NKR21 Movie Climax Action Sequence: నందమూరి కళ్యాణ్ రామ్ కొత్త కొత్త కథలను ఎంచుకుంటూ తనదైన శైలిలో దూసుకుపోతున్నాడు. అయితే ‘బింబిసార’ సినిమాతో బ్లాక్ బస్టర్ హిట్ కొట్టిన అతడు ఆ తర్వాత అలాంటి హిట్ కొట్టేందుకు ప్రయత్నించిన రెండు సినిమాలు బాక్సాఫీసు వద్ద ఫ్లాప్గా నిలిచాయి. అందులో డెవిల్ మూవీ ఒకటి. ఈ సినిమా ఎన్నో అంచనాలతో తెరకెక్కింది. కానీ అనుకున్నంత స్థాయిలో హిట్ కాలేకపోయింది. ఈ సినిమా తర్వాత తన లైనప్లో మరో రెండు సినిమాలు ఉన్నాయి. అందులో ‘NKR-21’ సినిమా ఒకటి. ఈ సినిమాపై అందరిలోనూ భారీ అంచనాలు ఉన్నాయి.
ప్రదీప్ చిలుకూరి ఈ చిత్రానికి దర్శకత్వం వహిస్తున్నాడు. ముప్పా వెంకయ్య చౌదరి సమర్పణలో అశోక్ వర్ధన్ ముప్పా, సునీల్ బలుసు కలిసి నిర్మిస్తున్న ఈ సినిమాలో కల్యాణ్ రామ్ పవర్ ఫుల్ మాస్ అండ్ రగ్గడ్ లుక్లో కనిపించనున్నాడు. ఇటీవల కళ్యాణ్ రామ్ బర్త్ డే సందర్భంగా ఈ సినిమా నుంచి మేకర్స్ ఒక కొత్త పోస్టర్ను రిలీజ్ చేసి నందమూరి ఫ్యాన్స్లో సరికొత్త ఉత్సాహాన్ని నింపారు. ఆ పోస్టర్లో కళ్యాణ్ మాస్ లుక్ చాలా క్యూరియాసిటీ క్రియేట్ చేసింది. పిడికిలి బిగించి అగ్గిని కూడా లెక్కచేయకుండా కూర్చున్న అతడి లుక్ సినీ ప్రియుల్ని విపరీతంగా ఆకట్టుకుంది.
Also Read: కళ్యాణ్ రామ్ బర్త్ డే స్పెషల్.. అదిరిపోయిన కొత్త సినిమాల పోస్టర్లు..
అదే సమయంలో అతడి చుట్టూ ఉన్న గూండాలు కసితో అతడిని చూస్తున్న తీరు అదొక యాక్షన్ సీన్కు సంబంధించిన పోస్టర్లా అనిపించింది. ఆ పోస్టర్తో సినిమాకి బజ్ ఫుల్గా క్రియేట్ అయింది. ఆ లుక్లో కళ్యాణ్ రామ్ను మునుపెన్నడూ చూడలేదని అభిమానులు, సినీ ప్రియులు చెప్పుకొచ్చారు. దీంతో కల్యాణ్ రామ్ ఈ సారి గట్టి హిట్ కొట్టేస్తాడని అంతా ఫిక్స్ అయిపోయారు. ఇకపోతే ఈ సినిమా కళ్యాణ్ రామ్ కెరీర్లో అత్యంత భారీ బడ్జెట్తో తెరకెక్కుతోంది. ఈ సినిమాలోని యాక్షన్ సీక్వెన్స్ను మేకర్స్ అత్యంత భారీ స్థాయిలో రూపొందిస్తున్నట్లు సమాచారం. ప్రస్తుతం ఈ మూవీ షూటింగ్ శరవేగంగా జరుగుతుంది. ఇందులో భాగంగానే తాజాగా ఈ సినిమా షూటింగ్ క్లైమాక్స్కి చేరుకున్నట్లు తెలుస్తోంది.
ఈ క్లైమాక్స్ కోసం మేకర్స్ భారీ స్థాయిలో యాక్షన్ సీక్వెన్స్ షూట్ చేస్తున్నట్లు తెలుస్తోంది. ఈ షూట్ కోసం ఏకంగా 30 రోజులు డేట్స్ కేటాయించినట్లు సమాచారం. అంతేకాకుండా ఈ ఒక్క యాక్షన్ సీక్వెన్స్ కోసం ఏకంగా రూ.8 కోట్ల బడ్జెట్ కేటాయించినట్లు గుసగుసలు వినిపిస్తున్నాయి. అంతేకాదండోయ్.. ఇంకా ఉంది. దాదాపు 1000 జూనియర్ ఆర్టిస్టులుతో ఈ క్లైమాక్స్ యాక్షన్ సీక్వెన్స్ చిత్రీకరిస్తున్నారట. దీనికి రామకృష్ణ కొరియోగ్రాఫర్గా, బ్రహ్మ కడలి ఆర్ట్ డైరెక్టర్గా వ్యవహరిస్తున్నట్లు తెలుస్తోంది. దీని బట్టి చూస్తే సినిమా ఏ రేంజ్లో తెరకెక్కుతుందో అర్థం అవుతుంది.
Share
Narsingi Drugs case:డ్రగ్స్ కేసులో వామ్మో..ఇంత మంది సెలబ్రిటీలా?
Home Minister Anitha: గంజాయి సమాచారం ఇచ్చేవారికి ప్రైజ్ మనీ ఇస్తాం: హోంమంత్రి అనిత
