హైవేపై కూలిన విమానం.. టెక్ స్టార్టప్ సీఈఓ మృతి, ధ్వంసమైన పలు వాహనాలు

America: అమెరికాలోని టెక్సాస్ నేషనల్ హైవేపై ఓ ప్రైవేట్ విమానం కుప్పకూలింది. ఈ ప్రమాదంలో ఒకరు ప్రాణాలు కోల్పోయారు మరో ఐదుగురు గాయపడ్డారు. నెట్‌జెట్స్‌కు చెందిన విమానం శాన్ జోస్ డెల్ కాబో నుంచి లారెడో ఎయిర్ పోర్టుకు వస్తుండగా మంగళవారం రాత్రి 10 గంటల సమయంలో ఈ ఘటన చోటుచేసుకుంది. విమానం రోడ్డుపై కూలడంతో పలు వాహనాలు డ్యామేజ్ అయ్యాయి.

అమెరికాలోని టెక్సాస్‌లో హైవే కూలిన విమానం

టెక్సాస్‌లోని లారెడోలో మంగళవారం రాత్రి హైవేపై విమానం కూలిపోయింది. దీంతో ఒక్కసారిగా మంటలు చెలరేగాయి. అదే సమయంలో రూడ్లపై వెళ్తున్న వాహనాలు డ్యామేజ్ అయి పెద్ద ఎత్తున మంటలు చెలరేగాయి. దీంతో ప్రజలు తమ వాహనాల నుండి కిందకు దిగారు. కాక్‌పిట్ కిటికీని పగలగొట్టి విమానం లోపల ఉన్నవారిని బయటకు తీసుకొచ్చేందుకు తీవ్రంగా ప్రయత్నించారు.

ఈ సమయంలో అక్కడ గందరగోళం నెలకొంది. ఘటన సమయంలో విమానంలో ఆరుగురు ప్రయాణిస్తున్నారు. వారిలో ఒకరు మృతి చెందినట్టు స్థానిక పోలీసులు తెలిపారు. రన్‌వేకు కూతవేటు దూరంలో విమానం నియంత్రణ కోల్పోయినట్టు తెలుస్తోంది. ఎదురుగా ఉండే విద్యుత్ స్తంభాలను ఢీ కొట్టి రెండు ముక్కలైంది.

టెక్ స్టార్టప్ సీఈఓ మృతి, ధ్వంసమైన పలు వాహనాలు

ఈ ప్రమాదంలో ఆస్టిన్‌కు చెందిన క్యాపిటల్ ఫ్యాక్టరీ, స్టార్టప్ అధినేత జోషువా బేర్ స్పాట్‌లో మరణించాడు. విమానంలో మిగిలిన ఐదుగురు స్వల్ప గాయాలతో బయటపడినట్టు అధికారులు వెల్లడించారు. స్థానిక బ్యుటీషియన్ జైరా గార్జా, ఆమె భర్తతో పాటు మరికొందరు వాహనదారులను నిలిపివేసి విమానం వద్దకు పరుగులు తీశారు. అద్దాలు పగల గొట్టి లోపలి వారిని బయటకు తీసే ప్రయత్నం ఆ దృశ్యాల్లో కనిపించింది.

అత్యవసర రక్షణ సిబ్బంది ప్రమాదం జరిగిన ప్రాంతానికి చేరుకోవడంతో ఐదుగుర్ని కాపాడారు. దట్టమైన పొగ కారణంగా పోలీసు అధికారులు అస్వస్థతకు గురయ్యారు. వారిని సమీపంలోని ఆసుపత్రికి తీసుకెళ్లి చికిత్స అందిస్తున్నారు. ఈ ప్రమాదంపై ఫెడరల్ ఏవియేషన్ అడ్మినిస్ట్రేషన్-జాతీయ రవాణా భద్రతా బోర్డు అధికారులు దర్యాప్తును ప్రారంభించారు.

ALSO READ: మురహరిపల్లిలో ఘోర ప్రమాదం.. ఒకే కుటుంబంలో ముగ్గురి మృతి!

🇺🇸 INSANE courage of these first responders, trying to smash the cockpit window to get the pilot out of a jet that crashed in Laredo, Texas,

The plane's on fire and could explode at any minute, but these heroes don't give AF

Writers: Monica, Ian pic.twitter.com/ghSyWUwf6Y

— AfrikTimes International (@afriktimesint) June 17, 2026