MAD Movie Team Following Tillu Square: గతేడాది వచ్చిన సినిమాల్లో హిట్ టాక్ అందుకున్న సినిమా మ్యాడ్. సితార ఎంటర్ టైన్మెంట్స్,ఫార్చ్యూన్ ఫోర్ సినిమాస్ బ్యానర్‌పై హారిక సూర్యదేవర, సాయిసౌజన్య నిర్మించిన ఈ సినిమాకు కల్యాణ్‌ శంకర్‌ దర్శకత్వం వహించాడు. నార్నే నితిన్, సంగీత్ శోభన్, రామ్ నితిన్ హీరోలుగా.. గౌరీ ప్రియా రెడ్డి, అనంతిక సునీల్ కుమార్, గోపిక ఉద్యాన్ హీరోయిన్స్ గా తెరకెక్కిన ఈ సినిమా అక్టోబర్ 6 న ప్రేక్షకుల ముందుకు వచ్చి భారీ విజయాన్ని అందుకుంది.
మనోజ్, అశోక్, దామోదర్ ముగ్గురు స్నేహితులు తమ కాలేజ్ టైమ్ చేసిన సరదాలు.. గొడవలు ఎంతో వినోదాత్మకంగా చూపించాడు. ముఖ్యంగా దామోదర్ కామెడీకి ఎవరైనా పడిపడి నవ్వాల్సిందే. ఇక ఈ సినిమా చివర్లో దీనికి సీక్వెల్ ఉంటుందని తెలిపారు. గత కొన్నిరోజులుగా మ్యాడ్ మ్యాక్స్ పేరుతో దీనికి సీక్వెల్ వస్తుందని సోషల్ మీడియాలో టాక్ నడిచింది. ఇక తాజాగా ఈ సినిమా సీక్వెల్ కు మ్యాడ్ మ్యాక్స్ టైటిల్ కాకుండా మ్యాడ్ స్క్వేర్ టైటిల్ ను ఫిక్స్ చేయడమే కాకుండా పూజా కార్యక్రమాలను కూడా నిర్వహించారు.
Also Read: Manifesto: గుడ్ న్యూస్.. ఉచితంగా గ్యాస్ సిలిండర్లు, బాలికలకు రూ. 50 వేలు?
ఇక ఈ పూజా కార్యక్రమాలకు టిల్లు అన్న సిద్దు జొన్నలగడ్డ హాజరై కెమెరా స్విచ్ఛాన్ చేసాడు. అయితే ఈ సినిమాకు మ్యాడ్ స్క్వేర్ అని పెట్టడానికి కారణం టిల్లు అనే తెలుస్తోంది. డీజే టిల్లుకు సీక్వెల్ గా వచ్చిన చిత్రానికి టిల్లు స్క్వేర్ అని పెట్టడంతో మంచి హిట్ అందుకుంది. ఇక అదే సెంటిమెంట్ మ్యాడ్ కూడా వర్తిస్తుందేమో అని మ్యాడ్ స్క్వేర్ పెట్టారని అంటున్నారు. కాలేజ్ నుంచి బయటికి వెళ్లిన మ్యాడ్ గ్యాంగ్.. ఆ తరువాత ఏం చేశారు అనేది ఈ మ్యాడ్ స్క్వేర్ లో చూపించనున్నారు. మరి ఈ సినిమాతో ఈ గ్యాంగ్ ఎలాంటి హిట్ అందుకుంటుందో చూడాలి.
#MADSquare BEGINS!! 🕺💥
It's time to take the FUN to new heights, Here are some clicks from the pooja ceremony which was held on UGADI. ✨🤩
Thank you Starboy #Siddu & @anudeepfilm garu for gracing the ceremony. ❤️@kalyanshankar23 @vamsi84 #HarikaSuryadevara #SaiSoujanya… pic.twitter.com/v0eHYM1Uo8
— Fortune Four Cinemas (@Fortune4Cinemas) April 19, 2024
Share
Under Rs.10 Lakh Cars: ఈ కార్ల ధర తెలిస్తే కొనకుండా ఉండలేరు.. రూ. 10లక్షల లోపే!
YS Sunitha on Court Order: త్వరలో.. హైకోర్టును ఆశ్రయిస్తా: వైఎస్ సునీత!
