The GOAT Trailer: కోలీవుడ్ స్టార్ హీరో విజయ్ హీరోగా వెంకట్ ప్రభు దర్శకత్వంలో తెరకెక్కిన చిత్రం ది గోట్. AGS ఎంటర్ టైన్మెంట్స్ బ్యానర్ పై కల్పాతి ఎస్ అఘోరం, కల్పాతి ఎస్ గణేష్, కల్పాతి ఎస్ సురేష్ నిర్మిస్తున్నారు. ఈ చిత్రంలో విజయ్ తండ్రీకొడుకులుగా కనిపించనున్నాడు. ఇక ఇందులో విజయ్ సరసన స్నేహ, మీనాక్షీ చౌదరి నటిస్తున్నారు.
ఇప్పటికే ఈ సినిమా నుంచి రిలీజైన పోస్టర్స్, టీజర్, సాంగ్స్ ప్రేక్షకులను విశేషంగా ఆకట్టుకున్నాయి. ఎప్పటినుంచో గోట్ ట్రైలర్ కోసం అభిమానులు ఎదురుచూస్తుండగా.. మేకర్స్ కొద్దిసేపటి క్రితమే ట్రైలర్ ను రిలీజ్ చేసి.. ఫ్యాన్స్ కు సర్ ప్రైజ్ ఇచ్చారు. ట్రైలర్ ఆద్యంతం ఆకట్టుకుంటుంది. ఈ సినిమాలో విజయ్.. గాంధీ అనే స్పై గా కనిపిస్తున్నాడు.
68 ఇంటర్ నేషనల్ ఆపరేషన్స్, హోస్టేజ్ నెగోషియేటర్, ఫీల్డ్ ఏజెంట్.. స్పై అని విజయ్ గురించిన ఎలివేషన్ అదిరిపోయింది. ఇంకోపక్క యాక్షన్ మోడ్ లో విజయ్ ఫైట్స్ నెక్ట్ లెవెల్ లో ఉంది. చూచాయగా కథ చెప్పాలంటే.. ఒకప్పుడు స్పై గా పనిచేసిన గాంధీ.. చాలాకాలం తరువాత ఒక ఆపరేషన్ చేయాల్సి వస్తే.. దానికి కొడుకు కూడా హెల్ప్ చేస్తే.. అదే ది గోట్ సినిమా.
ఇక ఇందులో తండ్రి విజయ్ బావున్నాడు కానీ, కొడుకు విజయ్ ను చూడడం చాలా కష్టంగా ఉంది. AI ద్వారా విజయ్ చిన్నప్పటి రూపాన్నీ కూడా ఇందులో చూపించారు. కానీ, అది బెడిసి కొట్టేలా ఉంది. ఇప్పటికే కొడుకు విజయ్ కు సంబంధించిన సాంగ్ రిలీజ్ అయ్యి ట్రోల్స్ బారిన పడిన విషయం తెల్సిందే. ఇక స్టార్ క్యాస్టింగ్ గురించి ప్రత్యేకంగా చెప్పుకోవాలి. స్పైలుగా ప్రభుదేవా, ప్రశాంత్ కనిపించారు. స్నేహ.. విజయ్ కు తల్లిగా కనిపించింది.
ఇక సినిమాకు హైలైట్ అంటే యువన్ శంకర్ రాజా మ్యూజిక్. బ్యాక్ గ్రౌండ్ మ్యూజిక్ అయితే గూస్ బంప్స్ అని చెప్పాలి. మొత్తానికి ట్రైలర్ తోనే వెంకట్ ప్రభు ప్రేక్షకులను మెప్పించాడు. ఇకపోతే ఈ సినిమా సెప్టెంబర్ 5 న ప్రేక్షకుల ముందుకు రానుంది. మరి ఈ సినిమాతో విజయ్ ఎలాంటి విజయాన్ని అందుకుంటాడో చూడాలి.
Share
Documents burnt: ఏపీలో మరో ఘటన.. పోలవరం ప్రాజెక్టు పరిపాలన కార్యాలయంలో ఫైల్స్ దగ్ధం
Vaani Kapoor Fashion Pics: వాణి కపూర్ ఫ్యాషన్ పీక్స్.. రెట్రో లుక్స్తో కొత్త పిక్స్!
