No Jobs IIM Graduate| ఎంబిఏ పూర్తి చేస్తే మంచి ఉద్యోగం సులభంగా వస్తుందని చాలామంది భావిస్తారు. కానీ ప్రతిష్ఠాత్మక సంస్థలో చదివినా ఉద్యోగాలు లభించడం అంత సులువు కాదు. ఐఐఎం కోజికోడ్‌లో ఎంబిఏ చేసిన ఓ గ్రాడ్యుయేట్‌కు ఎదురైన పరిస్థిుతులు ఇప్పుడు ఇదే విషయాన్ని తలపిస్తున్నాయి. ఈ వ్యక్తి 250కి పైగా ఉద్యోగాలకు దరఖాస్తు చేశాడు. అయినప్పటికీ ఒక్క కంపెనీ నుంచి కూడా ఇంటర్వ్యూ కాల్ రాలేదని సోషల్ మీడియా ప్లాట్‌ఫామ్ రెడ్డిట్‌లో వెల్లడించాడు.
ఈ గ్రాడ్యుయేట్ ప్రస్తుతం జెన్‌మ్యాన్ కంపెనీలో పనిచేస్తున్నట్లు తెలిపాడు. ప్రస్తుత ఉద్యోగంలో గ్రోత్ లేదని అందుకే మారాలని నిర్ణయించుకుని కొత్త అవకాశాల కోసం వెతకడం ప్రారంభించాడు.
ఆన్‌లైన్ జాబ్ పోర్టల్స్‌లో దరఖాస్తులు చేయడంతో పాటు రిక్రూటర్లను కూడా నేరుగా సంప్రదించాడు. వివిధ ప్లాట్‌ఫామ్‌ల ద్వారా హైరింగ్ మేనేజర్లను కూడా సంప్రదించినట్లు చెప్పాడు. అయినా ఇంటర్వ్యూ అవకాశాలు మాత్రం రాలేదు.
ఉద్యోగ దరఖాస్తుల సంఖ్య 250 దాటినప్పటికీ ఒక్క ఇంటర్వ్యూ కాల్ కూడా రాలేదని గ్రాడ్యుయేట్ చెప్పాడు. ఇంజినీరింగ్ నేపథ్యంతో పాటు డేటా అనలిటిక్స్‌లో మూడేళ్ల అనుభవం కూడా ఉంది. అయినా కొన్ని కంపెనీలు నేరుగా రిజెక్షన్ పంపాయి. మరికొన్ని సంస్థలు ఎలాంటి స్పందన ఇవ్వలేదు. దీంతో తన పరిస్థితిపై సలహాలు కోరుతూ రెడ్డిట్‌లో పోస్ట్ చేశారు. ఉద్యోగ అవకాశాలు లేదా రిఫరల్స్ ఎవరైనా అందించగలరా అని కూడా అడిగాడు. ఉద్యోగ వేటలో మొదటి దశ ఎంత కష్టంగా ఉంటుందో ఈ పోస్ట్ చూస్తుంటే అర్థమవుతుంది.
ఆ పోస్ట్‌కు పలువురు రెడ్డిట్ యూజర్స్ స్పందించారు. కొందరు తమ ఉద్యోగ వేటలో ఎదురైన ఇబ్బందులను వివరించారు. ఒక వ్యక్తి తనకు ఎనిమిదేళ్లకు పైగా అనుభవం, ఎంబిఏ డిగ్రీ ఉన్నప్పటికీ ఏడాదికి పైగా ఉద్యోగం కోసం వెతికినట్లు చెప్పాడు. మరో ఉద్యోగార్థి తక్కువ జీతానికైనా కొత్త ఉద్యోగం అంగీకరించడానికి సిద్ధంగా ఉన్నట్లు తెలిపాడు. అయినా ఉద్యోగం దొరకడం కష్టంగా ఉందని వివరించాడు.
Also Read: ఆన్‌లైన్‌లో డిజిటల్ గోల్డ్ కొంటున్నారా? జాగ్రత్త ఈ విషయాలు తెలుసుకోండి
కొంతమంది రెడ్డిట్ యూజర్స్.. ప్రొఫెషనల్ నెట్‌వర్క్‌ను బలంగా ఉపయోగించుకోవాలని సూచించారు. అలుమ్ని నెట్‌వర్క్ ద్వారా రిఫరల్స్ పొందడం కూడా ఉపయోగపడవచ్చని ఒకరు చెప్పారు.
అలాగే ప్రతి రంగంలో కొంత ప్రత్యేక అనుభవం పెంచుకోవడం ముఖ్యమని సూచించారు. కేవలం కన్సల్టింగ్ లేదా ప్రొడక్ట్ కంపెనీలకే పరిమితం కాకుండా ఇతర అవకాశాలను కూడా పరిశీలించాలని కొందరు సూచించారు. Series A లేదా Series B స్టార్టప్‌లలో Founder’s Office, EIR వంటి పాత్రలను కూడా చూడాలని సూచించారు.
Also Read: బ్యాంక్‌లో పర్సనల్ లోన్ కావాలా? తక్కువ వడ్డీకి ఏ బ్యాంక్ ఇస్తోందో వివరాలివిగో
ఈ రెడ్డిట్ పోస్ట్ ఒక వ్యక్తి అనుభవాన్ని మాత్రమే చూపిస్తుంది. దీన్ని మొత్తం ఉద్యోగ మార్కెట్ పరిస్థితికి ఆధారంగా చూడలేం. అయితే ఉద్యోగ ప్రయత్నంలో ఇలాంటి సమస్యలు చాలామంది ఎదుర్కొంటున్నట్లు అంగీకరిస్తున్నారు.
ఉద్యోగం కోసం ఎక్కువ దరఖాస్తులు చేయడం మాత్రమే ఇంటర్వ్యూ అవకాశాలు పెరుగుతాయనేందుకు గ్యారెంటీ లేదని నిపుణులు సూచిస్తున్నారు. సంబంధిత అనుభవం, సరైన నెట్‌వర్కింగ్, రిఫరల్స్ కూడా కీలకమని వారి అభిప్రాయం. అభ్యర్థులు తమ అనుభవాన్ని ప్రతి ఉద్యోగానికి అనుగుణంగా స్పష్టంగా చూపించడం కూడా అవసరం. IIM వంటి ప్రముఖ విద్యా సంస్థలో MBA చేసినా ఉద్యోగం ఆటోమేటిక్‌గా దక్కదు. సరైన అవకాశాన్ని చేరుకోవడానికి దరఖాస్తు విధానం కూడా అంతే ముఖ్యం.
Share
Gundeninda GudiGantalu Today episode: చింతామణి ప్లాన్ సక్సెస్..కన్నీళ్లు పెట్టుకున్న మీనా..బాలు ట్విస్ట్..
Nindu Noorella Saavasam Serial Today Episode September 22nd ‘నిండు నూరేళ్ల సావాసం’ సీరియల్: మనోహరికి షాక్ ఇచ్చిన మిస్సమ్మలోని ఆరు ఆత్మ 
