Ugadi festival: ఉగాది పండుగ దక్షిణ భారతదేశంలోనే ( ప్రత్యేకంగా తెలంగాణ, ఆంధ్రప్రదేశ్, కర్నాటక) ఎంతో ఘనంగా జరుపుకునే పండుగ. ఇది తెలుగు ప్రజల కొత్త సంవత్సరం కూడా. ఈ పండుగ సాదారణంగా ఇంగ్లీష్ క్యాలెండర్ ప్రకారం అయితే మార్చి–ఏప్రిల్ నెలల్లో వస్తుంది. తెలుగు నెలల ప్రకారం అయితే చైత్ర మాసం శుద్ధ పాడ్యమి రోజున వస్తుంది. ఈ పండుగకు ఉన్న మరిన్ని ప్రత్యేకలు ఇప్పుడు తెలుసుకుందాం.
ఉగాది అనే పదానికి అర్థం: ఉగాది అంటే యుగ + ఆది అంటే యుగానికి మొదటిది అని అర్థం. యుగాది కాలక్రమేణా ఉగాది మారిపోయింది. ఉగాది అంటే కొత్త యుగానికి నాంది.. లేదా ప్రారంభం అని అర్థం. ఈ రోజున నుంచే తెలుగు సంవత్సరానికి కొత్త పేరు మొదలవుతుంది. బ్రహ్మ దేవుడు యుగాన్ని ప్రారంభించిన రోజు అని కూడా చెప్తుంటారు.
ఉగాది పండుగ ప్రత్యేకత: ఉగాది రోజే తెలుగు నూతన సంవత్సరం ప్రారంభమవుతుంది. ఉగాది రోజునే కొత్త సంవత్సరానికి పేరు పెట్టబడుతుంది. తెలుగులో ఉన్న 60 సంవత్సరాలలో ప్రతి సంవత్సరానికి ఒక ప్రత్యేక పేరు ఉంటుంది. పండితులు ఉగాది రోజునే పంచాంగ శ్రవణం చేసి ఆ సంవత్సర ఫలితాలు చెబుతారు.
పంచాంగ శ్రవణం: ఉగాది రోజున పండితులు కొత్త సంవత్సరానికి సంబంధించిన విషయాలు చెబుతారు. ఉదాహారణకు ఆ సంవత్సరం వర్షాలు ఎలా ఉంటాయి..? వ్యవసాయం పరిస్థితులు ఎలా ఉంటాయి..? దేశ, రాష్ట్రాల ఆర్థిక పరిస్థితులు ఎలా ఉంటాయి..? అలాగే వ్యక్తిగత రాశి ఫలితాలు చెప్తుంటారు. దీన్నే పంచాంగ శ్రవణం అంటారు.
ఉగాది పచ్చడి ప్రత్యేకత: ఉగాది పండుగ రోజున ప్రత్యేకంగా ఉగాది పచ్చడి (Ugadi Pachadi) తయారు చేస్తారు. ఈ పచ్చడిలో 6 రుచులు ఉంటాయి.. ఒక్కో రుచికి ఒక్కో అర్థం ఉంటుంది. ఆ అర్థాలు కూడా జీవితానికి అన్వయించుకుని ఉంటాయి. ఆరు రుచులు..
వేపపువ్వుచేదు – జీవితంలో కష్టాలు
బెల్లం తీపి – జీవితంలో ఆనందం
చింతపండు పులుపు – జీవితంలో ఆశ్చర్యం
మామిడి వగరు – జీవితంలో ఉత్సాహం
ఉప్పు – జీవితంలో అవసరాలు
మిరపకారం – జీవితంలో కోపం
ఈ ఆరు రుచులు ఆరు జీవిత విశేషాలను ఎలా నియంత్రించుకోవాలో సూచిస్తాయట.
ఇళ్ల అలంకరణ: ఉగాది రోజున ఇళ్ల ముందు రంగు రంగుల ముగ్గులు వేసి అందంగా అలంకరించాలి. అలాగే గుమ్మాలకు మామిడి ఆకుల తోరణాలు కట్టాలి. ఇది ఇంట్లోకి పాజిటివ్ ఎనర్జీని తీసుకొస్తాయట.
ఆలయ దర్శనం చేసుకోవాలి: ఉగాది రోజు తప్పకుండా ఆలయ దర్శనం చేసుకోవాలని సూచిస్తున్నారు.
పూజలు మరియు దానాలు: ఉగాది పండుగ రోజు దేవుడికి ప్రత్యేక పూజలు చేయడమే కాకుండా బీదలకు పేదలకు అన్నదానాలు చేయాలట.
ఉగాది పండుగ ప్రాముఖ్యత: ఉగాది పండుగ మనుషుల జీవితాలను చాలా నేర్పిస్తుంది. జీవితంలో కష్టసుఖాలను సమానంగా స్వీకరించాలని నూతన పనులు ప్రారంభించాలని సూచిస్తుంది. అలాగే సంవత్సరం మొత్తం పాజిటివ్ దృక్పథంలో వ్యవహరించాలని సూచిస్తుంది.
ముఖ్య గమనిక: పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
Share
Rice Water: అన్నం వండిన గంజిని పారేస్తున్నారా? ఎన్ని రకాలుగా ఉపయోగించవచ్చో తెలుసా?
GHMC: దోమలపై దండోరా.. క్లీన్ సిటీగా హైదరాబాద్.. జీహెచ్ఎంసీ కమిషనర్ దూకుడు!
