Kayadu Lohar : లేటెస్ట్ సోషల్ మీడియా సెన్సేషన్ కయాదు లోహర్ టాలీవుడ్లో అడుగు పెట్టడానికి సిద్ధమవుతోంది. ఈ బ్యూటీ ఓ క్రేజీ హీరో సరసన నటించే గోల్డెన్ ఛాన్స్ పట్టేసింది అనేది టాలీవుడ్ లో లేటెస్ట్ గా వినిపిస్తున్న రూమర్. ఒకవేళ ఆ వార్తలు గనక నిజమైతే ఈ అమ్మడు ‘ప్యారడైజ్’లో కాలు పెట్టినట్టే అంటున్నారు అభిమానులు. ఇంతకీ కయాదు లోహర్ టాలీవుడ్ లో ఏ హీరో సరసన నటించే ఛాన్స్ పట్టేసింది? అనే వివరాల్లోకి వెళితే…
ఇష్టమైన హీరోతో టాలీవుడ్ ఛాన్స్
ఇటీవల రిలీజ్ అయిన ‘డ్రాగన్’ (Dragon) మూవీతో సోషల్ మీడియా సెన్సేషన్ గా మారింది హీరోయిన్ కయాదు. ఈ మూవీ వచ్చి నెలలు గడుస్తున్నా సరే ఎక్కడ చూసినా ఇంకా ఆమె ఫోటోలు వీడియోలే కనిపిస్తున్నాయి. ‘డ్రాగన్’ మూవీ బ్లాక్ బస్టర్ హిట్ కావడం కూడా ఈ అమ్మకి బాగా కలిసి వచ్చింది. ఈ సినిమాలో పల్లవిగా ప్రేక్షకుల ముందుకు వచ్చిన కయాదు 2021లో ఓ కన్నడ సినిమాతో ఇండస్ట్రీలోకి అడుగు పెట్టింది.
ఆ తర్వాత మలయాళ, మరాఠీ భాషల్లోనూ నటించింది. కాలేజ్ టైంలో అందాల పోటీల్లో పాల్గొని పూణే ఫ్రెష్ టైమ్ కిరీటాన్ని అందుకున్న ఈ భామ తెలుగులో కూడా నటించింది. శ్రీవిష్ణు సరసన ‘అల్లూరి’ సినిమాతో తెలుగు ప్రేక్షకులను పలకరించింది ఈ అమ్మడు. కానీ ఆ సినిమా ఆడకపోవడంతో కయాదు తెలుగులో అడ్రస్ లేకుండా పోయింది. ఇక ఇటీవల ‘డ్రాగన్’ హిట్ తో ఫుల్ జోష్ లో ఉన్న ఈ అమ్మడికి ఎట్టకేలకు మరోసారి టాలీవుడ్ నుంచి పిలుపు వచ్చినట్టుగా తెలుస్తోంది. ఈసారి ఏకంగా నానితో సినిమా చేసే ఛాన్స్ కయాదును వరించింది అంటున్నారు. నిజానికి ఇటీవలే ఓ ఇంటర్వ్యూలో తనను నాని (Nani), అల్లు అర్జున్ అంటే ఇష్టమని చెప్పింది ఈ బ్యూటీ.
Read Also : పెళ్ళాం ఆత్మ అని తెలీక సంసారం చేసే భర్త… కామెడీతో కేక పెట్టిస్తున్న మూవీ
నాని ‘ప్యారడైజ్’లోకి ఎంట్రీ?
రీసెంట్ గా ‘హిట్ 3’ (Hit 3) సినిమాతో సూపర్ హిట్ అందుకున్న హీరో నాని. ఈ మూవీ ప్రొఫెషన్స్ లో ఎంతో యాక్టివ్ గా పాల్గొన్న నాని ప్రస్తుతం తన నెక్స్ట్ మూవీ ‘ది ప్యారడైజ్’ (The Paradise)పై ఫోకస్ పెట్టాడు. ‘దసరా’ లాంటి బ్లాక్ బస్టర్ హిట్ ఇచ్చిన డైరెక్టర్ శ్రీకాంత్ ఓదెలతో నాని ఈ సినిమా చేయనున్న సంగతి తెలిసిందే. ఇప్పటికే నాని ఇదొక మ్యాడ్ మ్యాక్స్ ఫిలిమ్ అని చెప్పి సినిమాపై అంచనాలు పెంచారు. ప్రస్తుతం అమెరికా టూర్ లో ఉన్న నాని తిరిగి రాగానే, ఈ మూవీ షూటింగ్ ను షురూ చేయబోతున్నారు. ఈ నేపథ్యంలోనే ఈ సినిమాలో ఇద్దరు హీరోయిన్లు ఉంటారని, అందులో ఒకరిగా కయాదుని మేకర్స్ కన్ఫర్మ్ చేశారని టాక్ నడుస్తోంది. మరో హీరోయిన్ ఎవరు? అన్న విషయం ఇంకా తెలియాల్సి ఉంది.
Share
Iswarya Menon : పొట్టి డ్రెస్ లో ఐశ్వర్య మీనన్ అందాలు.. మతిపోతుందబ్బా..
Summer Cold: వేసవిలో కూడా జలుబు వేధిస్తోందా? కారణం అదే కావచ్చు...
