Pushpa movie team on SRH(Cinema news in telugu): ఐకాన్ స్టార్ అల్లు అర్జున్, రష్మిక మందన్నా జంటగా నటిస్తోన్న పుష్ప 2 మూవీ కోసం ప్రేక్షకాభిమానులు ఎంతో ఆసక్తిగా ఎదురుచూస్తున్నారు. దర్శకుడు సుకుమార్ ఈ చిత్రాన్ని ఎంతో గ్రాండ్ లెవెల్లో తెరకెక్కిస్తున్నాడు. ఈ మూవీ ఫస్ట్ పార్ట్ సెన్సేషన్ విజయాన్ని అందుకున్న తర్వాత ‘పుష్ప’ టీంపై మరింత భారం పడింది. అందువల్ల ఇప్పుడు ఫస్ట్ పార్ట్ కంటే మరింత భారీ స్థాయిలో రూపొందిస్తున్నారు.
ప్రస్తుతం ఈ మూవీ షూటింగ్ శరవేగంగా జరుగుతోంది. ఇప్పటికే సగానికి పైగా షూటింగ్‌ని మూవీ టీం కంప్లీట్ చేసుకుంది. ఈ మూవీ నుంచి ఇదివరకే విడుదలైన పోస్టర్లు, గ్లింప్స్, టీజర్ సినిమాపై భారీ అంచనాలను క్రియేట్ చేశాయి. అయితే ఈ మూవీ నుంచి మరిన్ని అప్డేట్ల కోసం ప్రేక్షకాభిమానులు ఎంతో ఆసక్తిగా ఎదురుచూస్తున్నారు.
ఈ నేపథ్యంలో పుష్ప టీం నుంచి క్రేజీ అప్డేట్ వచ్చింది. ఈ మేరకు సోషల్ మీడియాలో పుష్ప టీం చేసిన ట్వీట్ నెట్టింట వైరల్ అవుతోంది. అదేంటంటే.. ఇప్పుడంతా ఐపీఎల్ సీజన్ నడుస్తోంది. ఈ సీజన్‌లో సన్‌రైజర్స్ హైదరాబాద్ దుమ్ము దులిపేస్తోంది. ఏ టీం అయినా.. ఎలాంటి బౌలర్ అయినా సన్‌రైజర్స్ దెబ్బలకు షాక్ అవుతున్నారు.
Also Read: పుష్ప 2 టీజర్ సెన్సేషనల్ రికార్డు.. ఆనందం వ్యక్తం చేసిన మూవీ టీం!
దీంతో సన్‌రైజర్స్ హైదరాబాద్‌ను పుష్ప సినిమాతో పోలుస్తూ మూవీ టీం ఓ పోస్టర్‌ను రిలీజ్ చేసింది. ఈ ఏడాది ఐపీఎల్ సీజన్‌లో సన్‌రైజర్స్ తన రికార్డును తానే బద్దలు కొట్టింది. ఇటీవలే ముంబైతో జరిగిన మ్యాచ్‌లో 277 పరుగులు చేసి రికార్డు క్రియేట్ చేసింది. అయితే ఆ తర్వాత బెంగుళూరుతో జరిగిన మ్యాచ్‌లో 287 పరుగులు చేసి తన రికార్డును తానే బద్దలు కొట్టింది.
HUPPPP!!! 💥💥
277/3 – SRH: The Rise 😎
287/3 – SRH: The Rule 🤙Congratulations on scoring the Highest-ever IPL team totals twice in this season! 🔥 @SunRisers https://t.co/kcfJBj5E0Z pic.twitter.com/co0o1zIw7T
— Pushpa (@PushpaMovie) April 16, 2024
దీంతో పుష్ప టీం.. మొదటి మ్యాచ్‌ను పుష్ప పార్ట్ వన్‌గా, రెండో మ్యాచ్‌ను పుష్ప పార్ట్ 2గా పోలుస్తూ సోషల్ మీడియా వేదికగా పోస్ట్ చేసింది. ఈ మేరకు రెండు సార్లు భారీ స్కోర్ చేసిన సన్‌రైజర్స్ హైదరాబాద్ జట్టుకు ప్రత్యేక అభినందనలు తెలిపింది. దీంతో పలువురు నెటిజన్లు, అభిమానులు పుష్ప మూవీలోని డైలాగ్‌లతో కామెంట్లు చేస్తున్నారు.
Share
Manickam tagore vs Radhika: విరుదునగర్ గాలి ఎటు, ఎవరి సొంతం?
Hari Hara Veeramallu: పవన్ కళ్యాణ్ ఫ్యాన్స్‌కు గుడ్ న్యూస్.. మీ ముందుకు ‘ధర్మం కోసం యుద్ధం’
