Allu Arjun: ప్రస్తుతం అల్లు అర్జున్ పుష్ప 2 సినిమాతో బిజీగా ఉన్న విషయం తెల్సిందే. సుకుమార్ దర్శకత్వం వహిస్తున్న ఈ సినిమా ప్రస్తుతం శరవేగంగా షూటింగ్ జరుపుకుంటుంది. ఈ సినిమా మరో నెల రోజుల్లో షూటింగ్ ను పూర్తిచేసుకుంటుంది. ఇక తరువాత బన్నీ ప్రాజెక్ట్ ఏంటి.. ? అనేది చర్చనీయాంశంగా మారింది.
పుష్ప 2 తరువాత బన్నీ.. కోలీవుడ్ స్టార్ డైరెక్టర్ నెల్సన్ దిలీప్ కుమార్ తో ఒక సినిమా ఫైనల్ అయ్యిందని వార్తలు వచ్చాయి. అది కూడా పట్టాలెక్కడం లేదని తెలిసిపోయింది. ఇక ఈ మధ్యకాలంలో మరో డైరెక్టర్ అట్లీ దర్శకత్వంలో బన్నీ నటిస్తున్నాడని వార్తలు వచ్చాయి.
అట్లీ కూడా ఈ సినిమను కన్ఫర్మ్ చేశాడు. కానీ, కొన్నిరోజుల తరువాత అట్లీ- అల్లు అర్జున్ సినిమా కూడా ఆగిపోయిందని టాక్ నడిచింది. అదే కథను బాలీవుడ్ హీరో సల్మాన్ ఖాన్ కు అయితే సెట్ అవుతుందని, షారుఖ్ చెప్పడంతో అట్లీ వెంటనే బన్నీని పక్కకు పెట్టినట్లు సమాచారం. ఇక అలా ఈ రెండు కథలు అన్ని చేజారిపోయాయి. ఇక ఈ రెండు సినిమాలు కాకుండా ప్రస్తుతం బన్నీ ఓకే చేసిన సినిమా త్రివిక్రమ్ ది. ఈ కాంబోలో ఇప్పటికే మూడు సినిమాలు వచ్చాయి.
జులాయి, సన్నాఫ్ సత్యమూర్తి, అలా వైకుంఠపురంలో సినిమాలు రిలీజ్ అయ్యి ఏ రేంజ్ హిట్ అయ్యాయో ప్రత్యేకంగా చెప్పాల్సిన అవసరం లేదు. ఇక నాలుగోసారి ఈ కాంబో రిపీట్ అవుతుంది. త్రివిక్రమ్ .. ఈ సినిమాను భారీగా ప్లాన్ చేస్తున్నట్లు తెలుస్తోంది. త్రివిక్రమ్ మాములు సినిమాల్లోనే పురాణాల గురించి చెప్పుకొస్తాడు. అలాంటిది ఈ సినిమా మొత్తం పురాణాలకు సంబంధించిదే ఉండబోతుందట. కల్కి లాంటి కథను త్రివిక్రమ్ రెడీ చేస్తున్నాడట. ఇదే కనుక నిజమైతే బన్నీకి మరో హిట్ గ్యారెంటీ అని ప్రేక్షకులు చెప్పుకొస్తున్నారు. మరి ఇందులో నిజమెంత అనేది తెలియాల్సి ఉంది.
Share
Viral Video: వావ్.. వాట్ ఏ డ్యాన్స్ పాప.. అదిరిపోయే స్టెప్పులతో ఈ పాప డ్యాన్స్ చూశారా..
Rohit Sharma's ODS and Test Retirement Plans: 37ఏళ్ల రోహిత్ శర్మ.. ఎప్పుడు రిటైర్ కావాలి?
