Investment Deadline: ఈ స్కీం మార్చి 31కి లాస్ట్..ఇప్పుడే డిపాజిట్ చేయండి, లాభాలు పొందండి

investment deadline: మీరు అత్యధిక వడ్డీ రేటు లభించే మంచి డిపాజిట్ స్కీం కోసం చూస్తున్నారా. అందుకోసం SBI అమృత్ వృష్టి FD పథకం బెస్ట్ అని చెప్పవచ్చు. ఎందుకంటే దీనిలో మిగతా స్కీంలతో పోలిస్తే అత్యధిక వడ్డీ లభిస్తుంది. కానీ, ఈ అవకాశాన్ని మీరు సద్వినియోగం చేసుకోవడానికి మార్చి 31, 2025 వరకు మాత్రమే అవకాశం ఉంది. అందువల్ల, ఈ స్కీం గురించి ఇప్పుడే తెలుసుకుని, ఆలస్యం చేయకుండా అప్లై చేయండి మరి.

‘అమృత్ వృష్టి’ FD ఏమిటి?
‘అమృత్ వృష్టి’ FD పథకం ప్రత్యేకంగా రూపొందించిన ఫిక్స్‌డ్ డిపాజిట్ ఆఫర్. దీని కింద 444 రోజుల వ్యవధి కలిగిన FD చేయడం ద్వారా, SBI అత్యధిక వడ్డీని అందిస్తోంది. సాధారణంగా, బ్యాంక్‌లో FD చేయడానికి వివిధ కాలపరిమితులు ఉంటాయి. కానీ, ఈ ప్రత్యేక FD స్కీమ్ కేవలం 444 రోజుల పాటు ఉండేలా రూపొందించబడింది.

ఈ FD పై ఎంత వడ్డీ లభిస్తుందంటే?
సాధారణ ఖాతాదారులకు: 7.25% వడ్డీ
సీనియర్ సిటిజన్లకు (60 ఏళ్లు పైబడిన వారికి): 7.75% వడ్డీ
ఈ వడ్డీ రేట్లు SBI ఇతర FD పథకాలతో పోలిస్తే చాలా ఎక్కువ. అందుకే, ఈ అవకాశం మీకు ఎంతో ప్రయోజనకరంగా ఉంటుంది.

మొత్తం డిపాజిట్ పరిమితి
SBI ‘అమృత్ వృష్టి’ FD పథకంలో కనీస డిపాజిట్ పరిమితి లేదు. కానీ గరిష్టంగా రూ. 3 కోట్లు వరకు మీరు డిపాజిట్ చేయవచ్చు. అంటే, చిన్న మొత్తాలు నుంచి పెద్ద మొత్తాల వరకు అందరూ ఈ స్కీమ్‌ను ఉపయోగించుకోవచ్చు.

Read Also: Health Insurance: హెల్త్ ఇన్సూరెన్స్ ఎక్కడ తీసుకుంటే బెటర్.. 

మెచ్యూరిటీ సమయంలో లాభం ఎంత?
-ఈ FD పథకంలో మీరు పెట్టే డబ్బు 444 రోజుల తర్వాత తిరిగి మీ పొదుపు ఖాతాలో జమ అవుతుంది.

-సీనియర్ సిటిజన్ రూ. 2,00,000 FD చేస్తే: 444 రోజుల తర్వాత రూ. 2,19,859 లభిస్తుంది. (లాభం = రూ. 19,859)

-సాధారణ ఖాతాదారుడు రూ. 2,00,000 FD చేస్తే: 444 రోజుల తర్వాత రూ. 2,18,532 లభిస్తుంది. (లాభం = రూ. 18,532)

-ఈ లెక్కన FD పై మంచి రాబడి పొందే అవకాశం ఉంది.

ఎందుకు ఈ FD మంచిదంటే?
-SBI అనేది ప్రభుత్వ బ్యాంకు: అందువల్ల, మీ డబ్బు పూర్తిగా సురక్షితంగా ఉంటుంది.
-అత్యధిక వడ్డీ రేటు: SBI లోని ఇతర FD స్కీమ్‌లతో పోలిస్తే ఎక్కువ వడ్డీ పొందవచ్చు.
-తక్కువ వ్యవధిలో FD మెచ్యూరిటీ: కేవలం 444 రోజుల్లోనే FD మెచ్యూర్ అవుతుంది.
-సులభంగా డిపాజిట్, విత్‌డ్రాయల్ సౌలభ్యం: మీ FD పూర్తయిన వెంటనే మీ పొదుపు ఖాతాకు డబ్బు జమ అవుతుంది.
-సీనియర్ సిటిజన్లకు ప్రత్యేక ప్రయోజనం: వృద్ధులకు అదనంగా 0.50% అధిక వడ్డీ అందుబాటులో ఉంటుంది.

ఎలా అప్లై చేసుకోవాలి?
-SBI అమృత్ వృష్టి FD పథకంలో జాయిన్ అవ్వాలనుకుంటే, మీరు కింది మార్గాల్లో అప్లై చేసుకోవచ్చు:
-SBI బ్రాంచ్ సందర్శించడం: మీ సమీప SBI బ్రాంచ్‌కి వెళ్లి, FD ఖాతా ఓపెన్ చేయవచ్చు.
-ఆన్‌లైన్ ద్వారా: SBI Net Banking లేదా SBI YONO యాప్ ద్వారా మీరు FD ఖాతాను ప్రారంభించవచ్చు.
-SBI కస్టమర్ కేర్ ద్వారా: మీరు SBI కస్టమర్ కేర్‌కి కాల్ చేసి పూర్తి వివరాలు తెలుసుకుని, బ్యాంక్ బ్రాంచ్‌లో డిపాజిట్ చేయవచ్చు.

ఈ స్కీమ్ చివరి తేది ఎప్పుడు?
SBI అమృత్ వృష్టి FD పథకాన్ని మార్చి 31, 2025న మూసివేస్తున్నారు. అంటే, ఈ స్కీమ్‌లో చేరాలంటే మీకు అప్పటివరకు మాత్రమే అవకాశం. అందుకే, లాస్ట్ నిమిషం వరకు ఆగకుండా ముందుగానే మీ FD ఖాతాను ఓపెన్ చేసుకోవడం మంచిది.

Share

• 
• 
• 
• 
• 
•