అభివృద్ధి చేసుకుంటే ఉద్యోగులు తమకంటూ ప్రత్యేక గుర్తింపు తెచ్చుకోవచ్చని ఆయన సూచించారు.
1. యాంకర్ స్కిల్ (ప్రధాన నైపుణ్యం): ఇది మీ వృత్తిపరమైన గుర్తింపును నిర్ణయించే ప్రధాన నైపుణ్యం. ఉదాహరణకు అకౌంటెంట్‌కు ఆర్థిక లెక్కలపై అవగాహన, ప్రోగ్రామర్‌కు కోడింగ్ నైపుణ్యం యాంకర్ స్కిల్స్ అవుతాయి.
2. అడ్జసెంట్ స్కిల్ (అనుబంధ నైపుణ్యం): మీ ప్రధాన నైపుణ్యానికి అదనంగా ఉపయోగపడే సామర్థ్యమే ఇది. ఉదాహరణకు ఒక మార్కెటర్‌కు డేటా విశ్లేషణపై అవగాహన ఉంటే అది అదనపు బలంగా మారుతుంది.
3. క్రియేటివ్ యాంప్లిఫయర్ (సృజనాత్మక ఆలోచన): మీ ఉద్యోగ రంగంలో కొత్తగా ఆలోచించడం, సమస్యలకు భిన్నమైన పరిష్కారాలు కనుగొనడం ఈ నైపుణ్యంలో భాగం. ఇది మీ పనిలో సృజనాత్మకతను పెంచుతుంది. కొత్త టూల్స్ నేర్చుకోవడం కంటే మీ విలువను పెంచే నైపుణ్యాలను గుర్తించాలని వారికూ సూచిస్తున్నారు.
Also Read: సంపాదన ఎంత అనేది ముఖ్యం కాదు.. నెల చివరిలో పొదుపు చేయాలంటే ఈ 5 టిప్స్ పాటించండి
కేవలం అప్పగించిన పని పూర్తి చేయడం వల్ల అందరిలో ప్రత్యేకంగా కనిపించలేరు. మీలో సహజంగా ఉన్న బలాలను గుర్తించి వాటిని పనిలో ఉపయోగించాలి. మరో మోటివేటర్, గ్లోబల్ స్ట్రాటజిక్ అడ్వైజర్ జితిన్ థాపర్ కూడా ఇదే అభిప్రాయాన్ని వ్యక్తం చేస్తున్నారు. ప్రతి ఒక్కరూ తమ సహజ సామర్థ్యాలను గుర్తించి, వాటికి అనుబంధ నైపుణ్యాలను జోడించాలని సూచిస్తున్నారు.
ఉదాహరణకు అకౌంటెంట్‌కు టీమ్‌ను నడిపించే నైపుణ్యం ఉంటే అదనపు ప్రయోజనం కలుగుతుంది. మార్కెటర్‌కు క్రియేటివ్ ఆలోచనతో పాటు విశ్లేషణ సామర్థ్యం ఉంటే మరింత మెరుగైన ఫలితాలు సాధించవచ్చు. అలాగే కోడర్‌కు మంచి కమ్యూనికేషన్ నైపుణ్యాలు ఉంటే క్లయింట్లతో సంబంధాలు మెరుగుపడతాయి.
Also Read: ‘ఏఐ దెబ్బకు మరో 5 ఏళ్లలో సాఫ్ట్‌వేర్ ఉద్యోగాలుండవు.. వ్యవసాయం చేసుకోవడం బెటర్’
ఏఐ వల్ల ప్రస్తుతం అనేక సాధారణ పనులు ఆటోమేటిక్‌గా పూర్తవుతున్నాయి. అందుకే టెక్నాలజీతో పోటీపడకుండా దాన్ని సమర్థవంతంగా ఉపయోగించుకోవాలి. సృజనాత్మకత, సమస్యలను పరిష్కరించే సామర్థ్యం, పరిస్థితులకు అనుగుణంగా మారడం, సరైన నిర్ణయాలు తీసుకోవడం వంటి మానవ నైపుణ్యాలను పెంచుకోవాలి. ఏఐతో పరిశోధన, సాధారణ పనులు వేగంగా పూర్తి చేసి, ముఖ్యమైన నిర్ణయాలు, కొత్త ఆలోచనలపై ఎక్కువ సమయం కేటాయించవచ్చు.
మొత్తంగా, ఉద్యోగంలో ఎదగాలంటే కష్టపడి పనిచేయడంతో పాటు ప్రత్యేకమైన నైపుణ్యాలను అభివృద్ధి చేసుకోవాలి. మీ ప్రధాన బలానికి కొత్త సామర్థ్యాలను జోడిస్తే మారుతున్న ఉద్యోగ ప్రపంచంలో మీ విలువ మరింత పెరుగుతుంది.
Share
స్టీవ్ జాబ్స్ రూల్స్‌ను బ్రేక్ చేసిన యాపిల్.. M7 చిప్‌లతో తిరుగులేని టచ్‌స్క్రీన్ మ్యాక్‌బుక్స్!
న**గ్నంగా టీమిండియా బౌల‌ర్ గుర్నూర్ బ్రార్...బాత్ రూంలోనే ఆ ద‌రిద్రం !
