Hanuman OTT Release Global Record : ఈ ఏడాది సంక్రాంతి బరిలో అగ్రహీరోల సినిమాలను తలదన్నేలా కలెక్షన్లు వసూలు చేసిన సినిమా హనుమాన్. చిన్న సినిమాగా విడుదలైన హనుమాన్.. బాక్సాఫీస్ వద్ద కలెక్షన్ల సునామీని సృష్టించింది. తెలుగు, హిందీ భాషల్లో ప్రత్యేక ప్రేక్షకాదరణ పొందింది. ప్రీమియర్ షోస్ తోనే రూ.3 కోట్లకు పైగా షేర్ సాధించిన హనుమాన్.. ఆ తర్వాత రూ.6 కోట్లకు పైగా గ్రాస్ వసూళ్లను సాధించింది. రిలీజైన మూడ్రోజుల్లోనే బ్రేక్ ఈవెన్ వసూళ్లు సాధించి.. కొత్త రికార్డును నెలకొల్పింది. 2024లో దేశంలోనే తొలి హిట్ సినిమాగా నిలిచింి.
తేజ సజ్జ – ప్రశాంత్ వర్మ కాంబినేషన్ లో వచ్చిన ఈ సినిమా అందరినీ ఆకట్టుకుంది. క్లైమాక్స్ లో వచ్చే హనుమాన్ చాలీసా చూస్తే.. ఎవరికైనా గూస్ బంప్స్ రావాల్సిందే. చివరిలో హనుమాన్ పార్ట్ 2.. జై హనుమాన్ కూడా ఉంటుందని, వచ్చే ఏడాది థియేటర్లలో విడుదల చేస్తామని ప్రకటించి మరింత ఆసక్తిని పెంచారు.
Also Read : ఓటీటీలోకి వచ్చేస్తున్న ఫైటర్.. ఎప్పుడు, ఎక్కడ స్ట్రీమ్ అవుతుందంటే..
విభీషణుడు.. నీకిచ్చిన మాటను నేను నిలబెట్టుకున్నా హనుమ.. ఇప్పుడిక నీ వంతు. రాముడికి ఇచ్చిన మాటను నువ్వు నిలబెట్టుకోవాల్సిన సమయం వచ్చింది అంటూ చెప్పే డైలాగ్ ఇంకాస్త క్యూరియస్ ను పెంచాయి. కాగా.. జనవరిలో ఈ విడుదలైన ఈ సినిమా రెండు నెలలకు ఓటీటీలో విడుదలైందు. ముందుగా హిందీ వెర్షన్ ను రిలీజ్ చేసిన స్ట్రీమింగ్ పార్ట్ నర్ జీ5.. తెలుగు వెర్షన్ విడుదలపై ఎలాంటి అప్డేట్ ఇవ్వకపోవడంతో ప్రేక్షకులు నిరాశ చెందారు.
ఆ తర్వాత ఎలాంటి ప్రకటన లేకుండానే తెలుగు వెర్షన్ వచ్చేసింది. మార్చి 17నే తెలుగు హనుమాన్ వెర్షన్ కూడా స్ట్రీమింగ్ కు రాగా.. 11 గంటల్లోనే 102 మిలియన్ల స్ట్రీమింగ్ మినిట్స్ తో గ్లోబల్ రికార్డు సృష్టించింది. అయితే హిందీ వెర్షన్ కు తెలుగు వెర్షన్ కు 8 నిమిషాలు తేడా రావడంతో.. తెలుగు సీన్లు కట్ చేశారని అనుకుంటున్నారు ప్రేక్షకులు. హిందీలో 2 గంటల 38 నిమిషాలున్న హనుమాన్.. తెలుగులో మాత్రం 2 గంటల 30 నిమిషాలు మాత్రమే ఉంది. అయితే ఇది కేవలం ఫ్రేమ్ రేట్ లో వచ్చిన మార్పే తప్ప సీన్లేమీ కట్ చేయలేదంటున్నారు మేకర్స్.
Share
IT Raids in Hyderabad : హైదరాబాద్లో ఐటీ దాడులు.. చట్నీస్ యజమాని ఇంట్లో సోదాలు
Football Match In Turkey: ఓడిపోయిన ఆటగాళ్లపై.. అభిమానుల దాడి టర్కీలో ఫుట్ బాల్ మ్యాచ్ లో గొడవ
