BellamKonda Srinivas : యువ క‌థానాయ‌కుడు బెల్లంకొండ శ్రీనివాస్ ఓ వ‌ర‌ల్డ్ రికార్డ్‌ను క్రియేట్ చేశాడు. అది కూడా సినిమాల ప‌రంగా కావ‌టం ఎవ‌రూ ఊహించ‌ని విష‌యం. తెలుగు సినిమా చ‌రిత్రలో కాదు.. ఇండియ‌న్ సినిమాల్లోనే కాదు.. ఏకంగా పాన్ వ‌ర‌ల్డ్ రేంజ్‌లోనే బెల్లంకొండ మూవీ రికార్డ్ క్రియేట్ చేయటం విశేషం. ఇంతకీ ఆ సినిమా ఏదో కాదు.. జ‌య‌జాన‌కినాయక. మాస్ డైరెక్ట‌ర్ బోయ‌పాటి శ్రీను ఈ సినిమాను డైరెక్ట్ చేశారు. ఈ సినిమా హిందీ వెర్ష‌న్‌ను ఖూన్‌కార్ పేరుతో యూ ట్యూబ్‌లో రిలీజ్ చేశారు. ఈ మూవీ యూ ట్యూబ్‌లో వ్యూస్ ప‌రంగా ఇప్ప‌టి వ‌ర‌కు 709 మిలియ‌న్స్ వ్యూస్‌ను సాధించింది. ఇప్ప‌టి వ‌ర‌కు మ‌రే హీరో సినిమాకు ఈ రికార్డ్ లేదు.
జ‌య‌జానకి నాయ‌క సినిమా సాధించిన వ‌ర‌ల్డ్ రికార్డ్ విష‌యాన్ని తెలియ‌జేస్తూ మేక‌ర్స్ పోస్ట‌ర్‌ను విడుద‌ల చేశారు. ద్వారకా క్రియేష‌న్స్ బ్యాన‌ర్‌పై మిర్యాల ర‌వీంద‌ర్ ఈ చిత్రాన్ని నిర్మించారు. ఈ సినిమా 2017లో విడుద‌లైంది. ఆరేళ్ల త‌ర్వాత ఈ రికార్డ్ క్రియేట్ చేయటం అనేది నిజంగా అభినందించాల్సిన విష‌య‌మే. ఈ సినిమాలో ర‌కుల్ ప్రీత్ సింగ్ హీరోయిన్‌గా న‌టించ‌గా, శ‌ర‌త్ కుమార్‌, జ‌గ‌ప‌తిబాబు, నందు త‌దిత‌రులు ఇత‌ర కీల‌క పాత్ర‌ల్లో న‌టించారు. థియేట‌ర్స్‌లో ఓ మోస్త‌రుగానే రాణించిన ఈ సినిమా హిందీ వెర్ష‌న్‌కు ఇలాంటి రికార్డ్ ద‌క్కటం కొస మెరుపు.
బెల్లంకొండ శ్రీనివాస్ సినిమాల హిందీ వెర్ష‌న్స్‌కు ఫ్యాన్ బేస్ ఉంది. యూ ట్యూబ్‌లో ఈ యంగ్ హీరో సినిమాల‌కు మిలియ‌న్స్ సంఖ్య‌లో వ్యూస్ వ‌స్తుంటుంది. అందుక‌నే ఇప్పుడు బాలీవుడ్ నిర్మాత జ‌యంతి లాల్ గ‌డ ఇప్పుడు బెల్లంకొండ శ్రీనివాస్‌తో ఛ‌త్ర‌ప‌తిని అదే పేరుతో బాలీవుడ్‌లో రీమేక్ చేస్తున్నారు. ఈ చిత్రం మే 12న రిలీజ్ అవుతుంది.
Share
Moon:- చంద్రుడిపై నీటిజాడ.. పూసల ఆకారంలో..
Cheetah: 70 ఏళ్ల త‌ర్వాత భారత్ గడ్డపై చీతాలు జననం.. ఎక్కడో తెలుసా..?
