Parineeti Chopra : బాలీవుడ్ హీరోయిన్ పరిణీతి చోప్రాపై కొన్నిరోజులుగా ఓ రూమర్ సోషల్ మీడియాలో చక్కర్లు కొడుతోంది. ఈ భామ ఓ ఎంపీతో డేటింగ్ లో ఉందని వార్తలు వచ్చాయి. ఆ ఎంపీ ఎవరో కాదు.. ఆప్ నేత రాఘవ్ చద్దా. పంజాబ్‌ నుంచి ఆప్ తరఫున రాజ్యసభకు ప్రాతినిధ్యం వహిస్తున్నారు. ఆయనతో కలిసి పరిణీతి పార్టీకి వెళ్లిందంటూ సోషల్ మీడియాలో చర్చ జరుగుతోంది. ఈ జంట ప్రేమలో ఉన్నారని గాసిప్స్ గుప్పుమంటున్నాయి. ఈ రూమర్స్ కు ఆప్ మరో ఎంపీ సంజీవ్ ఆరోరా చేసిన ట్వీట్ బలాన్ని చేకూర్చింది.
ఆ ట్వీట్ లో ఏముందంటే..?
‘పరిణీతి, రాఘవ్‌కు హృదయపూర్వక శుభాకాంక్షలు. వారి బంధం.. ప్రేమ, ఆనందంతో నిండిపోవాలి’’అని సంజీవ్ ఆరోరా ట్వీట్ చేశారు. ఈ ట్వీట్ వైరల్ గా మారింది. దీంతో రాఘవ్ చద్దా, పరిణీతి చోప్రాకు ఎంగేజ్ మెంట్ జరిగిందని సోషల్‌మీడియాలో ఒకటే చర్చ.
ఎంపీ రాఘవ్ చద్దాతో డేటింగ్ చేస్తోందని వస్తున్న వార్తలపై పరిణీతి స్పందించింది. తాజాగా ఆమె ముంబై ఎయిర్‌పోర్టులో కనిపించగానే ఆమెను గుచ్చిగుచ్చి మీడియా ప్రతినిధులు ప్రశ్నించారు. పరిణీతి మాత్రం సిగ్గుపడుతూ వెళ్లిపోయింది. నవ్వుతూ బాయ్‌, గుడ్‌ నైట్‌ అంటూ వెళ్లిపోయింది. పరిణితి సిగ్గుపడుతూ సమాధానం దాటవేయడంతో రాఘవ్ చద్దాతో ఆమె ప్రేమలో ఉన్నారనే ఊహాగానాలు నిజమేనని స్పష్టమవుతోంది.
అటు రాఘవ్ చద్దా ఈ విషయంపై ఇప్పటి వరకు స్పందించలేదు. ఈ జంటలో ఎవరో ఒకరు అధికారికంగా ప్రకటిస్తేగానీ వారి బంధంపై పూర్తి క్లారిటీ రాదు. పరిణీతి ప్రస్తుతం అక్షయ్‌కుమార్‌కి జోడీగా ‘క్యాప్సూల్‌ గిల్‌’ అనే మూవీలో నటిస్తోంది.
Share
Shriya Saran : ఐఏఎస్ ఆఫీసర్ ద‌ర్శ‌క‌త్వంలో శ్రియా శ‌రన్‌
Moon:- చంద్రుడిపై నీటిజాడ.. పూసల ఆకారంలో..
