Maruti Grand Vitara: ప్రముఖ కార్ల తయారీదారు మారుతి కంపెనీకి మార్కెట్లో మంచి డిమాండ్ ఉంది. ఈ కంపెనీ నుంచి కార్లు లాంచ్ అవుతున్నాయంటే కస్టమర్లు ఎగబడి కొనేస్తుంటారు. కాగా ఇప్పుడు మారుతి ఫ్లాగ్షిప్ గ్రాండ్ విటారా SUVని క్యాంటీన్ స్టోర్స్ డిపార్ట్మెంట్ (CSD) నుండి కూడా కొనుగోలు చేయవచ్చు. CSD అంటే (సాయుధ దళాల సిబ్బంది క్రియాశీల, పదవీ విరమణ చేసిన సభ్యుల కోసం ప్రత్యేకంగా ఉద్దేశించినది. గ్రూప్ హెచ్క్యూ స్థాయిలో GREF, NCC యూనిట్లు, TA యూనిట్లు, CDA సిబ్బంది, ఇండియన్ ఆర్డినెన్స్ ఫ్యాక్టరీలు, ఎంబార్కేషన్ హెచ్క్యూలను చేర్చడానికి ఇది క్రమంగా విస్తరించబడుతోంది)
అయితే ఈ క్యాంటీన్లో సైనికుల నుండి వారి కార్లపై చాలా తక్కువ GST వసూలు చేయబడుతుంది. సాధారణ షోరూమ్లపై 28 శాతం GST ఉంటే.. CSDపై 14 శాతం మాత్రమే చెల్లించాల్సి ఉంటుంది. గ్రాండ్ విటారా సిగ్మా వేరియంట్ ఎక్స్-షోరూమ్ ధర రూ.10,99,000 ఉంటే.. CSDలో దీని ధర రూ.9,70,773 మాత్రమే ఉంటుంది. అంటే కస్టమర్లు ఈ వేరియంట్పై రూ.1,28,227 పన్ను ఆదా చేస్తారు. అదేవిధంగా ఆల్ఫా ప్లస్ వేరియంట్ ఎక్స్-షోరూమ్ ధర రూ.19,93,000 ఉంటే.. CSDలో దీని ధర రూ.17,88,749 గా ఉంటుంది. అంటే ఈ వేరియంట్పై రూ.2,04,251 పన్ను ఆదా అవుతుంది.
మారుతి కంపెనీ ఇటీవల గ్రాండ్ విటారా ధరలను కూడా పెంచిన విషయం తెలిసిందే. ఏకంగా రూ.19,000 పెంచింది. దీని పాత ఎక్స్-షోరూమ్ ధర రూ.10,80,000 గా ఉంటే.. అది ఇప్పుడు రూ.10,99,000కి పెరిగింది. అంటే కంపెనీ తన ధరను 1.75 శాతం పెంచింది. కాగా హైబ్రిడ్ ఇంజన్లతో కూడిన గ్రాండ్ విటారా మైల్డ్ హైబ్రిడ్, బయో ఫ్యూయల్ వేరియంట్ల ధరలను కూడా కంపెనీ పెంచింది.
Also Read: రూ.15 లక్షల్లో బెస్ట్ కారు ఇదే.. ఒక్కసారి కొంటే చాలు!
మారుతి గ్రాండ్ విటారాలో హైబ్రిడ్ ఇంజన్ అందుబాటులో ఉంది. హైబ్రిడ్ కార్లలో రెండు మోటార్లు ఉపయోగించబడతాయి. ఇది సాధారణ ఇంధన ఇంజిన్తో కూడిన కారు వలె పెట్రోల్ ఇంజిన్ను కూడా కలిగి ఉంది. ఇంకోటి ఎలక్ట్రిక్ మోటారు ఇంజిన్. కారు పెట్రోల్ ఇంజిన్తో నడుస్తున్నప్పుడు, దాని బ్యాటరీ కూడా ఛార్జింగ్ పొందుతుంది. దీని కారణంగా బ్యాటరీ ఆటోమేటిక్గా ఛార్జ్ అవుతుంది.
అలాగే గ్రాండ్ విటారాలో కూడా EV మోడ్ అందుబాటులో ఉంటుంది. EV మోడ్లో కారు పూర్తిగా ఎలక్ట్రిక్ మోటార్ ద్వారా నడుస్తుంది. కాగా గ్రాండ్ విటారా కారు స్క్రీన్పై ఏ టైర్లో ఎంత గాలి ఉంటుంది అనే పూర్తి సమాచారం కూడా లభిస్తుంది. ఇది టైర్ ప్రెజర్ని చెక్ చేసే ఫీచర్ను కలిగి ఉంటుంది. మారుతి తన కొత్త కార్లలో 360 డిగ్రీ కెమెరా ఫీచర్ను కూడా అందిస్తోంది. ఇది కారు నడపడంలో డ్రైవర్కు మరింత సహాయం చేస్తుంది.